ءارقايسى تاراۋلار وتكەن جىلى ۋاكىلدەر مەن مۇشەلەردىڭ 4900 دان استام ۇسىنىس - پىكىرىن قابىلدادى (بەدەلدى جاريالاۋ)

2 - ايدىڭ 27 - كۇنى مەملەكەتتىك كەڭەستىڭ اقپارات كەڭسەسى مەملەكەتتىك كەڭەستىڭ ساياساتتىق حابارلاندىرۋ ءماجىلىسىن اشىپ، قاتىستى تاراۋلاردىڭ قاتىستى جاۋاپتى جولداستارىن 2025 - جىلعى مەملەكەتتىك كەڭەس تاراۋلارىنىڭ مەملەكەتتىك حالىق قۇرىلتايى ۋاكىلدەرىنىڭ ۇسىنىستارى مەن مەملەكەتتىك ساياسي كەڭەستىڭ ۇسىنىس جوبالارىن ءبىر جاقتى ەتۋ قىزمەتىنە قاتىستى جاعدايلاردى تانىستىرۋعا ۇسىنىس ەتتى.

”2025 - جىلى مەملەكەتتىك كەڭەستىڭ ءارقايسى تاراۋلارى مەملەكەتتىك حالىق قۇرىلتايى ۋاكىلدەرىنىڭ 8754 ۇسىنىسىن، ساياسي كەڭەستىڭ 4868 ۇسىنىس جوباسىن ءبىر جاقتى ەتىپ، جەكە - جەكە ۇسىنىس، ۇسىنىس جوبا جالپى سانىنىڭ %95.6 ىن، %97.3 ىن يەلەپ، تۇگەلدەي ۋاعىندا ءبىر جاقتى ەتىلىپ، ۋاكىلدەر مەن مۇشەلەر ءبىر جاقتى ەتۋ قىزمەتىنە رازى ەكەندىكتەرىن ءبىلدىردى“ دەدى مەملەكەتتىك كەڭەس اقپارات كەڭسەسى اقپارات مەكەمەسى باستىعىنىڭ ورىنباسارى، اقپارات مالىمدەمەشىسى جوۋ جيان، تاراۋلار ۋاكىلدەر مەن مۇشەلەر العا قويعان 4900 دەن استام ۇسىنىس - پىكىردى قابىلداپ، 2200 دەن استام قاتىستى ساياساتتىق شارا شىعارىپ، مەملەكەتتىڭ دامۋ ستراتەگيالىق ورنالاستىرۋىن ساپالىلاندىرۋ، وسىزاماندانعان كاسىپ جۇيەسى قۇرىلىسىنا دەم بەرۋ، قارجى قوسۋدى ورنىقتىرىپ، تۇتىنۋدى جەبەۋ، جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن تاسقىنداتۋ، حالىق تۇرمىسى سالاسىنداعى قيىن تۇيىندەردى، قيىن ماسەلەلەردى كۇش سالا شەشۋ سياقتى جاقتاردا تىڭ قىزمەت ونىمدىلىگىنە قول جەتكىزدى.

ءبىتىرۋ بارىسىندا، تاراۋلار جاڭادان تۇزەتۋ ەنگىزىلگەن ۋاكىلدەر زاڭى جانە جاڭادان تۇزەتۋ ەنگىزىلگەن ساياسي كەڭەس ۇسىنىس قىزمەتى ەرەجەسى قاتارلىلاردى تەرەڭ ۇيرەنىپ دايەكتىلەندىردى، قىزمەت مەحانيزمىن اقاۋسىزداندىرۋ، قارىم - قاتىناستى، اۋىس - كۇيىستى جيىلەتۋ، ىزىنە ءتۇسىپ تياناقتاندىرۋعا قۋزاۋ، جەتىستىكتەردى كادەگە جاراتۋدى كۇشەيتۋ سياقتى بۋىنداردىڭ جاڭا تالاپتارىن ءتۇسىنىپ، يگەرىپ، ۇسىنىس جوبالاردى ءبىر جاقتى ەتۋدىڭ ساپاسىن، ونىمدىلىگىن جوعارىلاتتى.

