بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.02.11 13:33 كەلۋ قاينارى : حالىق تورابى
مەملەكەتتىك ەمدەۋدى قامتاماسىزداندىرۋ مەڭگەرمەسى 2 - ايدىڭ 10 - كۇنى ەمدەۋ قامسىزداندىرۋى سالاسىندا ”ءبىر ءىستى ءونىمدى ورىنداۋ“ بويىنشا 2026 – جىلى ورىندالاتىن تۇڭعىش توپتاعى ءتۇيىندى ىستەر تىزىمدىگىن جاريالادى، مۇندا بارلىق ولكەلەردە جۇمىسشى - قىزمەتكەرلەردىڭ ەمدەۋ قامسىزداندىرۋ جەكەلىك تىركەلگىسىن ولكە اتتاپ ورتاق پايدالانۋ ىسكە قوسىلادى دەپ ايقىن تۇراقتاندىرىلعان.
وسىنىڭ الدىندا جاريالانعان جۇمىسشى - قىزمەتكەرلەردىڭ نەگىزدىك ەمدەۋ قامسىزداندىرۋ جەكەلىك تىركەلگىسىن ولكە اتتاپ ورتاق پايدالانۋ قىزمەتىن ويداعىداي ىستەۋ جونىندەگى ۇقتىرۋعا ساي، ولكە اتتاپ ورتاق پايدالانۋ قولدانىلاتىن وبيەكتىلەر جۇمىسشى - قىزمەتكەرلەردىڭ نەگىزدىك ەمدەۋ قامسىزداندىرۋىنا قاتىناسقانداردىڭ جاقىن تۋىستارى بولىپ، ورتاق پايدالانۋ قاراجاتى ورتاق پايدالانۋشىلار ەمدەلۋ مەن ءدارى - دارمەك ساتىپ الۋ بارىسىندا جەكە ارقالايتىن قاراجاتتى، تۇرعىندار ەمدەۋ قامسىزداندىرۋى جانە ۇزاق مەرزىمدىك كۇتىمدەۋ قامسىزداندىرۋىنىڭ جەكەلەر تاپسىراتىن بولىگىن تولەۋگە پايدالانىلادى. 2026 - جىلى 1 - ايدىڭ باسىنا دەيىن، ءبىرتۇتاس جوسپارلانعان 337 رايوندا ەمدەۋ قامسىزداندىرۋى قاپشىعى اشىلعان ءارى ولكە اتتاپ ورتاق پايدالانۋ ىسكە اسىرىلعان.
مۇنان سىرت، تىزىمدىكتە 2026 - جىلدىڭ سوڭىنان بۇرىن بۇكىل ەلىمىزدە %80 اينالاسىنداعى بەلگىلەنگەن ەمدەۋ، ءدارى - دارمەك قۇرىلىمدارى دەر كەزىندە ەسەپ جابۋدى نەگىزىنەن جۇزەگە اسىرادى؛ مەملەكەت جاعىنان كەمىندە ءبىر توپتا (رەت) ءدارى – دارمەكتەردى جانە قىمبات مەديتسينالىق ماتەريالداردى شوعىرلى، مولشەرلى ساتىپ الۋ ۇيىمداستىرىلادى؛ ەمحانادا بوسانۋ جانە تۋىت قاراجاتىنا بايلانىستى ولكە ىشىندە ءبىرتۇتاس جوسپارلانعان رايوندار اراسىندا تىكەلەي ەسەپ جاساۋ نەگىزىنەن جۇزەگە اسىرىلادى دەپ بەلگىلەنگەن.
تىزىمدىكتە تۋىت قوسىمشا قاراجاتىن جەكەلەرگە تىكەلەي تاراتۋ، ءتۇيىندى ەمحانالاردىڭ ەمدەۋ بارىسىنداعى كەسكىندەرىن ولكە اتتاپ جوتكەپ كورۋگە مۇمكىندىك جاساۋ قاتارلى قىزمەت وتەۋ ىستەرى دە قامتىلعان.
كەلۋ قاينارى: حالىق تورابى
