شي جينپيڭ فرانسيا حالىقارالىق مەكتەبىنىڭ جۇڭگو ءتىلى كلاسىنداعى وقىتۋشى - وقۋشىلارعا جاۋاپ حات قايتاردى

شينحۋا اگەنتتىگى، 3 - ايدىڭ 12 - كۇنى، بەيجيڭ. تاياۋدا مەملەكەت ءتوراعاسى شي جينپيڭ فرانسيانىڭ پروۆانس - الپى - كوك تەڭىز جاعالاۋى ۇلكەن رايونى حالىقارالىق مەكتەبىنىڭ جۇڭگو ءتىلى كلاسىنداعى وقىتۋشى - وقۋشىلارعا جاۋاپ حات جازىپ، ولارعا جانە بۇكىل مەكتەپتەگى وقىتۋشى - وقۋشىلارعا تاماشا تىلەك ءبىلدىردى.

شي جينپيڭ مىنالاردى ءبىلدىردى: جۇڭگو ءتىل - جازۋىندا جۇڭحۋانىڭ 5000 جىلدىق وركەنيەتىن ارقالاعان، شاعىن عانا ارىپتەردە تاريحي ۇلكەن اقىل - پاراسات قامتىلعان. جۇڭگو ءتىلىن ۇيرەنۋ بايىرعى ءارى وسى زامانعى جۇڭگونى تۇسىنۋگە ءتيىمدى بولىپ قالماستان، جۇڭگو مەن فرانسيانىڭ اناعۇرلىم كوركەم بولاشاعىنا باراتىن كوپىر سالۋعا دا ءتيىمدى.

شي جينپيڭ مىنالاردى باسا دارىپتەدى: سىزدەردىڭ جانە ءتىپتى دە كوپ فرانسيا، ەۆروپا جاستارى مەن ورەندەرىنىڭ جۇڭگوعا كەلىپ ۇيرەنىپ، ساپاردا بولىپ، ساياحاتتاپ، شىنايى، سترەولدى، اشىق، العا باسقان جۇڭگونى ءوز كوزدەرىڭىزبەن ءتۇسىنىپ، سەزىنىپ، جۇڭگو ءتىلىن ءوز ومىرلەرىڭىزبەن بىرگە ەسەيىپ - ەرجەتەتىن دوستارىڭىزعا اينالدىرۋلارىڭىزدى قارسى الامىز.

شي جينپيڭ بىلاي دەپ اتاپ كورسەتتى: بيىل _ جۇڭگونىڭ ەگىنشىلىك كۇنتىزبەسى بويىنشا جىلقى جىلى. جىلقى قايسارلىقتى، باتىلدىقتى جانە العا باسۋدى بىلدىرەدى. ساباقتاستاردىڭ الدا ءجۇرىپ، جۇڭگو مەن فرانسيانىڭ، جۇڭگو مەن ەۆروپانىڭ دوستىق سەلبەستىگىن جەبەيتىن تىرەكتى دارىندىلارعا اينالۋىن ءۇمىت ەتەمىن.

بىرنەشە كۇننىڭ الدىندا فرانسيانىڭ پروۆانس - الپى - كوك تەڭىز جاعالاۋى ۇلكەن رايونى حالىقارالىق مەكتەبىنىڭ جۇڭگو ءتىلى كلاسىنداعى وقىتۋشى - وقۋشىلاردىڭ ۋاكىلدەرى ءتوراعا شي جينپيڭگە حات جولداپ، جۇڭگ ءتىلىن ۇيرەنۋدەن العان اسەرلەرى مەن جۇڭگو مادەنيەتىنە دەگەن قۇشتارلىعىن ءبولىسىپ، جۇڭگو، فرانسيا جاستارى مەن ورەندەرىنىڭ اۋىس - كۇيىسىن كۇشەيتىپ، جۇڭگو مەن فرانسيانىڭ ءداستۇرلى دوستىعىن تەرەڭدەتۋدەگى بەلسەندى تىلەگىن بىلدىرگەن بولاتىن.