ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 15 - ءماجىلىسى جابىلدى

شينحۋا اگەنتتىگى، 3 - ايدىڭ 2 - كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتى تۇراقتى كوميتەتىنىڭ 15 - رەتكى ءماجىلىسى 3 - ايدىڭ 2 - كۇنى تۇستەن كەيىن بەيجيڭدە جابىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ جيىنىن باسقاردى ءارى ءسوز سويلەدى.

ۋاڭ حۋنيڭ مىنالاردى ءبىلدىردى: ءبىر جىلدان بەرى مەملەكەتتىك ساياسي كەڭەس پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، پارتيانىڭ جاسامپاز نازاريالارىن ۇدايىلاندىرىپ ۇيرەنۋدى، باۋلۋدى، مەحانيزمدەندىرىپ زەرتتەۋدى، ءتۇسىندىرۋدى ىلگەرىلەتىپ، وزەكتى كەلەلى جاعدايمەن تىعىز بايلانىستىرا وتىرىپ فۋنكتسيانى مۇقيات اتقارىپ، بەلسەندىلىكپەن جاۋاپكەرشىلىك ارقالاپ، ىسكەرلىك كورسەتىپ، ساياسي كەڭەس قىزمەتىنىڭ ءتۇزىم، مەحانيزمىن اقاۋسىزداندىرىپ، ستيل قۇرىلىسىنىڭ ۇدايىلانۋ، باياندى بولۋ مەحانيزمىن كەمەلدەندىرىپ، ءتۇرلى قىزمەتتەردە تىڭ ىلگەرىلەۋشىلىكتەرگە جانە ناتيجەلەرگە قول جەتكىزدى.

ۋاڭ حۋنيڭ مىنالاردى ءبىلدىردى: 2026 - جىلى حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جۇڭگو كوممۋنيستىك پارتياسى 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ءتورتىنشى جالپى ءماجىلىستىڭ ورنالاستىرۋلارىن دايەكتىلەندىرىپ، تياناقتاندىرىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، پارتيا مەن مەملەكەتتىڭ وزەكتى مىندەتىن نازارعا الىپ، ىنتىماقتاسا كۇرەس جاسايتىن ورتاق يدەيالىق ساياسي نەگىزدى بەكەمدەپ قىزمەت مىندەتىن اتقارىپ، جاۋاپكەرشىلىگىن ادا ەتىپ، ”15-بەسجىلدىق“ جوبانىڭ اتقارىلۋىن ىلگەرىلەتۋدى وزەك ەتىپ ۇكىمەت ىسىنە كەڭەس بەرىپ، ۇسىنىستار قويىپ، ”15-بەسجىلدىق“ جوبانىڭ تاماشا باستاماسىن جۇزەگە اسىرۋ ءۇشىن جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى ۇيىستىردى. اياسي كەڭەس مەملەكەتتىك 14 - كەزەكتى كوميتەتىنىڭ 4 - ماجىلىسىنە ويداعىداي دايىندالۋعا كۇش سالۋ كەرەك.

ءماجىلىس ساياسي كەڭەس 14 - كەزەكتى مەملەكەتتىك كوميتەتى 4 - ءماجىلىسىنىڭ كەڭەستىك ءتارتىبى (جوبا) مەن كۇن ءتارتىبىن، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن جانە ساياسي كەڭەس 14 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتى جاعدايى جونىندەگى باياندامانى ماقۇلدادى.

قاتىستى جوبالار مەن باياندامالار ساياسي كەڭەس مەملەكەتتىك 14 - كەزەكتى كوميتەتى 4 - ءماجىلىسىنىڭ قاراۋىنا ۇسىنىلادى.

جيىن داۋىسقا سالۋ ارقىلى ساياسي كەڭەس مەملەكەتتىك 14 - كەزەكتى كوميتەتى 4 - ءماجىلىسىنىڭ باس حاتشىسىنىڭ، باس حاتشىسىنىڭ ورىنباسارلارىنىڭ ەسىمدىگىن ماقۇلدادى؛ چي بين جولداستى ساياسي كەڭەس مەملەكەتتىك 14 - كەزەكتى كوميتەتىنىڭ مۇشەلىگىنە، ەكونوميكا كوميتەتى مەڭگەرۋشىسىنىڭ ورىنباسارلىعىنا، تاڭ لياڭجى جولداستى وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە كوميتەتى مەڭگەرۋشىسىنىڭ ورىنباسارلىعىنا تولىقتىردى.

جيىن حان ۋەيگونى مەملەكەتتىك 14 - كەزەكتى ساياسي كەڭەستىڭ تۇراقتى مۇشەسى، ۇسىنىس جوبا كوميتەتى مەڭگەرۋشىسىنىڭ ورىنباسارلىعى مىندەتىنەن الۋ، ليۋ لەيدى مەملەكەتتىك 14 - كەزەكتى ساياسي كەڭەستىڭ تۇراقتى مۇشەسى، اۋىل شارۋاشىلىعى جانە اۋىل - قىستاق كوميتەتى مەڭگەرۋشىسىنىڭ ورىنباسارلىعى مىندەتىنەن الۋ، گاۋ جيندى 14 - كەزەكتى مەملەكەتتىك ساياسي كەڭەس تۇراقتى كوميتەتىنىڭ مۇشەسى، ەكونوميكا كوميتەتى مەڭگەرۋشىسىنىڭ ورىنباسارلىعى مىندەتىنەن الۋ جونىندەگى قاۋلىنى ماقۇلدادى؛ جاڭ كىجياندى مەملەكەتتىك 14 - كەزەكتى ساياسي كەڭەستىڭ تۇراقتى مۇشەلىك مىندەتىنەن قالدىرۋ جانە ونىڭ مۇشەلىك تولىمدىلىعىن كۇشىنەن قالدىرۋ جونىندەگى قاۋلىنى ماقۇلدادى؛ ياڭ حۇي، لي شىڭلۇڭداردى مەملەكەتتىك 14 - كەزەكتى ساياسي كەڭەستىڭ مۇشەلىگىنەن شەگىندىرۋ جونىندەگى قاۋلىنى ماقۇلدادى؛ ۋاڭ چۇنرۋدى مەملەكەتتىك 14 - كەزەكتى ساياسي كەڭەستىڭ مۇشەلىگىنەن قالدىرۋ جونىندەگى قاۋلىنى ماقۇلدادى.

جيىن ۋاڭ شيڭحۋان، جاڭ دۇڭچىن، ساۋ جيانگو، ليۋ گويۋە، ما جىڭ - ۋ، فان يوۋشان، زىڭ ي، يۇي پەيگىن، تيان شۋەبين، حى سۇڭداردى مەملەكەتتىك 14 - كەزەكتى ساياسي كەڭەستىڭ مۇشەسى تولىمدىلىعىنان قالدىرۋ جونىندەگى قاراردى تۇراقتاندىردى.

جابىلۋ جيىنىنان كەيىن ساۋدا مينيسترلىگىنىڭ مينيسترى ۋاڭ ۋىنتاۋ ۇسىنىس بويىنشا «ساۋدانىڭ جاڭالىق اشا دامۋىن ىلگەرىلەتىپ، ساۋدادا قۋاتتى ەل قۇرۋدى جەدەلدەتەيىك» دەگەن تاقىرىپتا ۇيرەنۋ لەكسياسىن جاسادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، مۋ حۇڭ، شيانحۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى