”دۇرىس ناتيجە كوزقاراسى ماسەلەسى _ ءتۇبىرلى ماسەلە“ (باس شۋجيدىڭ حالىقشىلدىق سۇيىسپەنشىلىگى)

”دۇرىس ناتيجە كوزقاراسى ماسەلەسى − ءتۇبىرلى ماسەلە بولىپ، ول جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە سايادى“.

بيىل 1 - ايدا ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقىلاۋ كۋرسىنىڭ ساباق باستاۋ سالتىندا، باس شۋجي شي جينپيڭ بىلاي دەپ اتاپ كورسەتتى: ”’15 - بەسجىلدىقتىڭ‘ باستاما جىلىندا، مەيلى جوبا جاساۋدا بولسىن، الدە اتقارۋدى ورنالاستىرۋدا بولسىن، دۇرىس ناتيجە كوزقاراسى بولۋى كەرەك. ولكە، قالا، اۋدان، اۋىلداردىڭ باسشىلىق القالارى ىركەس - تىركەس كەزەك اۋىستىرادى، قىزمەت ناتيجەسى كوزقاراسىنىڭ دا باعىتتامالىلىعى كۇشتى ەكەنى باسا دارىپتەلەدى“.

كوممۋنيستەردىڭ ءىس ىستەپ، ناتيجە شىعارۋى حالىققا باقىت جاراتۋ ءۇشىن بولىپ تابىلادى. باس شۋجي شي جينپيڭ ەكى ءتۇرلى ۇقساماعان دۇرىس ناتيجە كوزقاراسىنىڭ ىشكى مانىنە تەرەڭ تالداۋ جاسادى: ”دۇرىس ناتيجە كوزقاراسى بىزدەن ءىس جۇزىندىكتى شىعار ءتۇيىن ەتۋگە، زاڭدىلىق بويىنشا ىستەۋگە تاباندى بولىپ، عىلمي شەشىم جاساۋ جانە ناقتى ءىس ىستەۋ، قاجىرلىلىقپەن ىستەۋ ارقىلى اماليات پەن تاريحتىڭ سىنىنان وتە الاتىن، حالىققا شىنايى باقىت جاراتاتىن، بۇقارا جاپپاي مويىنداعان ناتيجە جاراتۋدى تالاپ ەتەدى“، ”قاتە ناتيجە كوزقاراسى جەكە ادامنىڭ نەمەسە شاعىن توپتىڭ مۇددەسىن شىعار ءتۇيىن ەتىپ، ۇشقالاقتىق، وڭاي ولجا تابۋ، كوز بوياۋشىلىق ىستەۋ، كوزسىزدىكپەن ىستەۋ بولىپ تابىلادى، ’وبراز ينجەنەرياسىن‘، ’ناتيجە ينجەنەرياسىن‘ جۇرگىزىپ، جۇك جانە كومەسكى قاتەر قالدىرىپ، حالىق بۇقاراسىنىڭ كۇشتى نارازىلىعىن قوزعايدى“.

”ءتۇبىرلى ماسەلە“ دۇرىس ناتيجە كوزقاراسىنىڭ قۇن كوزقاراسىن ايگىلەۋىنەن باستاۋ الادى.

پارتيامىزدا مەملەكەتتىڭ، ۇلتتىڭ، حالىقتىڭ مۇددەسىنەن باسقا ەشقانداي ەرەكشە مۇددە جوق. كوممۋنيست رەتىندە، حالىققا باقىت جاراتۋ ەڭ ۇلكەن ناتيجە.

جەدەل جەتكىزۋشىلەردەن شىنايى حال سۇرادى، يىنليڭ قارتتار جاتاقحاناسىندا قارتتاردىڭ دەنساۋلىعىن تەكسەرۋ، ساۋىقتىرۋ جاتتىعۋى، كۇندەلىكتى تۇرمىسىنا قارايلاسۋ سياقتى جاعدايلاردى ەگجەي - تەگجەيلى ۇعىسىپ، شينچۇن قالاسىنا بارىپ، بۇقارامەن بىرگە ”كوكتەم مەرەكەسىنىڭ عاراپا جىلىن وتكىزىپ، جاڭا جىلدى قارسى الدى“ ... بيىل 2 - ايدا باس شۋجي شي جينپيڭ بەيجيڭدە قىزمەت تەكسەرىپ، جاي - جاپساردى ۇعىسۋ بارىسىندا حالىققا دەگەن تەرەڭ سۇيىسپەنشىلىگىن ايگىلەدى.

حالىق تىلەگى ەڭ ۇلكەن ساياسي. دۇرىس قىزمەت ناتيجەسى كوزقاراسىن ورناتىپ جانە امالياتتا ايگىلەپ، پارتيانىڭ ءتۇبىرلى ماقساتىن ايگىلەۋ _ پارتيانىڭ بيلىك جۇرگىزۋ نەگىزىنە سايادى.

