مەملەكەتتىك دەنساۋلىق ساقتاۋ – سالاماتتىق كوميتەتى: ”جەڭىل دارەجەدەگى مەديتسينالىق اجارلاندىرۋ“ ءىسى تولىمدىلىعى بار ەمدەۋ قۇرىلىمدارىندا جۇرگىزىلۋى كەرەك 

شينحۋا اگەنتتىگىنىڭ ءتىلشىسى لي حىڭ، شۇي پىڭحاڭ 2 – ايدىڭ 10 – كۇنى بەيجيڭنەن حابارلايدى. مەملەكەتتىك دەنساۋلىق ساقتاۋ – سالاماتتىق كوميتەتى 2 - ايدىڭ 10 – كۇنى مىنانى ەسكەرتتى: ”جەڭىل دارەجەدەگى مەديتسينالىق اجارلاندىرۋ“ ادەتتە ۋكول سالۋ، فوتوەلەكتردەن پايدالانۋ، بيولوگيالىق تەحنيكا قاتارلى جولدار ارقىلى جۇرگىزىلەتىن وپەراتسياسىز مەديتسينالىق اجارلاندىرۋدى كورسەتەدى، تۇپتەپ كەلگەندە ەمدەۋ ىسىنە جاتادى، ءسوزسىز، مەديتسينالىق اجارلاندىرۋ قىزمەتىن اتقارۋ تولىمدىلىعى بار ەمدەۋ قۇرىلىمدارىندا جۇرگىزىلۋى كەرەك، كاسىپتىك ەمدەۋ قىزمەتكەرلەرى تاراپىنان اتقارىلۋى كەرەك. تۇرمىستىق اجارلاندىرۋ قۇرىلىمدارى، شاش جاساۋ دۇكەنى، تىرناق ساندەۋ دۇكەنى قاتارلىلاردا ”جەڭىل دارەجەدەگى مەديتسينالىق اجارلاندىرۋ“ جۇمىسىن جۇرگىزۋگە قاتاڭ تيىم سالىنادى.

جۋىرداعى جىلداردان بەرى، مەديتسينالىق اجارلاندىرۋ كاسىبى جەدەل دامىپ، لازەر نۇرىن قولدانۋدى، ءدارى – دارمەكتى ۋكولمەن سالۋدى نەگىز ەتكەن ”جەڭىل دارەجەدەگى مەديتسينالىق اجارلاندىرۋ“ ىستەرى سۇلۋلىققا تالپىنعان كوپتەگەن جانداردى باۋرادى.

مەملەكەتتىك دەنساۋلىق ساقتاۋ – سالاماتتىق كوميتەتى مىنانى ارناۋلى ەسكەرتتى: ”جەڭىل دارەجەدەگى مەديتسينالىق اجارلاندىرۋدى تەز ورىنداۋشىلار“ ەمدەۋ ىستەرىن ”تۇرمىستىق ىستەر“ ەتىپ كورسەتىپ، ءدۇدامال تولىمدىلىق، تەحنيكانى قاراپايىمداستىرۋ سىندى جولدارمەن تۇتىنۋشىلاردىڭ كوزىن كولەگەيلەيدى، كوبىنەسە، زاڭسىز ەمدەۋ، جالعان اتپەن كۋرىس ۇيىمداستىرۋ، مەديتسينالىق اجارلاندىرۋعا قاتىستى ءدارى – دارمەكتى جانە مەديتسينالىق اسپاپتاردى زاڭسىز قولدانۋ جانە ساتۋ، جالعان كۋرس كۋالىگىن (تولىمدىلىق كۋالىگى) تاراتۋ قاتارلى ءتۇرلى زاڭعا قايشى ارەكەتتەر ورىن تەۋىپ وتىر. ەگەر زاڭسىز مەديتسينالىق اجارلاندىرۋعا قاتىستى دەرەكتەر بايقالسا، جەرگىلىكتى دەنساۋلىق ساقتاۋ - سالاماتتىق ىستەرىن اكىمشىلىك جاقتان باسقارۋ تاراۋلارىنا مالىمدەۋىڭىزگە نەمەسە 12345 توتە لەنياسىنا تەلەفون جالعاپ اڭىس ەتۋىڭىزگە بولادى.

كەلۋ قاينارى: حالىق تورابى