بۇكىل ەلىمىز بويىنشا تۇڭعىش رەت بۇلاقتاردى تەكسەرۋ جانە باقىلاۋ - ولشەۋ قىزمەتى اياقتالدى

حالىق گازەتىنىڭ ءتىلشىسى ۋاڭ حاۋ 2 – ايدىڭ 9 – كۇنى بەيجيڭنەن حابارلايدى. ءتىلشىنىڭ سۋ يگىلىگى مينيسترلىگىنەن ۇعىسۋىنشا: سۋ بايلىعىن تەكسەرۋ، باقىلاۋ – ولشەۋ جانە ساراپتاۋ تۇزىمىندە بۇلاقتاردىڭ قامتىلماۋى سىندى بوستىقتى تولتىرۋ ءۇشىن، 2025 – جىلى سۋ يگىلىگى مينيسترلىگى بۇكىل ەلىمىز بويىنشا تۇڭعىش رەت بۇلاقتاردى تەكسەرۋ جانە باقىلاۋ - ولشەۋ قىزمەتىن ورىنداپ، بۇكىل ەلىمىز بويىنشا بۇلاقتاردى تەكسەرۋ جانە باقىلاۋ – ولشەۋ قىزمەتىنەن مالىمەتتى دايىنداپ، بۇلاقتاردى تەكسەرۋ جانە باقىلاۋ – ولشەۋ قىزمەتىن ءساتتى باستاعان.

بۇلاق — جەر استى سۋىنىڭ تابيعي تۇردە جەر بەتىنە شىققان تۇسى، وڭىرلىك سۋ ەكولوگيالىق جۇيەسىنىڭ اقاۋسىزدىعىن باعالايتىن بەلگىلىك فاكتورلاردىڭ ءبىرى. جۋىرداعى جىلداردان بەرى، بۇكىل ەلىمىزدەگى كوپ جەرلەردە اعىسى ۇزىلگەن بۇلاق سۋلارى قايتادان بايقالىپ، جەر استى سۋىنان شەكتەن تىس پايدالانۋدى جالپى بەتتىك جونگە سالۋ ناتيجەسى كورنەكتى بولعان، وزەن – كولدەردىڭ ەكولوگيالىق ورتاسى كورنەكتى جاقسارعان. 2023 – جىلى ورىستەتىلگەن بۇلاقتاردى تەكسەرۋ جانە ولشەۋ، جاي – جاپسارىن ۇعىسىپ تەكسەرۋ نەگىزىندە، 2025 – جىلى سۋ يگىلىگى مينيسترلىگى ۇيىمدىق جەتەكشىلىكتى كۇشەيتىپ، تەحنيكالىق تالاپتاردى دايىنداپ، مىندەتتەردى ءبولىپ ورنالاستىرۋدى تياناقتاندىرىپ ، بۇكىل ەلىمىز بويىنشا بۇلاق، كارىز جانە جەر استى كومەسكى وزەنىنە قاتىستى دالالىق تەكسەرۋدى ۇيىمداستىرىپ، 463 ورىنداعى بۇلاقتى، كارىزدى، جەر استى كومەسكى وزەنىن تەكسەرۋ تىزىمدىگىنە تاڭداپ ەنگىزىپ، سۋ اعىنى، سۋ تەمپەراتۋراسى، pH ءمانى، لايلانۋ دارەجەسى، ءتۇسى، ەلەكتر وتكىزۋ مولشەرى قاتارلى كورسەتكىشتەردى باقىلاپ، بۇلاق سۋىن باياندى قورعاۋ جانە باسقارۋى قىزمەتىنە نەگىز قالاعان. كەلەسى قادامدا، سۋ يگىلىگى مينيسترلىگى بۇلاقتى تەكسەرۋ، باقىلاۋ - ولشەۋ جانە ساراپتاۋ ءتۇزىمىن زەرتتەپ ورناتۋ، كەمەلدەندىرۋ قىزمەتىن مىقتى ۇستاپ، بۇلاق سۋى مەن بۇلاق الابىن باقىلاۋ بەكەت – تورىن جەدەل كەمەلدەندىرىپ، بۇلاق سۋىن تەكسەرۋ جانە باقىلاۋ - ولشەۋ قىزمەتىن ۇدايىلانعاندىرۋدى ىلگەرىلەتەدى.

كەلۋ قاينارى: حالىق تورابى