شي جينپيڭ جولداستىڭ جەرگىلىكتى ورىندا قىزمەت ىستەگەن كەزدەگى جاندى امالياتىنا قايىرىلا قاراساق، ”حالىقتى بارىنەن جوعارى قويۋ“ سىندى دۇرىس ناتيجە كوزقاراسى باستان - اياق جالعاسىپ كەلەدى: حىبەي ولكەسىنىڭ جىڭديڭ اۋدانىندا، ”جوعارى ءونىمدى كەدەي اۋدان“ سىندى قيىن ماسەلە الدىندا، ”مەملەكەت بويىنشا جوعارى ءونىمدى اۋدان“ اتاعىن الماسا دا، بۇقارانى جاقسى تۇرمىسقا كەنەلتتى؛ فۋجياندا ”ماۋجياپيڭگە ءۇش رەت بارۋدى“، ”شياداڭعا ءۇش رەت بارۋدى“ باستان كەشىردى ءارى ”ءتورتتى نەگىزگى ساتىعا ءتۇسىرۋ“ مەحانيزمىن ورناتۋدى ىلگەرىلەتتى؛ جىجياڭ ولكەسىندە سول كەزدەگى دامىماعان رايونداردىڭ دامۋدا ارتتا قالۋ جانە ءالى دە كەدەي تۇرعىننىڭ بار بولۋ ماسەلەسىنە قاراتا، ”وسىزامانداندىرۋ قۇرىلىسىندا قالتارىس ورىن قالدىرۋعا، جاپپاي دوڭگەلەك داۋلەتتى ورەگە جەتۋدە بىردە - ءبىر اۋىل - قىستاقتىڭ قاتاردان قالۋىنا بولمايدى“ دەپ باسا دارىپتەدى؛ شاڭحايدا ”دارەت وتىرعىسىن اۋىستىرۋ“ سياقتى حالىق تۇرمىسىنداعى قىيىن ماسەلەلەرگە نازار اۋدارىپ، ”حالىق تۇرمىسى ماسەلەسىن شەشىم ەتۋ اكىميات جۇرگىزۋدىڭ نەگىزى، حالىق تۇرمىسىن جاقسارتۋ ەڭ ۇلكەن ناتيجە“ دەپ اتاپ كورسەتتى ...

”كادرلاردىڭ قىزمەت ناتيجەسىنىڭ جاقسى - جاماندىعىن ولشەۋدە، بۇقارانىڭ اۋىزىنداعى جاقسى - ناشار دەيتىن باعاسىنا قاراۋ كەرەك“.

2024 - جىلى 10 - ايدا باس شۋجي شي جينپيڭ فۋجياننىڭ جاڭجوۋ قالاسى دۇڭشان اۋدانىنداعى گۋ ۋىنچاڭ ەسكەرتكىش سارايىنا كەلىپ، گۋ ۋىنچاڭ جولداستىڭ اسەرلى ىزگى ىستەرىن ۇعىسىپ، شىن ىقىلاسپەن بىلاي دەدى: ”ءبىز ونىڭ ىزگى ىستەرىنەن ۇيرەنگەندە، ونىڭ وسكەلەڭ بەينەسىنە قاراپ قانا قويماي، جاقسىدان ونەگە الىپ، ول سياقتى ادام بولىپ، بيلىك جۇرگىزۋىن ۇيرەنۋىمىز، ’ءمانساپتى بولعاندا، بارشا جانعا باقىت جاراتۋىمىز كەرەك‘، تەك وسى جولمەن جۇرگەندە عانا ادامدار اراسىنداعى دۇرىس جول تاپقان بولامىز“.

”ءتۇبىرلى ماسەلەنىڭ قاينارى“ دۇرىس ناتيجە كوزقاراسىنىڭ دامۋ كوزقاراسىمەن بايلانىسىپ جاتقاندىعىنان باستاۋ الادى.

ناتيجە كوزقاراسى پارتيالى كادرلاردىڭ پارتيالىلىق تاربيەلەنۋىن، دەڭگەيلىك جاعدايىن كورە بىلۋمەن بىرگە، دامۋدىڭ ساپاسىن، ونىمدىلىگىن دە بەلگىلەيدى، ىستەرىمىزدىڭ گۇلدەنۋى مەن قۇلدىراۋىنا، ءساتتى - ءساتسىز بولۋىنا سايادى.