”عىلىم - تەحنيكا مينيسترلىگى جيىنى 901 ۇسىنىس - جوبانى ۇستىنە الىپ ءبىر جاقتى ەتىپ، تۇگەلدەي ۋاعىندا، جوعارى ساپامەن ءبىر جاقتى ەتتى“ دەدى عىلىم - تەحنيكا مينيسترلىگى پارتيا باسشىلىق گرۋپپاسىنىڭ مۇشەسى، باس حاتشى پان شياۋدۇڭ، تاياۋ جىلداردان بەرى، عىلىم - تەحنيكا مينيسترلىگى ۇستىنە الىپ وتكىزگەن ۇسىنىس جوبالاردىڭ سانى جوعارى دەڭگەيدى ساقتاپ، ۋاكىلدەر مەن مۇشەلەردىڭ دۇرىس كوزقاراسىن عىلىم - تەحنيكادا جاڭالىق اشا دامۋدى ىلگەرىلەتۋدىڭ ساياساتتىق شارالارىنا شىنايى اينالدىرعان.

”اۋىل شارۋاشىلىعى، اۋىل - قىستاق مينيسترلىگى جالپى 1449 ۇسىنىس جوبانى ءبىر جاقتى ەتتى، مۇنىڭ ىشىندە 992 ۇسىنىس، 457 ۇسىنىس جوبا بار“ دەدى اۋىل شارۋاشىلىعى، اۋىل - قىستاق مينيسترلىگى مەملەكەتتىك باس مال شيپاگەرى (باستىعى)، جوسپار - قازىنا مەڭگەرمەسىنىڭ باستىعى تاۋ حۋاييىڭ، اۋىل شارۋاشىلىعى، اۋىل - قىستاق مينيسترلىگى جاڭا ۋاكىلدەر زاڭى مەن ساياسي كەڭەستىڭ ۇسىنىس جوبا قىزمەت ەرەجەسىن دايەكتى تياناقتاندىرىپ، بارلىق پارتيا باسشىلىق گرۋپپاسى باستاماشىلدىقپەن جالپى جاقتان يگەرەتىن، مينيسترلىك باسشىلارى جۇمىس ءبولىسى بويىنشا جاۋاپتى بولاتىن، كەڭسە ءبىر تۇتاس جوسپارلاپ سايكەستىرەتىن، جاۋاپتى بولعان مەڭگەرمە، مەكەمەلەر ءبىر جاقتى ەتىپ تياناقتاندىراتىن، دارەجەگە ءبولىپ جاۋاپتى بولاتىن، جوعارى مەن تومەن بىرلەسىپ قيمىلدايتىن جاۋاپكەرشىلىك جۇيەسىن ورناتىپ جانە كەمەلدەندىرىپ، ءبىر جاقتى ەتۋدىڭ ساپاسىن، ونىمدىلىگىن جوعارىلاتقان.

ساۋدا قىزمەتى ەل ىشىندەگى ءىرى اينالىمنىڭ ماڭىزدى قۇرامداس بولەگى. ساۋدا مينيسترلىگى مينيسترىنىڭ ورىنباسارى يان دۇڭ بىلاي دەدى: ”2025 - جىلى ساۋدا مينيسترلىگى 1020 ۇسىنىس جوبانى ۋاعىندا ءبىر جاقتى ەتتى، بۇعان 584 ۇسىنىس پەن 436 ۇسىنىس جوبانى قامتىلادى“.

