جاراتىلىستىق بايلىق مينيسترلىگى، مەملەكەتتىك ورمان شارۋاشىلىعى جانە جايىلىم مەكەمەسى زاڭ – تۇزىمگە قايشى تيپتىك ماسەلەلەر جونىندە حابارلاندىرۋ شىعاردى 

حالىق گازەتىنىڭ ءتىلشىسى چاڭ چين 2 – ايدىڭ 9 – كۇنى بەيجيڭنەن حابارلايدى. ءتىلشىنىڭ جاراتىلىستىق بايلىق مينيسترلىگىنەن ۇعىسۋىنشا، جاراتىلىستىق بايلىق مينيسترلىگى مەن مەملەكەتتىك ورمان شارۋاشىلىعى جانە جايىلىم مەكەمەسى 2025 – جىلى ءتورتىنشى توقساندا زاڭ – تۇزىمگە قايشى تيپتىك 8 ماسەلە جونىندە حابارلاندىرۋ شىعارعان.

جاراتىلىستىق بايلىق مينيسترلىگى مەن مەملەكەتتىك ورمان شارۋاشىلىعى جانە جايىلىم مەكەمەسىنىڭ 2025 – جىلى ءتورتىنشى توقساندا بايقاۋىنشا، ءىشىنارا جەرلەردە زاڭسىز تۇردە جەردى يەلەپ الۋ، ەگىستىك جەردى جانە ماڭگىلىك نەگىزدىك ەگىنجايدى ءبۇلدىرۋ، مەملەكەت تەرريتورياسى كەڭىستىگى جوباسىنا قايشى اشۋ جانە قۇرىلىس سالۋ، ورمان مەن جايىلىمدى، ەكولوگيالىق ورتانى ءبۇلدىرۋ قاتارلى ماسەلەلەر ساقتالعان. حابارلاندىرۋدا مىنالاردى تالاپ ەتكەن: جەر – جەر كۇندەلىكتى باسقارۋدى جۇيەگە ءتۇسىرۋى، باسقارۋ ساياساتىن كەمەلدەندىرۋى، ۇزاق مەرزىمدىك ءونىمدى مەحانيزمدى كەمەلدەندىرۋى، اكىمشىلىك ارەكەتتەردى باقىلاۋ – تەكسەرۋدى كۇشەيتۋى كەرەك، ەگىستىك جەر مەن ماڭگىلىك نەگىزدىك ەگىنجايدى ساپالىلاندىرۋ، ەكولوگيالىق ورتانى قورعاۋ قىزىل سىزىعى، قالا – قالاشىقتى كوركەيتۋ شەكاراسى قاتارلى باسقارۋ سىزىقتارىن تياناقتاندىرۋ، رايوندارعا، تۇرلەرگە ءبولىپ، پايدالانۋ ماقساتىنا قاراي پارىقتى، قۇنتتى باسقارۋ، ەگىستىك جەردى قورعاۋ قىزىل سىزىعىن، ەكولوگيالىق ورتانى قورعاۋ قىزىل سىزىعىن جانە زاڭ مەن ساياساتتىڭ تومەنگى شەگىن باتىل قورعاۋ، دامۋ مەن حاۋىپسىزدىكتى اناعۇرلىم ويداعىداي ءبىرتۇتاس جوسپارلاپ، جوعارى ساپالى دامۋدى ىلگەرىلەتۋ قاجەت.

كەلۋ قاينارى: حالىق تورابى