حالىق ازاتتىق ارمياسىنىڭ بارلىق كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، اسكەري اكىمشىلىك قىزمەتكەرلەرگە، زاپاستاعى قىزمەتكەرلەرگە جانە حالىق جاساقتارىنا كوكتەم مەرەكەسى بايلانىسىمەن ىزگى تىلەك ءبىلدىردى

2 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدەگى 1 - تامىز عيماراتىندا بەينە ەكران تاسىلىمەن بۇكىل ارميانىڭ سوعىس دايىندىعى كەزەكشىلىك جانە مىندەت اتقارۋ جاعدايىن تەكسەرىپ، قاتىستى اسكەري بولىمدەردەن شىنايى حال سۇرادى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارلىق كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعىلارعا جانە حالىق جاساقتارىنا ىقىلاستى سالەم جولدادى جانە كوكتەم مەرەكەسىنە قۇتتى بولسىن ايتتى. سۋرەتتە: شي جينپيڭ كوماندير - جاۋىنگەرلەرگە قول بۇلعاپ قۇرمەت بىلدىرۋدە.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

2 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدەگى 1 - تامىز عيماراتىندا بەينە ەكران تاسىلىمەن بۇكىل ارميانىڭ سوعىس دايىندىعى كەزەكشىلىك جانە مىندەت اتقارۋ جاعدايىن تەكسەرىپ، قاتىستى اسكەري بولىمدەردەن شىنايى حال سۇرادى. سۋرەتتە: قۇرلىق ارمياسى ءمالىم لۇيىنىڭ 2 - يىڭى، تەڭىز ارمياسى انحۇي كەمەسى، اۋە ارمياسى اۋە اسكەرلەرى قوسىنىنىڭ ءمالىم لۇيى، راكەتا ارمياسى قوسىنىنىڭ ءمالىم لۇيى، اسكەري عارىش ىستەرى قوسىنىنىڭ ءمالىم ءبولىمى، توراپ كەڭىستىگى اسكەري ىستەر قوسىنىنىڭ ءمالىم ءبولىمى، ينفورماتسيالىق اسكەري كومەك بەرۋ قوسىنىنىڭ ءمالىم ورتالىعى، بىرلەسكەن ارتقى شەپ قامتاماسىزداندىرۋ اسكەري قوسىنىنىڭ ءمالىم قامباسى، قارۋلى ساقشى قوسىنىنىڭ ءمالىم تارماق اترەتى ءتوراعا شي جينپيڭگە جاعدايدان مالىمەت بەرۋدە.

سۋرەتتى شينحۋا اگەنتتىگى ءتىلشىسى لي گاڭ تۇسىرگەن

شينحۋا اگەنتتىگى، 2 - ايدىڭ 11 - كۇنى، بەيجيڭ (ءتىلشى مەي چاڭۋەي). كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 10 - كۇنى بەيجيڭدەگى 1 - تامىز عيماراتىندا بەينە ەكران تاسىلىمەن بۇكىل ارميانىڭ سوعىس دايىندىعى كەزەكشىلىك جانە مىندەت اتقارۋ جاعدايىن تەكسەرىپ، قاتىستى اسكەري بولىمدەردەن شىنايى حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارلىق كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، ارميانىڭ اكىمشىلىك قىزمەتكەرلەرىنە، زاپاستاعىلارعا جانە حالىق جاساقتارىنا ىقىلاستى سالەم جولدادى جانە كوكتەم مەرەكەسىنە قۇتتى بولسىن ايتتى.

تۇستەن كەيىن ساعات 4 مولشەرىندە شي جينپيڭ 1 - تامىز عيماراتىنا كەلىپ، ءارقايسى ارميا، اسكەري قوسىنداردان جانە قارۋلى ساقشى بولىمدەرىنەن كەلگەن 9 ورىنمەن بەينە ەكران ارقىلى سويلەستى. قۇرلىق ارمياسى ءمالىم لۇيىنىڭ 2 - يىڭى، تەڭىز ارمياسى انحۇي كەمەسى، اۋە ارمياسى اۋە اسكەرلەرى قوسىنىنىڭ ءمالىم لۇيى، راكەتا ارمياسى قوسىنىنىڭ ءمالىم لۇيى، اسكەري عارىش ىستەرى قوسىنىنىڭ ءمالىم ءبولىمى، توراپ كەڭىستىگى اسكەري ىستەر قوسىنىنىڭ ءمالىم ءبولىمى، ينفورماتسيالىق اسكەري كومەك بەرۋ قوسىنىنىڭ ءمالىم ورتالىعى، بىرلەسكەن ارتقى شەپ قامتاماسىزداندىرۋ اسكەري قوسىنىنىڭ ءمالىم قامباسى، قارۋلى ساقشى قوسىنىنىڭ ءمالىم تارماق اترەتى رەتى بويىنشا ءتوراعا شي جينپيڭگە سوعىس دايىندىعى كەزەكشىلىگى مەن مىندەت اتقارۋ جاعدايىنان مالىمەت بەردى. شي جينپيڭ مالىمەتتى مۇقيات تىڭداپ، ولارمەن ىقىلاسپەن اڭگىمەلەستى. كوماندير - جاۋىنگەرلەردىڭ رۋحى كوتەرىڭكى، جاۋىنگەرلىك جىگەرى اسقاق ەكەنىن، ءوز قىزمەت ورىندارىندا اسكەر جاتتىقتىرىپ، سوعىسقا دايىندالۋدى تىڭعىلىقتى ىستەپ جاتقانىن كورگەن شي جينپيڭ تولىق تۇراقتاندىرىپ، كوپشىلىكتى ناقتى سوعىستىق اسكەر جاتتىقتىرۋدى مىقتى يگەرىپ، قولدارىنداعى قارۋ - جاراقتاردان ويداعىداي پايدالانىپ، اسكەري ءبولىمنىڭ جاۋىنگەرلىك قۋات قۇرىلىسى مەن پايدالانۋ دەڭگەيىن جوعارىلاتۋعا شابىتتاندىردى.

شي جينپيڭ بىلاي دەپ اتاپ كورسەتتى: وتكەن ءبىر جىل وزگەشە ءارى ەرەكشە بولدى. حالىق ارمياسى ساياسي رەتتەۋ - جاتتىعۋدى ىشكەرىلەي ىلگەرىلەتىپ، ءتۇرلى حاۋىپ - قاتەر مەن سىن - سايىستارعا ءونىمدى توتەپ بەرىپ، شىرىكتەسۋگە قارسى تۇرۋ كۇرەسىندە توڭكەرىستىك شىڭدالۋدان ءوتتى. بۇكىل ارمياداعى قالىڭ كوماندير - جاۋىنگەرلەر، اسىرەسە، نەگىزگى ساتىداعى كوماندير - جاۋىنگەرلەر پارتيانىڭ سوزىنە باتىل قۇلاق اسىپ، پارتياعا ىلەسىپ، مىندەتىن ادالدىقپەن اتقارىپ، جاۋاپكەرشىلىگىن ادا ەتىپ، كۇش - قۋاتتى ۇيىستىرىپ، قيىنشىلىقتاردى جەڭىپ، ءتۇرلى مىندەتتەردى تولىق ورىندادى، بۇل بۇكىلدەي قاتاڭدىقتىڭ، سەنىمدىلىكتىڭ ناتيجەسى.

شي جينپيڭ مىنالاردى باسا دارىپتەدى: بىرنەشە كۇننەن كەيىن جىلقى جىلعى كوكتەم مەرەكەسى بولادى، مەرەكە - مەيرامدا سوعىس دايىندىعىن ەستەن شىعارماۋ _ ارميامىزدىڭ داڭقتى ءداستۇرى. بۇكىل ارمياداعى قوسىندار سوعىس دايىندىعى كەزەكشىلىگىن كۇشەيتىپ، بەلگىلەنگەن ساقتىق كۇيىن ساقتاپ، ءتۇرلى توسىن جاعدايلاردى دەر كەزىندە ءونىمدى ءبىر جاقتى ەتىپ، وتاننىڭ تىنىشتىعى مەن حالىقتىڭ باقىتىن ويداعىداي قورعاۋى كەرەك. سونىمەن بىرگە، قىزمەتتى ءبىر تۇتاس جوسپارلاۋعا نازار اۋدارىپ، مەرەكە كەزىندەگى تۇرمىستى ويداعىداي ورنالاستىرۋى كەرەك.

جاڭ شىڭمين قاتارلىلار قيمىلعا قاتىناستى.

كەلۋ قاينارى: حالىق تورابى