مەملەكەتتىك بازار باقىلاۋ - باسقارۋ باس مەكەمەسى باستىعىنىڭ ورىنباسارى، مەملەكەتتىك ولشەمدەندىرۋدى باسقارۋ كوميتەتىنىڭ مەڭگەرۋشىسى دىڭ جىيۇڭ تانىستىرىپ بىلاي دەدى: 2025 - جىلى بازار باقىلاۋ - باسقارۋ باس مەكەمەسى ۇستىنە الىپ وتكىزگەن ۇسىنىس جوبا 1084 نۇسقا، مۇنىڭ ىشىندە حالىق قۇرىلتايىنىڭ ۇسىنىسى 730 نۇسقا، ساياسي كەڭەستىڭ ۇسىنىس جوباسى 354 نۇسقا، ۋاكىلدەر مەن مۇشەلەر ينتەرنەت بازارىنىڭ ءتارتىبىن ارناعا ءتۇسىرۋ، حاۋىپسىزدىك حاۋىپ - قاتەرىن ءبىر - بىرلەپ تەكسەرۋدى، جونگە سالۋدى كۇشەيتۋ، ساپالىق تىرەك پەن ولشەم ارقىلى جەتەكشىلىك ەتۋدى كۇشەيتۋ، بازاردىڭ ءتارتىپتى باسەكەسىن جەبەۋ سياقتى جاقتاردا پىكىر جانە ۇسىنىس بەردى.

عىلىم - تەحنيكا مەن فينانستىڭ ۇلى ءىسىن ويداعىداي ىستەۋ _ پارتيا ورتالىق كوميتەتى مەن مەملەكەتتىك كەڭەس ورنالاستىرعان كەلەلى رەفورما مىندەتى. 2025 - جىلى عىلىم - تەحنيكا مينيسترلىگى جۇڭگو حالىق بانكەسى سياقتى 7 تاراۋمەن بىرلەسىپ «عىلىم - تەحنيكا، فينانس ءتۇزىلىسىن جەدەل ورناتىپ، جوعارى دەڭگەيدەگى عىلىم - تەحنيكانىڭ ءوز كۇشىنە سۇيەنىپ ءوزىن الۋەتتەندىرۋىنە پارمەندى تىرەك بولاتىن ءبىرقانشا ساياساتتىق شارانى» باسىپ تاراتتى. ”ءبىز جۇڭگو حالىق بانكەسى سياقتى تاراۋلارمەن بىرلەسىپ عىلىم - تەحنيكا مەن فينانستىڭ سايكەسۋىن، ورتالىق پەن جەرگىلىكتى ورىننىڭ ىقپالداستىعىن كۇشەيتتىك“ دەدى پان شياۋدۇڭ. بۇدان سىرت، ۋاكىلدەر مەن مۇشەلەر عىلم - تەحنيكا ناتيجەسىن جەتىستىككە اينالدىرۋ قىزمەتىنە باسا ءمان بەرىپ، 2025 - جىلى 176 ۇسىنىس جوبانى ورتاعا قويدى. عىلىم - تەحنيكا مينيسترلىگى ۋاكىلدەر مەن مۇشەلەردى ۇسىنىس - پىكىر بەرۋگە باۋراپ، كادەگە جاراتۋدىڭ ساپاسىن، ونىمدىلىگىن جوعارىلاتتى.

استىق حاۋىپسىزدىگى _ ”مەملەكەتتىڭ ءىرى ءىسى“، اۋىل شارۋاشىلىعى، اۋىل - قىستاق مينيسترلىگى 2025 - جىلى ۇستىنە الىپ وتكىزگەن ۇسىنىس جوبالاردىڭ 151 ى ونىمەن قاتىستى. ۋاكىلدەر مەن مۇشەلەر عىلىم - تەحنيكا قۋاتى، جەكە بىرلىك ءونىمدى جوعارىلاتۋ، ساياساتتىق قولداۋ سياقتى جاقتاردان ۇسىنىس - پىكىر بەردى. ”ءبىز مۇقيات قابىلداپ، جاڭا كەزەكتى 100 ميلليارد جىڭ استىق ءوندىرۋ قۋاتىن جوعارىلاتۋ ارەكەتىن اتقارىپ، جەكە بىرلىك ءونىم مەن ساپانى جوعارىلاتۋعا كۇش سالدىق، 2025 - جىلى ەلىمىزدىڭ استىق ءونىمى ءبىر تريلليون 429 ميلليارد 800 ميلليون جىڭ بولدى“ دەدى تاۋ حۋاييىڭ.

