وقۋ كەدەرگىسىز بولدى، شەت - شالعاي جەرگە دەيىن ۇيرەنىمپاز ورتا قالىپتاستى (تياناقتاندىرۋدىڭ قايتىمدى اڭىسى . ساياسي كەڭەستىڭ ۇسىنىس جوبالارىن جوعارى ساپامەن شەشۋ)

كورۋ كەدەرگىسى، ەستۋ كەدەرگىسى بار قاۋىمنىڭ وقۋ ۇقىق - مۇددەسىن قامتاماسىزداندىرۋ _ جالپى حالىقتىق وقۋ اياق الىسىن ىلگەرىلەتۋدە نەمقۇرايدى قاراۋعا بولمايتىن بۋىن.

2025 - جىلعى مەملەكەتتىك ەكى ءماجىلىس كەزىندە، جۇڭگو دەموكراتيالىق العاباسارلىق پارتياسى ورتالىق كوميتەتى «كورۋ كەدەرگىسى، ەستۋ كەدەرگىسى بار قاۋىمنىڭ وقۋ ۇقىق - مۇددەسىن قامتاماسىزداندىرۋ جونىندەگى ۇسىنىس جوبانى» تاپسىرىپ، جۇرت نازارىن جاپپاي اۋدارعان ەدى. ”ءبىز تەكسەرۋ - زەرتتەۋ بارىسىندا كىتاپحانا سياقتى الەۋمەتتىك مادەنيەتكە قىزمەت وتەۋ قۇرىلىمدارىندا كورۋ كەدەرگىسى، ەستۋ كەدەرگىسى بار قاۋىمعا ارنالعان وقۋ بايلىعىنىڭ ءبىرشاما از ەكەنىن، باسپا ءسوز زاڭدىلىعىن، تەحنيكاسىن بىلەتىن، مۇگەدەك قاۋىمدى ءتىپتى دە بىلەتىن امبەباپ دارىندىلاردىڭ ءبىرشاما تاپشى ەكەنىن بايقادىق“ دەدى ۇسىنىس جوبا تاپسىرۋعا قاتىناسقان جۇڭگو دەموكراتيالىق العاباسارلىق پارتياسى ورتالىق كوميتەتىنىڭ باسپا ءسوز جانە مەديا كوميتەتىنىڭ باس حاتشىسى دۋان يان - ۋىن.

وسى ۇسىنىس جوبانى باستاماشىلدىقپەن ءبىر جاقتى ەتۋگە جاۋاپتى جۇڭگو مۇگەدەكتەر بىرلەستىگى وسكەلەڭ ءمان بەرىپ، ۇسىنىس جوباعا قاتىستى ماسەلەلەر مەن ۇسىنىستار جونىندە قاتىستى تاراۋلارمەن قايتا - قايتا بايلانىس جاساپ، ءبىر - بىرلەپ جاۋاپ قايتاردى. جۇڭگو مۇگەدەكتەر بىرلەستىگىنىڭ قاتىستى جاۋاپتىسى مىنانى ءبىلدىردى: كەدەرگىسىز وقۋدىڭ الەۋمەتتىك مادەنيەتكە قىزمەت وتەۋ جۇيەسىمەن توعىسۋىن ۇزدىكسىز ىلگەرىلەتىپ، كەدەرگىسىز وقۋدى جالپىلاستىرۋ جانە وقۋعا جەتەكشىلىك ەتۋ قيمىلىن ىشكەرىلەي ورىستەتەمىز؛ ءبىر توپ كەدەرگىسىز وقۋعا قىزمەت وتەيتىن كاسىپتىك دارىندىلار قوسىنى مەن ەرىكتىلەر قوسىنىن قۇرۋدى ىلگەرىلەتەمىز.

بيىل 2 - ايدىڭ 1 - كۇنى «جالپى حالىقتىق وقۋدى جەبەۋ ەرەجەسى» اتقارىلا باستادى، زاڭ فورماسى ارقىلى كەدەرگىسىز باسىلىمدارمەن قامداۋعا دەم بەرىلىپ، جالپى حالىقتىق وقۋدىڭ كەدەرگىسىز قۇرىلعى قۇرىلىسىنا قولداۋ كورسەتىلدى.

”قاعاز بەتىندەگى ۇسىنىس جوبالاردىڭ دامۋدى ىلگەرىلەتەتىن كۇشكە اينالعاندىعىن كوردىك، بۇل ءبىزدى دامۋدىڭ قاجەتىنەن، حالىقتىڭ تىلەگىنەن، كاسىپتىك ارتىقشىلىعىنان تۋىنداعان جوعارى ساپالى ۇسىنىس جوبالاردى دالمە - ءدال العا قويۋعا شابىتتاندىردى“ دەدى دۋان يان - ۋىن.

كەلۋ قاينارى: حالىق تورابى