وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ جاراتىلىستىق قورىق ەرەجەسى» جاريالاندى

شينحۋا اگەنتتىگى، 2 - ايدىڭ 9 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ جاراتىلىستىق قورىق ەرەجەسىن» جاريالادى، بۇل ەرەجە 2026 - جىلى 3 - ايدىڭ 15 - كۇنىنەن باستاپ اتقارىلادى.

«ەرەجەنىڭ» ماقساتى − جاراتىلىستىق قورىق قۇرىلىسىن جوعارى ساپامەن ىلگەرىلەتىپ، جاراتىلىستىق قورىقتى قورعاۋ مەن باسقارۋدى كۇشەيتىپ، ەكولوگيالىق وركەنيەت پەن كورىكتى جۇڭگو قۇرىلىسىن جاپپاي ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتۋ. «ەرەجە» جالپى 5 تاراۋ، 48 تارماقتان قۇرالعان، نەگىزىنەن مىناداي مازمۇندارعا وزگەرىس ەنگىزىلدى:

ءبىرىنشى، جاراتىلىستىق قورىقتىڭ فۋنكتسيالىق ورنى كەمەلدەندىرىلدى. تابيعي قورعالاتىن جەردىڭ تۇرىنە قاراي قاتىستى ولشەمدەر بەلگىلەنىپ، جاراتىلىستىق قورىقتاردى تيپتىك جاراتىلىستىق ەكولوگيالىق جۇيە، سيرەك كەزدەسەتىن، تۇقىمى قۇرۋعا تاياعان جابايى حايۋاناتتار مەن وسىمدىكتەر تۇرلەرىنىڭ تابيعي شوعىرلى تارالعان رايونى، ەرەكشە مانگە يە جاراتىلىستىق جۇرتتار دەپ ايىرۋ باستى ماقسات ەتىلىپ، جاراتىلىستىق بايلىقتى عىلمي قورعاۋدى جانە ۇيلەسىمدى پايدالانۋدى جۇزەگە اسىراتىن ەرەكشە قۇرلىق جانە تەڭىز - مۇحيت ءوڭىرى بەلگىلەندى.

ەكىنشى، جاراتىلىستىق قورىق قۇرىلىسىنىڭ جالپى تۇلعالىق تالابى ايقىندالدى. جاراتىلىستىق قورىق قۇرىلىسىندا پارتيا مەن مەملەكەتتىڭ لۋشيان، باعىت، ساياساتتارىن، شەشىمدەرى مەن ورنالاستىرۋلارىن دايەكتىلەندىرىپ، تۇنىق سۋ، جاسىل تاۋ باعالى بايلىق ۇستانىمىن امالياتتا ايگىلەپ، حالىقتى وزەك ەتكەن دامۋ يدەياسىنا تاباندى بولىپ، ەكولوگيانى قورعاۋدى ءبىرىنشى ورىنعا قويۋعا، قورعاۋ مەن دامىتۋدى ءبىر تۇتاس جوسپارلاۋعا تاباندى بولىپ، جەرگىلىكتى جاعدايعا قاراي ىستەۋگە، ەرەكشەلىكتى كورنەكتىلەندىرۋگە تاباندى بولىپ، ۇكىمەت جەتەكشىلىك ەتەتىن، كوپ جاق ات سالىساتىن، قوعام ورتاق يگىلىكتەنەتىن مەحانيزم ورناتىپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ بىرلىگىن جۇزەگە اسىرۋ كەرەك.

ءۇشىنشى، جاراتىلىستىق قورىقتاردى باسقارۋ ءتۇزىلىسى رەفورماسى جونىندەگى ورنالاستىرۋلار تياناقتاندىرىلدى. مەملەكەتتىك كەڭەستىڭ ورمان، جايىلىم باسقارۋ تاراۋى بۇكىل ەلدەگى جاراتىلىستىق قورىقتاردى باقىلاۋ - باسقارۋ قىزمەتىنە، مەملەكەتتىك كەڭەستىڭ قاتىستى تاراۋلارى ءوز مىندەتى كولەمىندە جاراتىلىستىق قورىقتاردى باقىلاۋ - باسقارۋ قىزمەتىنە، جاراتىلىستىق قورىق باسقارۋ قۇرىلىمى سايكەستى جاراتىلىستىق قورىقتاردى قورعاۋ جانە باسقارۋ قىزمەتىنە جاۋاپتى بولاتىندىعى ايقىندالدى.

ءتورتىنشى، جاراتىلىستىق قورىق قۇرۋ ارناعا ءتۇسىرىلدى. جاراتىلىستىق قورىق رايونىن قۇرۋدا ازىرلەۋگە ءتيىستى شارتتار ايقىندالدى؛ جەرگىلىكتى دارەجەلى جاراتىلىستىق قورىق رايوندارى ولكە دارەجەلى جاراتىلىستىق قورىق رايوندارى ەتىپ ءبىر تۇتاس بىرىكتىرىلەدى؛ جاراتىلىستىق قورىق رايونى اۋماعىن بەكىتۋدە تابيعي ەكولوگيالىق جۇيە سياقتى قورعاۋ وبەكتىسىنىڭ ورنالاستىرىلۋ رايونىنىڭ كەمەلدەنۋى، باسقارۋدىڭ مۇمكىنشىلىگى جانە توڭىرەكتىڭ ەكونوميكالىق، قوعامدىق دامۋ قاجەتى ءبىر تۇتاس ويلاستىرىلادى.

بەسىنشى، جاراتىلىستىق قورىقتاردى قورعاۋ، باسقارۋ كۇشەيتىلەدى. بەلگىلەمەدە جاراتىلىستىق قورىق رايونىن جالپى بەتتىك قورعاۋ، جۇيەنى قالپىنا كەلتىرۋ، جان - جاقتى جونگە سالۋ شارالارى بەلگىلەندى؛ باقىلاۋ - باسقارۋ تور جۇيەسى قۇرىلىسىن كۇشەيتۋ، ەكولوگيالىق حاۋىپ - قاتەردى ۋاعىندا باعالاۋ جانە ودان سيگنال بەرۋ بەلگىلەندى؛ جاراتىلىستىق قورىق رايونىنىڭ وزەكتى قورعانس رايونىندا پرينسيپتىك جاقتان ادامداردىڭ ارەكەتىن شەكتەۋ، ادەتتەگى رايونى ىشىندە ادامداردىڭ ارەكەتىن قاتاڭ شەكتەۋ؛ جاراتىلىستىق قورىق رايونىن باسقارۋ قۇرىلىمى كۇندەلىكتى شارلاۋ - قورعاۋ ءتارتىبىن ورناتىپ، توسىن تۋىلعان ىستەرگە شۇعىل توتەپ بەرۋ جوباسىن جاساۋ كەرەكتىگى؛ جاراتىلىستىق قورىق رايوندارىن قورعاۋ جاعدايىن باقىلاۋ - تەكسەرۋدى كۇشەيتۋ كەرەكتىگى بەلگىلەندى.

التىنشى، زاڭدىق جاۋاپكەرشىلىك قاتايتىلدى. جازالاۋعا ءتيىستى زاڭعا قايشى ارەكەتتەردىڭ ءتۇرى مەن زاڭ اتقارۋ سۋبيەكتىلەرىن ونان ارى ايقىنداپ، جازالاۋ تەبىنىن ارتتىرۋ كەرەكتىگى بەلگىلەندى.

كەلۋ قاينارى: حالىق تورابى