ساۋدا مينيسترلىگى 2025 - جىلى ”كوپ نەگىزدى تۇتىنۋ جاعدايىندا جاڭالىق جاراتۋ“ سىندى مەملەكەتتىك حالىق قۇرىلتايىنىڭ ءتۇيىندى قۋزاپ ءبىر جاقتى ەتۋ ۇسىنىسىن باستاماشىلدىقپەن ءبىر جاقتى ەتتى. يان دۇڭ بىلاي دەدى: ساۋدا مينيسترلىگى قاتىستى ۇسىنىس جوبالارمەن سايكەستىرىپ، تۇتىنۋدى جەبەۋ مەن حالىق تۇرمىسىنا تيىمدىلىك جاساۋدى ۇشتاستىرىپ، تۇتىنۋدى سەرپىلتۋ ارناۋلى ارەكەتىن اتقارۋدى ىلگەرىلەتتى. تۇتىنۋدىڭ ەكونوميكانىڭ ارتۋىنا قوسقان ۇلەسى %52 كە جەتىپ، وتكەن جىلداعىدان 5 پايىز جوعارىلادى. 2025 - جىلى ەلىمىزدىڭ دامۋى سىرتقى حاۋىپ - قاتەر مەن سىن - سايىسقا ءدوپ كەلدى، كوپ ساندى ۋاكىلدەر مەن مۇشەلەر سىرتقى ساۋدانىڭ ساپاسىن جوعارىلاتىپ، ونىمدىلىگىن ارتتىرۋدى جەبەۋ توڭىرەگىندە ۇسىنىس جوبا تاپسىردى. يان دۇڭ تانىستىرىپ بىلاي دەدى: ”ساۋدا مينيسترلىگى قاتىستى ۇسىنىس جوبالاردى ءبىر جاقتى ەتۋمەن ۇشتاستىرىپ، زات ساۋداسىنىڭ، قىزمەت وتەۋ ساۋداسىنىڭ، سيفرلى ساۋدانىڭ جاڭالىققا، ساپالى دامۋعا قاراي دامۋىن ءبىر تۇتاس ىلگەرىلەتىپ، زات پەن قىزمەت وتەۋ تازا ەكسپورتىنىڭ ەكونوميكانىڭ ارتۋىنا قوسقان ۇلەسىن %32.7 كە جەتكىزدى“.

”بۇكىل ەل بويىنشا بىرلىككە كەلگەن ءىرى بازار قۇرىلىسىنا كەدەرگى بولاتىن بوگەتتەردى باتىل الاستاۋ“، ”’قارا تالاسۋ تۇرىندەگى‘ باسەكەنى جان - جاقتى جونگە سالۋ“ − پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە جاسالعان ماڭىزدى ورنالاستىرۋ. ۋاكىلدەر مەن مۇشەلەر باقىلاۋ - باسقارۋدى، زاڭ اتقارۋدى كۇشەيتۋ، تۇعىردىڭ تۇلعالىق جاۋاپكەرشىلىگىن ناقتىلاندىرۋ سياقتى جاقتاردا ۇسىنىس - پىكىر بەردى. دىڭ جىيۇڭ تانىستىرىپ بىلاي دەدى: بازار باقىلاۋ - باسقارۋ باس مەكەمەسى زاڭعا قايشى ارەكەتتەردى زاڭ بويىنشا تەكسەرىپ ءبىر جاقتى ەتۋ، كاسىپ سالاسىنىڭ ساپالىلانۋىن، دارەجەسىنىڭ جوعارىلاۋىن قولداۋ، ءتۇزىم، ەرەجەنى كەمەلدەندىرۋ سياقتى جاقتاردى ارقاۋ ەتىپ، كوپ ءتۇرلى قىزمەت شارالارىن العا قويىپ، ”قارا تالاسۋ تۇرىندەگى“ باسەكە قيىن ماسەلەلەرىن شەشىپ، بۇكىل ەلدىڭ ءبىر تۇتاس ۇلكەن بازار قۇرىلىسىنا دەم بەردى.