ءتۇزىم سەنىمىن بەكەمدەپ، تاماشا باستامانى جۇزەگە اسىرايىق (باسماقالا)

تاۋ - وزەندەر كورىكتەنىپ، بايتاق دالا نۇرلاندى. مەملەكەتتىك 14 - كەزەكتى حالىق قۇرىلتايىنىڭ 4 - ءماجىلىسى 3 - ايدىڭ 5 - كۇنى بەيجيڭدە سالتاناتپەن اشىلدى. مەملەكەتتىك حالىق قۇرىلتايىنىڭ 3000 عا جۋىق ۋاكىلى حالىقتىڭ ماڭىزدى تاپسىرماسىن ارقالاپ، استانادا باس قوسىپ، ”15 - بەسجىلدىقتىڭ“ دامۋ ۇلى جوسپارىن بىرگە اقىلداسىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا تاراۋىن بىرگە جوسپارلايدى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

وزگەشە ءبىر جىلدا كەرەمەت كۇرەس ءىزى قالدى. 2025 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز قيىندىقتان تايسالماي العا ۇمتىلىپ، قۇلشىنا كۇرەس جۇرگىزىپ، كۇردەلى دە قۇبىلمالى ەل ءىشى، حالىقارالىق جاعدايعا ءونىمدى توتەپ بەرىپ، كوپتەگەن ءىرى، ماڭىزدى ىستەردى ىستەپ، تۇتاس جىلداعى ەكونوميكالىق، قوعامدىق دامۋدىڭ باستى نىسانالى مىندەتتەرىن ءساتتى ورىندادىق. ەلىمىز ەكونوميكاسى قىسىمعا توتەپ بەرىپ، العا باسىپ، جاڭاشا، ساپالى دامۋعا بەت الىپ، %5 تىك ارتۋ قارقىنىمەن دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى لەگىنە ۇزدىكسىز قادام تاستاپ، قۇدىرەتتى توزىمدىلىك پەن ومىرشەڭدىك كۇشىن ايگىلەدى. جاساندى زەردە، كۆانتتىق عىلىم - تەحنيكا، بيولوگيالىق ءدارى - دارمەك سياقتى سالالارداعى جاڭالىق اشۋ جەتىستىكتەرى ىركەس - تىركەس جارىققا شىعىپ، ەلىمىز جاڭالىق اشۋ قۋاتى ەڭ تەز جوعارىلاعان ەكونوميكالىق تۇلعالاردىڭ بىرىنە اينالىپ، قوزعاۋشى كۇش پەن باسىمدىعىن ۇزدىكسىز تاسقىنداتتى. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىستىڭ ۇلى جەڭىسىنەن كۇش - قۋات الىپ، دۇنيە جۇزىلىك جونگە سالۋ دارىپتەمەسى ارقىلى ورتاق تانىم ۇيىستىردى، ەلىمىز كۇن سايىن اۋمالى - توكپەلى دۇنيە جۇزىندەگى ”تۇراقتىلىقتىڭ جازيراسىنا“ اينالىپ، ءىرى ەلدىڭ جاۋاپكەرشىلىگىن ايگىلەدى.

وزگەشە 5 جىلدا ادامدى تاڭ قالدىراتىن جۇڭگو كەرەمەتى جاراتىلدى. ”14 - بەسجىلدىق“ مەزگىلىندە ەلىمىز ەكونوميكاسىنىڭ جالپى مولشەرى ۇزدىكسىز جاڭا وتكەلدەن ءوتىپ، 110 تريلليون يۋاننان اسۋدان 140 تريلليون يۋاننان اسۋعا دەيىنگى ”ءۇرتىس 4 رەت سەكىرۋدى“ جۇزەگە اسىرىپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى %30 اينالاسىندا بولدى. ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، مەملەكەت قورعانىسى قۋاتى، جالپىلىق مەملەكەت قۋاتى تىڭ ساتىعا كوتەرىلدى، تۇنىق سۋ، جاسىل تاۋ كوركەم تۇسكە اينالدى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، ەكىنشى 100 جىلدىق كۇرەس نىساناسىنىڭ جاڭا جورىعى تاماشا باستاما جاراتتى، بۇلار ءبىزدىڭ ۇدەرە العا تارتۋ، ەرلىكپەن العا باسۋ جىگەرىمىزدى، رۋحىمىزدى بارىنشا كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ بەكىمىمىز بەن سەنىمىمىزدى بەكەمدەدى.

