شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن قارسى الدى

2 - ايدىڭ 11 - كۇنى شي جينپيڭ، ۋاڭ حۋنيڭ، ساي چي، ديڭ شۋەشياڭ قاتارلىلار بەيجيڭدەگى حالىق سارايىندا پارتيا سىرتىنداعى قايراتكەرلەرمەن ءبىر اراعا باس قوسىپ، مەرەيلى مەرەكەنى بىرگە قارسى الدى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 2 - ايدىڭ 11 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى _ جىلقى جىلعى كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 11 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر اراعا باس قوسىپ، كوكتەم مەرەكەسىن بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە ىزگى تىلەك ءبىلدىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قاتىناستى.

جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتى ءتوراعاسىنىڭ ۇنەمىلىك ىستەرگە جاۋاپتى ورىنباسارى چين بويۇڭ، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلدەرى جوۋ جۇڭحى، ۋاڭ مەيشياڭ قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارلارى حى حوۋحۋا، لياڭ جىنيىڭ، باسشىلىق ورنىنان شەگىنگەن دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءتوراعانىڭ ءبىرىنشى ورىنباسارلارى جانە ءتوراعانىڭ ۇنەمىلىك ىستەرگە جاۋاپتى ورىنباسارلارى دا ۇسىنىس بويىنشا قاتىناستى.

حى ۋەي دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنالاردى ءبىلدىردى: 2025 - جىلى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، اساۋ تولقىنداردا ۇدەرە العا تارتىپ، قيىندىقتاردان قامال الۋ بارىسىندا شۇعىلالى ناتيجە جاراتىپ، ”14 - بەسجىلدىق“ نىسانالارىن، مىندەتتەرىن تابىسپەن ورىنداپ، پارتيا مەن مەملەكەت ىستەرىندە جاڭا كەلەلى جەتىستىكتەرگە قول جەتكىزۋدى ىلگەرىلەتتى. جاڭا جىلدا دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، نازاردى ”15 - بەسجىلدىق“ جوبانى جاساۋعا، اتقارۋعا شوعىرلاندىرىپ، بەلسەنە اقىل - كەڭەس بەرىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن اشۋعا قۇلشىنا ۇلەس قوسۋى كەرەك.

حى ۋەيدىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: 2025 - جىل ەرەكشە ءبىر جىل بولدى. ىشكى - سىرتقى جاعدايداعى تەرەڭ دە كۇردەلى وزگەرىستەر الدىندا، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، ەرلىكپەن كۇرەس جۇرگىزىپ، ەكونوميكالىق، قوعامدىق دامۋدىڭ باستى نىسانالىق مىندەتتەرىن ءساتتى ورىندادى. جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسىن اشىپ، ”15 - بەسجىلدىقتىڭ“ دامۋ جوباسىن جاسادى. جۇڭگو حالقىنىڭ جاپون شاپقىنشىلارىنا قارسى تۇرۋ سوعىسى مەن دۇنيە جۇزىلىك فاشيزمگە قارسى تۇرۋ سوعىسى جەڭىسكە جەتكەندىگىنىڭ 80 جىلدىعىن سالتاناتپەن ەسكە ءتۇسىردى، تايۋاننىڭ وتان قۇشاعىنا ورالعاندىعىن ەسكە ءتۇسىرۋ كۇنىن بەلگىلەدى، شيزاڭ اۆتونوميالى رايونى قۇرىلعاندىعىنىڭ 60 جىلدىعىن، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قۇتتىقتادى. جاڭا دامۋ ۇستانىمىن بۇلجىتپاي دايەكتىلەندىرىپ، جوعارى ساپالى دامۋدى ىلگەرىلەتىپ، رەفورمانى ونان ارى جاپپاي تەرەڭدەتىپ، ەلىمىز ەكونوميكاسى قىسىمعا توتەپ بەرىپ، العا باسىپ، جاڭاشا دامۋعا بەت الدى. حالىق تۇرمىسىن قامتاماسىز ەتۋدى ۇزدىكسىز كۇشەيتىپ، سوتسياليستىك دەموكراتيالىق زاڭمەن جونگە سالۋ قۇرىلىسىن، مادەنيەت قۇرىلىسىن، ەكولوگيالىق وركەنيەت قۇرىلىسىن، مەملەكەت قورعانىسى مەن ارميا قۇرىلىسىن تىڭعىلىقتى ىلگەرىلەتىپ، قوعامدىق جالپى جاعدايدىڭ ورنىقتىلىعىن ساقتادى. دۇنيە جۇزىلىك جونگە سالۋ دارىپتەمەسىن العا قويىپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتتى. ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىن تىڭعىلىقتى ورىستەتىپ، ستيل قۇرىلىسى مەن شىرىكتەسۋگە قارسى تۇرۋ كۇرەسىندە ونىمدىلىككە قول جەتكىزدى. 5 جىل قاجىماي - تالماي كۇرەس جۇرگىزۋ ارقىلى ”14 - بەسجىلدىق“ جوبا تابىسپەن ورىندالىپ، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، مەملەكەت قورعانىسى قۋاتى، جالپىلىق مەملەكەت قۋاتى تىڭ ساتىعا كوتەرىلىپ، جۇڭگو ۇلگىسىندەگى وسىزامانداندىرۋعا تىڭ دا نىق قادام تاستالدى. بۇل ناتيجەلەر وڭايلىقپەن قولعا كەلمەگەن، بۇل جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل ەلدەگى ءار ۇلت حالقىنىڭ بىرگە كۇرەس جۇرگىزۋىنىڭ ناتيجەسى.

