كۇرەس نىساناسىن بەلگىلەپ، اقىل - پاراسات پەن كۇش - قۋاتتى شوعىرلاندىرايىق («حالىق گازەتىنىڭ» باسماقالاسى)

كوكتەم ماۋسىمىندا تابيعات تۇرلەنىپ، جاراتىلىس جاڭاردى. ساياسي كەڭەس مەملەكەتتىك 14 - كەزەكتى كوميتەتىنىڭ 4 - ءماجىلىسى 3 - ايدىڭ 4 - كۇنى بەيجيڭدە اشىلدى. 34 سالادان كەلگەن مەملەكەتتىك ساياسي كەڭەستىڭ 2000 نان استام مۇشەسى شىنايى ءۇمىتتى، داڭقتى بورىشتى ارقالاپ، جۇڭگوشا وسىزامانداندىرۋدى ىلگەرىلەتۋگە اقىل - كەڭەس بەردى. ءبىز قۇرىلتايدىڭ اشىلعاندىعىن قىزۋ قۇتتىقتايمىز!

2025 - جىل وتە ەرەكشە جىل بولىپ، جۇڭگو ۇلگىسىندەگى وسىزامانداندىرۋ بارىسىندا كەلەلى ماڭىز الدى. كۇردەلى دە قۇبىلمالى حالىقارا جانە ەل ءىشى جاعدايى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، قۇلشىنا كۇرەس جۇرگىزىپ، ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، ءوز ىستەرىن تاباندىلىقپەن ويداعىداي ىستەپ، جوعارى ساپالى دامۋدىڭ تۇراقتىلىعى ارقىلى ءتۇرلى تۇراقسىزدىققا توتەپ بەردى. ەلىمىز ەكونوميكاسى قىسىمعا توتەپ بەرىپ، العا باسىپ، جاڭالىققا قاراي ساپالى دامىپ، ەكونوميكالىق، قوعامدىق دامۋدىڭ باستى نىسانالىق مىندەتتەرىن ءساتتى ورىنداپ، تۇتاس جىلدا ىشكى ءوندىرىستىڭ جالپى ءونىم قۇنى تۇڭعىش رەت 140 تريلليون يۋاندىق وتكەلدەن ءوتىپ، ارتۋ قارقىنى دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى قاتارىنا ءوتتى. 5 جىلدىق جاپالى كۇرەس ارقىلى ”14 - بەسجىلدىق“ تابىسپەن اياقتالىپ، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، مەملەكەت قورعانىسى قۋاتى، جالپىلىق مەملەكەت قۋاتى تىڭ ساتىعا كوتەرىلىپ، جۇڭگو ۇلگىسىندەگى وسىزامانداندىرۋعا تىڭ دا نىق قادام تاستالدى، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستامالار جارىققا شىقتى. بۇل ناتيجەلەر وڭاي - وسپاق قولعا كەلمەگەن، ادامدى جەلپىندىرەدى، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى، ول مەملەكەتتى قۇدىرەتتەندىرۋ قۇرىلىسىن ىلگەرىلەتۋ، ۇلتتىڭ گۇلدەنۋىن جۇزەگە اسىرۋ بەكىمى مەن سەنىمىن اناعۇرلىم بەكەمدەدى.

”مەملەكەتىمىزدىڭ ءىرى ەلدىك بەينەسىنىڭ“ ”بارلىق وتباسىنىڭ تاعدىرىمەن“ تىلەكتەس ەكەنىن ەستە بەرىك ساقتاۋىمىز كەرەك. ءبىر جىلدان بەرى، حالىق ساياسي كەڭەسى شي جينپيڭنىڭ جاڭا ءداۋىر جۇڭگو ۇلگىسىندەگى سوتسياليزم يدەياسىن ۇدايىلاندىرۋدى، مەحانيزمدەندىرۋدى زەرتتەۋدى ىشكەرىلەي ىلگەرىلەتىپ، پارتيانىڭ جاسامپاز نازارياسىمەن يدەيانى، ەرىك - جىگەردى، ارەكەتتى بىرلىككە كەلتىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن كۇش سالا بەكەمدەپ، رەفورمانى اناعۇرلىم جاپپاي تەرەڭدەتۋ، جوعارى ساپالى دامۋدى ىلگەرىلەتۋ سياقتىلاردى تىعىز ارقاۋ ەتىپ، ۇكىمەت ىسىندە كەڭەسىپ، اقىل - كەڭەس بەرىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. قالىڭ ساياسي كەڭەس مۇشەلەرى زەيىن - زەردەنى، كۇش - قۋاتتى شوعىرلاندىرۋدىڭ، شەشىم جاساۋ، اقىل - كەڭەس بەرۋدىڭ، كەڭەستىك دەموكراتيانىڭ، مەملەكەتتى جونگە سالۋدىڭ ءبىرىنشى شەبىنىڭ ناقتى امالياتىنا سانالى تۇردە ات سالىسىپ، ءىس جۇزىندىك ارەكەتتەرى ارقىلى جاۋاپكەرشىلىك ارقالاۋدى ايگىلەدى.