اساۋ تولقىندار مەن اساۋ وزەندەردەن تايسالماي ءوتىپ، بارعان سايىن العا باستى. پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزىلدى، جۇڭگو ۇلگىسىندەگى وسىزامانداندىرۋعا تىڭ دا نىق قادام تاستالدى. پارتيا مەن مەملەكەت ىسىندە كەسەك تابىستارعا قول جەتكىزىپ، جۇڭگو ۇلگىسىندەگى وسىزامانداندىرۋعا ورنىقتى قادام تاستاپ، ”ەكىنى تۇراقتاندىرۋدىڭ“ شەشۋشى ءمانى تولىق ايگىلەندى. باس شۋجي شي جينپيڭ بىلاي دەپ اتاپ كورسەتتى: ”ستراتەگيالىق تاباندىلىقتى ساقتاپ، نىق قاداممەن العا ىلگەرىلەپ، ءبىر كەزەڭ، ءبىر قادامداپ تىڭعىلىقتى ىلگەرىلەسەك بولعانى، پارتيا مەن مەملەكەت ىستەرى، ءسوز جوق، ۇزدىكسىز شاعىن جەڭىستەردى ۇلكەن جەڭىسكە اينالدىرادى، ءبىزدىڭ نىسانامىز، ءسوز جوق، جۇزەگە اسادى“.

ءتۇزىم ابزالدىعى ءبىر مەملەكەتتىڭ ەڭ ۇلكەن ابزالدىعى. ”14 - بەسجىلدىق“ مەزگىلىندە، پارتيانىڭ باسشىلىعىندا، حالىق قۇرىلتايى ءتۇزىمى قۇدىرەتتى ومىرشەڭدىك كۇشى مەن وزگەشە ابزالدىعىن ۇزدىكسىز ايگىلەپ، جاڭا داۋىردەگى جاڭا جورىقتا پارتيا مەن حالىقتىڭ كۇرەس نىساناسىن جۇزەگە اسىرۋدى بەرىك تۇزىمدىك كەپىلمەن قامدادى. وتكەن ءبىر جىلدا، پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا مەن مەملەكەت قىزمەتىنىڭ جالپى جاعدايىنا ىرىقتىلىقپەن قىزمەت وتەۋدى تىعىز ارقاۋ ەتىپ، مىندەتىن زاڭ بويىنشا اتقارىپ، جاۋاپكەرشىلىگىن ادا ەتىپ، زاڭ جۇيەسىن اناعۇرلىم كەمەلدەندىرىپ، باقىلاۋ قىزمەتىنىڭ باعىتتامالىلىعى مەن ونىمدىلىگىن كۇشەيتىپ، جاڭادان وزگەرىس ەنگىزىلگەن ۋاكىلدەر زاڭىن دايەكتى اتقارۋدى تۇتقا ەتىپ، ۋاكىلدەر قىزمەتىن ىشكەرىلەي كەڭەيتىپ، حالىق قۇرىلتايىنىڭ سىرتپەن بارىس - كەلىس جاساۋ رولىن ساۋلەلەندىرىپ، ”ءتورت ورگان“ قۇرىلىسىن تىڭعىلىقتى ىلگەرىلەتىپ، ءار جاقتاعى قىزمەتتەردە تىڭ ىلگەرىلەۋشىلىكتەر مەن تابىستارعا قول جەتكىزىپ، رەفورما، دامۋ، ورنىقتىلىقتى پارمەندى كەپىلمەن قامدادى.

بيىل ”15 - بەسجىلدىقتىڭ“ باستاما جىلى، تاماشا باستاما تابىستىڭ جارتىسىنا قول جەتكىزگەنمەن بارابار. پارتيا 20 - كەزەكتى ورتالىق كوميتەتىنىڭ 4 - جالپى ءماجىلىسى تياناقتى نەگىزدى بەكەمدەۋگە، جالپى بەتتىك كۇش شىعارۋعا قاراتىپ، ”15 - بەسجىلدىق“ مەزگىلىندەگى جۇڭگو ۇلگىسىندەگى وسىزامانداندىرۋدىڭ جالپى جاعدايىنا بايلانىستى ستراتەگيالىق مىندەتتەردى ورنالاستىرىپ، الداعى 5 جىلداعى ۇلى جوبانى جاسادى. قازىر ەلىمىزدىڭ دامۋىندا ستراتەگيالىق وراي مەن حاۋىپ - قاتەر قاتار ءومىر ءسۇرىپ وتىر، تۇراقسىز، مەجەلەۋ قيىن بولعان فاكتورلار كوبەيۋدە. نىسانا الىس بولعان سايىن، سايىس قاتاڭ بولعان سايىن، ءتۇزىم سەنىمىن سولعۇرلىم بەكەمدەپ، جۇڭگو كوممۋنيستىك پارتياسى باسشىلىعىنىڭ ساياسي ابزالدىعى مەن جۇڭگو ۇلگىسىندەگى سوتسياليزمنىڭ تۇزىمدىك ابزالدىعىن ساۋلەلەندىرىپ، ”جۇڭگو ءتۇزىمى“ ارقىلى ”جۇڭگونىڭ جونگە سالۋىنا“ تىرەك بولىپ، جۇڭگو كەرەمەتىن جاراتۋىمىز كەرەك. پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن تولىق ساۋلەلەندىرىپ، پارتيانىڭ قۋاتتاماسىنىڭ زاڭدىق ءتارتىپ ارقىلى مەملەكەتتىڭ ەركى مەن حالىقتىڭ ورتاق ارەكەتىنە اينالۋىنا كەپىلدىك ەتىپ، پارتيانىڭ نازارياسىنىڭ، لۋشيانىنىڭ، باعىت - ساياساتتارىنىڭ جانە شەشىم - ورنالاستىرۋلارىنىڭ مەملەكەت قىزمەتىندە جاپپاي دايەكتىلەنۋىنە كەپىلدىك ەتكەندە عانا، مەملەكەت پەن ۇلتتىڭ بولاشاعى مەن تاعدىرىن، ءسوز جوق، حالىقتىڭ قولىندا بەرىك ۇستاۋعا بولادى.

دامۋدىڭ تۇتاس بارىسىندا حالىق دەموكراتياسىن دامىتۋ جۇڭگو ۇلگىسىندەگى وسىزامانداندىرۋدىڭ ماندىك تالابى. كوپ بولىپ اقىل قوسىپ، بىرگە العا باسىپ، جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى ۇيىستىرۋ جۇڭگو ۇلگىسىندەگى دەموكراتيانىڭ ماڭىزدى ابزالدىعى. حالىق قۇرىلتايى ءتۇزىمى ەلىمىزدىڭ تۇتاس بارىستاعى حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى. حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، حالىق بۇقاراسىمەن تىعىز بايلانىس جاساپ، بۇقارانىڭ پىكىرىنە قۇلاق اسىپ، بۇقارانىڭ تىلەگىن اڭىس ەتىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، بۇكىل ەلدەگى ءار ۇلت حالقىن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي دايەكتى تياناقتاندىرۋعا جۇمىلدىرىپ، تۇتاس جىلداعى ءتۇرلى قىزمەتتەردى تىڭعىلىقتى جاقسى ىستەپ، ”15 - بەسجىلدىقتىڭ“ جاقسى باستالۋىنا پارمەندى تىرەك ازىرلەۋىمىز كەرەك. قالىڭ ۋاكىلدەردىڭ ساياسي دەڭگەيدى جوعارىلاتىپ، زاڭدا بەلگىلەنگەن قىزمەت جاۋاپكەرشىلىگىن ادالدىقپەن اتقارىپ، شىن سويلەپ، ناقتى جاعدايدى تىلگە تيەك ەتىپ، ناقتى شارا قولدانىپ، كوپتىڭ اقىل - پاراساتىن شوعىرلاندىرىپ، ورتاق تانىمدى ۇيىستىرىپ، تاماشا ءادىس - امال قاراستىرىپ، پارتيا مەن حالىق ءۇشىن قىزمەت ىستەپ، جاۋاپكەرشىلىكتى ويداعىداي ادا ەتۋىن ءۇمىت ەتەمىز.

اسقار تاۋلار مەن اساۋ وزەندەردى ارتقا قالدىرىپ، تاۋ اسىپ، تاس باستى. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ شەشۋشى كەزەڭىنە جەتتىك، ءسوز جوق، تاريحي كۇش جالعاۋدىڭ ”شەشۋشى تاياقشاسىن“ جاقسى جالعاۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگو ۇلگىسىندەگى سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءسوزسىز، جەڭىسكە جەتۋ سەنىمىن بەكەمدەپ، اسقاق جىگەرىمىزدى ساقتاساق، ءبىز، ءسوز جوق، ”15 - بەسجىلدىقتىڭ“ تاماشا باستاماسىن جۇزەگە اسىرىپ، جۇڭگو ۇلگىسىندەگى وسىزامانداندىرۋدىڭ جاڭا ساپارىندا تاعى دا شۇعىلالى ناتيجە جاراتا الامىز.

ءماجىلىستىڭ تولىق تابىستى بولۋىن تىلەيمىز!

كەلۋ قاينارى: حالىق تورابى