”سانالى تۇردە زاڭدىلىق بويىنشا ءىس ىستەۋ _ ناتيجەگە تالپىنۋ جاعىندا وڭاي ولجا تابۋعا، كوز بوياۋشىلىق ىستەۋگە، كوزسىزدىكپەن، قارا دۇرسىندىكپەن ىستەۋگە بولمايدى، جاڭا ءمانساپتىلاردىڭ كونە ەسەپتى ەلەمەۋى مەن ’وبراز ينجەنەرياسىن‘، ’دۇرىس ناتيجە ينجەنەرياسىن‘ تيۋ كەرەك“. باس شۋجي شي جينپيڭ پارتيالى كادرلارعا مىنالاردى دەن قويا ناقتى ىستەۋدى ەسكەرتتى: ”نىق قاداممەن، ورنىقتى قاداممەن العا باسۋىمىز كەرەك“.

”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنان اۋىل - قىستاقتى جاپپاي گۇلدەندىرۋگە دەيىن، بۇل زاڭدىلىققا قۇرمەت ەتۋ العى شارتىندا، بىرىنەن سوڭ بىرى جالعاسقان دۇرىس ناتيجە كوزقاراسى ايگىلەندى −

جىجياڭدا قىزمەت ىستەگەن كەزىندە، شي جينپيڭ جولداس ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىن تىكەلەي جوسپارلاپ، تىكەلەي ورنالاستىرىپ، تىكەلەي ىلگەرىلەتىپ، سان مىڭداعان اۋىل - قىستاقتىڭ ءوز كوركەمدىگىن، كەلبەتىن جانە ورتاقتىعىن ايگىلەدى. 20 نەشە جىلدان بەرى، جىجياڭداعى پارتيالى كادرلار جوبانى سوڭىنا دەيىن جاساۋعا تاباندى بولىپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىن ۇزدىكسىز ىلگەرىلەتىپ، سان مىڭداعان شارۋا بۇقاراسىنا باقىت جاراتتى.

”’مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ‘ ينجەنەرياسىنىڭ تاجىريبەلەرىن ۇيرەنىپ جانە ودان پايدالانىپ، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن جەرگىلىكتى جاعدايعا قاراي ىلگەرىلەتىپ، اۋىل - قىستاقتى جونگە سالۋ جانە وركەنيەتتى اۋىل سالتى قۇرىلىسىنىڭ دەڭگەيى جوعارىلاتىلدى“. وتكەن جىلى جىل سوڭىندا، باس شۋجي شي جينپيڭ اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ماڭىزدى نۇسقاۋ بەرىپ، ”اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، قالا مەن اۋىلدىڭ توعىسپالى دامۋىن ىلگەرىلەتۋدى“ تالاپ ەتتى.

”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالايتىن، جاپپاي كۇش سالاتىن شەشۋشى مەزگىل.

”ءار دارەجەلى باسشى كادرلار پارتيانىڭ بورىشى مەن مىندەتىن جۇزەگە اسىرۋدى شىعار ءتۇيىن ەتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ءوزىنىڭ يدەياسى مەن ارەكەتىنىڭ كوممۋنيزم ۇلى مۇراتى مەن جۇڭگو ۇلگىسىندەگى سوتسياليزم ورتاق مۇراتىنان الشاقتاعان - الشاقتاماعاندىعىنا، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنان الشاقتاعان - الشاقتاماعاندىعىنا، پارتيانىڭ لۋشيان، باعىت - ساياساتتارى مەن پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنان الشاقتاپ كەتكەن - كەتپەگەندىگىنە، مەملەكەت جاعدايىنان جانە ءوز رايونىنىڭ، ءوز تاراۋىنىڭ ءىس جۇزىندىگىنەن قول ۇزگەن - ۇزبەگەندىگىنە قاراۋى كەرەك“.

بيىل 1 - ايدا 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە، باس شۋجي شي جينپيڭ دۇرىس ناتيجە كوزقاراسىن ورناتۋدىڭ جانە امالياتتا ايگىلەۋدىڭ ولشەمىن كورسەتىپ، ”ناتيجە مەن ەڭبەكتى وزىنە تاۋەلدەمەۋدى، ناتيجە مەن ەڭبەككە رۋحاني كۇش قوسۋدى، جۇڭگو ۇلگىسىندەگى وسىزامانداندىرۋدى بار ىنتا - پەيىلىمەن ىلگەرىلەتۋدى“ تالاپ ەتتى.

ەكپىندەي ىلگەرىلەۋدىڭ جاڭا جورىعىندا، قالىڭ پارتيالى كادرلار ”ءتۇبىرلى ماسەلەگە“ تەرەڭ جاۋاپ بەرىپ، حالىق ءۇشىن دۇرىس ناتيجە شىعارسا، ناقتى ىستەۋ ارقىلى دۇرىس ناتيجە شىعارسا، جۇڭگو ۇلگىسىندەگى وسىزامانداندىرۋدىڭ ۇزدىكسىز تىڭ تابىستارعا قول جەتكىزۋىن، جاڭا جاعداي اشۋدى، ءسوز جوق، ىلگەرىلەتە الادى.

كەلۋ قاينارى: حالىق تورابى