شي جينپيڭ مىنالاردى اتاپ كورسەتتى: وتكەن ءبىر جىلدا كوپ پارتيا سەلبەستىگى ىستەرىندە سۇبەلى تابىستارعا قول جەتتى. دەموكراتيالىق پارتيا - توپتاردىڭ ورتالىق كوميتەتتەرى مەن پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ”بەلگىلەمەنى ۇيرەنۋ، ستيلدى كۇشەيتۋ، وبراز ورناتۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، نازاردى ەكونوميكالىق، قوعامدىق دامۋداعى ءتۇيىندى، قيىن ماسەلەلەرگە شوعىرلاندىرىپ، بەلسەنە اقىل - كەڭەس بەرىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. مەملەكەتتىك ساۋدا - ونەركاسىپشىلەر ”ەكى اقاۋسىزدىق“ ءۇشىن كوپ جۇمىس جاسادى. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى!

شي جينپيڭ مىنالاردى باسا دارىپتەدى: 2026 - جىل _ ”15 - بەسجىلدىقتىڭ“ باستاما جىلى، ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى مىقتاپ ارقاۋ ەتىپ، بەلسەنە مىندەت اتقارىپ، جاۋاپكەرشىلىكتى ادا ەتىپ، جاڭا ناتيجەنى قۇلشىنا ايگىلەۋىن ءۇمىت ەتەمىن. بىرىنشىدەن، ساياسي جەتەكشىلىكتى كۇشەيتىپ، ىنتىماقتاسا كۇرەس جۇرگىزۋ كۇشىن ۇيىستىرۋ كەرەك. جاڭا داۋىردەگى جۇڭگو ۇلگىسىندەگى سوتسياليزم يدەياسىمەن زەيىن - زەردەنى، رۋحتى سومداۋعا تاباندى بولىپ، جۇڭگو كوممۋنيستىك پارتياسى 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باستان - اياق جۇڭگو كوممۋنيستىك پارتياسىمەن بىرگە ويلاپ، بىرگە تۇرىپ، بىرگە ىستەۋ كەرەك. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىن دامۋ سەنىمىن بەكەمدەپ، جوعارى ساپالى دامۋ جولىمەن جۇرۋگە جەتەكتەۋى كەرەك. ەكىنشىدەن، وزەكتى ارقاۋ ەتىپ، جالپى جاعدايعا قىزمەت ەتىپ، ”15 - بەسجىلدىقتىڭ“ دامۋىنا ۇلەس قوسۋعا قۇلشىنۋى كەرەك. تەكسەرىپ - زەرتتەۋدى كۇشەيتىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا اناعۇرلىم كوپ ناقتى، جارامدى ۇسىنىستار بەرۋى كەرەك. حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى دەموكراتيالىق باقىلاۋ قىزمەتىن مۇقيات ۇيىمداستىرۋى جانە ورىستەتۋى كەرەك. ۇشىنشىدەن، وزىندىك قۇرىلىستى شىنايى كۇشەيتىپ، جۇڭگو ۇلگىسىندەگى سوتسياليستىك ساياسي پارتيا مەن ۇكىمەت ىسىنە ارالاساتىن كۇشتەردىڭ جاڭا بەت - بەينەسىن اناعۇرلىم ويداعىداي ايگىلەۋى كەرەك. باسشىلىق القا قۇرىلىسىن كۇشەيتىپ، مۇشەلەردىڭ دامۋ ساپاسىنا ءمان بەرىپ، ستيلدى دۇرىستاپ، ءتارتىپتى قاتايتىپ، تاماشا ساياسي ەكولوگيانى بەكەمدەۋى، دامىتۋى كەرەك. ساياسي وتكىزىپ بەرۋ - وتكىزىپ الۋدى تەرەڭدەتىپ، كوپ پارتيا سەلبەستىگى ىستەرىنىڭ باستان - اياق تاسقىنداعان ومىرشەڭدىك كۇشىن ساقتاۋىنا شىنايى كەپىلدىك ەتۋى كەرەك.

لي گانجيە، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنىڭ جاۋاپتى جولداستارى قيمىلعا قاتىناستى.

كەلۋ قاينارى: حالىق تورابى