باس شۋجي شي جينپيڭ بىلاي دەپ اتاپ كورسەتتى: ”پارتيا مەن حالىق قول جەتكىزگەن بارلىق تابىس − ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ − جۇڭگو كوممۋنيستىك پارتياسى مەن جۇڭگو حالقىنىڭ ەڭ ايقىن رۋحاني بەلگىسى“. تولقىن جارا العا ىلگەرىلەپ، قيىندىقتاردان قامال الۋ بارىسىندا شۇعىلالى ناتيجە جاراتىپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزىپ، ”ەكىنى تۇراقتاندىرۋدىڭ“ ءبىزدىڭ ءتۇرلى حاۋىپ - قاتەر مەن سىن - سايىسقا توتەپ بەرۋىمىزدەگى، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىزدەگى شەشۋشى مانگە يە ەكەندىگىن تولىق دالەلدەپ، ىنتىماقتاسا كۇرەس جۇرگىزۋدىڭ جۇڭگو حالقىنىڭ تاريحي ۇلى ىستەردى جاراتۋدا، ءسوز جوق، باسىپ وتەتىن جولى ەكەندىگىن تولىق ايگىلەدى. ءبىز پارتيانىڭ باسشىلىعىندا جۇدىرىقتاي جۇمىلىپ، قايراتتانا العا ۇمتىلىپ، ناقتى ىستەۋ ارقىلى ۇلى ىستەردى تىندىرىپ، جاڭالىق اشۋ ارقىلى بولاشاققا قول جەتكىزسەك بولعانى، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن، ءسوز جوق، ۇزدىكسىز اشا الامىز.

2026 - جىل − ”15 - بەسجىلدىقتىڭ“ باستاما جىلى، ءبىز نىسانا - مىندەتتەردى كوزدەپ، سەنىمدى بەكەمدەپ، اۋقىمعا قاراي العا ۇمتىلىپ، تاماشا باستامانى قۇلشىنا جۇزەگە اسىرىپ، جۇڭگو كەرەمەتىنىڭ جاڭا تاراۋىن ۇزدىكسىز جازۋىمىز كەرەك. ۇلى نىسانا نەعۇرلىم حاۋىپ - قاتەرگە، سىن - سايىسقا تولى بولعان سايىن، جۇڭحۋا ۇلاندارىنىڭ ۇلى ىنتىماعىن سولعۇرلىم كۇشەيتىپ، قيىندىقتاردى جەڭىپ، ۇدەرە العا تارتاتىن، ەرلىكپەن العا ۇمتىلاتىن كۇرەس ۇلى كۇشىن ۇيىستىرادى. حالىق ساياسي كەڭەسى ەڭ كەڭ كولەمدى وتانشىلدىق بىرلىكساپ ۇيىمى رەتىندە، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا، حالىق ساياسي كەڭەسىنىڭ سيپاتى مەن ورنىنا، وزەكتى ارقاۋ ەتۋگە، جالپى جاعدايعا قىزمەت ەتۋگە تاباندى بولىپ، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، ”15 - بەسجىلدىق“ جوبا باعدارلاماسىن جاساۋعا جانە اتقارۋعا نازار اۋدارىپ، ۇكىمەت ءىسىن ىشكەرىلەي كەڭەسىپ، بەلسەنە اقىل - كەڭەس بەرىپ، دەموكراتيالىق باقىلاۋ جۇرگىزىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى كەڭىنەن ۇيىستىرعاندا عانا، ءسوز جوق، جاڭا داۋىردەگى بورىش پەن مىندەتتى اناعۇرلىم ويداعىداي ارقالاۋعا بولادى. قالىڭ ساياسي كەڭەس مۇشەلەرىنىڭ كوپىرلىك، دانەكەرلىك رولىن ساۋلەلەندىرىپ، قابىلەت ساپاسى مەن مىندەت اتقارۋ قابىلەتىن جوعارىلاتىپ، جوعارى ساپالى ۇكىمەت ءىسىن كەڭەسۋ، ۇسىنىس بەرۋ جەتىستىكتەرى ارقىلى ”15 - بەسجىلدىق“ جوبانىڭ جاقسى باستالۋىنا، جاقسى قادام تاستاۋىنا قىزمەت ەتۋىن جانە دەم بەرۋىن ءۇمىت ەتەمىز.

ارماندى جۇزەگە اسىرۋ ساپارىندا، ءاربىر كۇش توپتالسا العا قاراي جوڭكىلگەن تاسقىن بولادى، ءاربىر قادام بىرلەسسە بوگەۋ بەرمەس ارىنعا اينالادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگو ۇلگىسىندەگى سوتسياليزم يدەياسىن جاپپاي دايەكتىلەندىرىپ، ءبىر جاعادان باس، ءبىر جەڭنەن قول شىعارىپ، ىنتىماقتاسا العا باسىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋ جولىندا قاجىماي - تالماي كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازۋىمىز كەرەك.

ءماجىلىستىڭ تولىق تابىستى اشىلۋىن تىلەيمىز!

كەلۋ قاينارى: حالىق تورابى