جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

شينحۋا اگەنتتىگى، 2 - ايدىڭ 27 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 2 - ايدىڭ 27 - كۇنى ءماجىلىس اشىپ، مەملەكەتتىك كەڭەس 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ قاراۋىنا ۇسىنباقشى بولعان جۇڭحۋا حالىق رەسپۋبليكاسىنىڭ حالىق شارۋاشىلىعى مەن الەۋمەتتىك دامۋىنىڭ 15 - بەسجىلدىق جوبا باعدارلاماسىنىڭ جوبا نۇسقاسى مەن قارالعان «ۇكىمەت قىزمەتىنەن باياندامانىڭ» نۇسقاسىن تالقىلادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس مىنالاردى اتاپ كورسەتتى: ”15 - بەسجىلدىق“ مەزگىلىندەگى ەلىمىزدىڭ دامۋ بارىسى ەرەكشە، وزگەشە بولدى. كۇردەلى دە الماعايىپ حالىقارالىق جاعداي مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، ۇدەرە العا تارتىپ، عاسىرلىق ىندەتتىڭ اۋىر سوققىسىنا توتەپ بەرىپ، ءبىرقىدىرۋ اۋىر حاۋىپ - قاتەر مەن سىن - سايىسقا ءونىمدى توتەپ بەرىپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزۋدى ىلگەرىلەتتى. 5 جىل ۇزدىكسىز كۇرەس جۇرگىزۋ ارقىلى ”15 - بەسجىلدىق“ جوبانىڭ باستى نىسانا - مىندەتتەرى جەڭىسپەن ورىندالىپ، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى تىڭ ساتىعا كوتەرىلىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما جۇزەگە استى.

ءماجىلىس بىلاي دەپ قارادى: ”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالايتىن، جاپپاي كۇش سالاتىن شەشۋشى مەزگىل. پارتيا ورتالىق كوميتەتىنىڭ باسشىلىعىندا ”15 - بەسجىلدىق“ جوبا باعدارلاماسىن عىلمي جاساپ، اتقارىپ، باسىمدىقتى قۇلشىنا بەكەمدەپ، كەڭەيتىپ، كەدەرگىلەردى، شەكتەمەلەردى الاستاپ، ولقىلىقتاردى، ءالسىز بۋىنداردى تولىقتاۋ ەلىمىزدىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋعا اناعۇرلىم بەرىك نەگىز قالاۋدا كەلەلى مانگە يە

ءماجىلىس مىنالاردى باسا دارىپتەدى: ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدى ىلگەرىلەتۋدە، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋدى، ەكىنشى 100 جىلدىق كۇرەس نىساناسىن جۇزەگە اسىرۋدى ارقاۋ ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ەكونوميكالىق قۇرىلىستى وزەك ەتۋگە تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، رەفورما جاساپ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات، پارتيانى جاپپاي قاتاڭ جونگە سالۋدى ءتۇبىرلى كەپىل ەتىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ىلگەرىلەتىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە نىق قادام تاستاپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋ كەرەك.

ءماجىلىس مىنالاردى تالاپ ەتتى: ”15 - بەسجىلدىق“ جوبا باعدارلاماسىنىڭ جوباسىن 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ تەكسەرۋىنە جانە ساياسي كەڭەس مەملەكەتتىك 14 - كەزەكتى كوميتەتى 4 - ءماجىلىسىنىڭ تالقىسىنا ۇسىنۋ بارىسىندا، دەموكراتيانى ساۋلەلەندىرىپ، كوپتىڭ اقىل - پاراساتىن شوعىرلاندىرىپ، ورتاق تانىمدى كەڭىنەن ۇيىستىرۋ كەرەك.

ءماجىلىس مىنالاردى اتاپ كورسەتتى: بيىلعى ۇكىمەت قىزمەتىن ويداعىداي ىستەۋدە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەن ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارىن مۇقيات تياناقتاندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرۋ، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياسات اتقارىپ، ساياساتتىڭ بولجامپازدىعىن، باعىتتامالىلىعىن، سايكەسىمدىلىگىن كۇشەيتىپ، ىشكى سۇرانىمدى ۇزدىكسىز كەڭەيتىپ، قامداۋدى ساپالىلاندىرىپ، ارتۋ مولشەرىن ساپالىلاندىرىپ، ىركىندى قوردى جانداندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، بۇكىل ەل بويىنشا بىرلىككە كەلگەن ءىرى بازار قۇرىلىسىن ىشكەرىلەي ىلگەرىلەتىپ، ءتۇيىندى سالالارداعى حاۋىپ - قاتەردەن ۇزدىكسىز ساقتانىپ جانە ونى شەشىپ، جۇمىستانۋدى، كاسىپورىندى، بازاردى، مەجەنى كۇش سالا ورنىقتىرىپ، ەكونوميكانىڭ ساپاسىنىڭ ءونىمدى جوعارىلاۋىن جانە مولشەرىنىڭ ۇيلەسىمدى ارتۋىن ىلگەرىلەتىپ، قوعامنىڭ جاراسىمدىلىعى مەن ورنىقتىلىعىن ساقتاپ، ”15 - بەسجىلدىق“ جوبانىڭ تاماشا باستاماسىن جۇزەگە اسىرۋ كەرەك.

ءماجىلىس مىنالاردى باسا دارىپتەدى: اناعۇرلىم بەلسەندى قازىنا ساياساتى مەن لايىقتى كەڭ اقشا ساياساتىن ۇزدىكسىز اتقارىپ، رەفورما شارالارى مەن ماكرولىق ساياساتتىڭ سايكەسۋىن كۇشەيتۋ كەرەك. قۋاتتى ەل ءىشى بازارىن كۇش سالا قۇرىپ، جاڭا قوزعاۋشى كۇشتى جەدەل جەتىلدىرىپ، زورايتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جەدەلدەتۋ كەرەك. ءتۇيىندى سالالارداعى رەفورمانى ۇزدىكسىز تەرەڭدەتىپ، جوعارى دەڭگەيدەگى سىرتقا ەسىك اشۋدى ونان ارى كەڭەيتىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، جاڭاشا قالا - قالاشىقتاندىرۋ مەن وڭىرلەردىڭ سايكەستى دامۋىن ىلگەرىلەتۋ كەرەك. حالىق تۇرمىسىن اناعۇرلىم زور تەبىنمەن قامتاماسىزداندىرىپ جانە جاقسارتىپ، جاپپاي جاسىل تيپكە بۇرىلىس جاساۋدى جەدەل ىلگەرىلەتىپ، ءتۇيىندى سالالارداعى حاۋىپ - قاتەردەن ساقتانۋ جانە ونى جويۋ جانە حاۋىپسىزدىك قابىلەتى قۇرىلىسىن كۇشەيتۋ كەرەك. ۇكىمەتتىڭ وزىندىك قۇرىلىسىن كۇشەيتىپ، دۇرىس ساياسي ناتيجە كوزقاراسىن بەرىك ورناتۋ جانە امالياتتا ايگىلەۋ كەرەك.

ءماجىلىس باسقا ىستەردى دە اقىلداستى.