قوعام حاۋىپسىزدىگى مينيسترلىگى اۋىل  شارۋاشىلىعى دارىلەرىنە قاتىستى قىلمىستىق ىستەرگە زاڭ بويىنشا قاتاڭ سوققى بەرۋ جونىندە ورنالاستىرۋ جاسادى

حالىق گازەتىنىڭ ءتىلشىسى جاڭ تيانپەي 3 – ايدىڭ 17 – كۇنى بەيجيڭنەن حابارلايدى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، جۋىردا قوعام حاۋىپسىزدىگى مينيسترلىگىنىڭ قورشاعان ورتاداعى بايلىق قاينارى جانە ازىق – تۇلىك، ءدارى – دارمەك سالاسىنداعى قىلمىستىق ىستەردى انىقتاۋ مەكەمەسى تيىم سالىنعان جانە شەكتەمە قويىلعان اۋىل شارۋاشىلىعى دارىلەرىن زاڭسىز ءوندىرىپ ساتۋ، پايدالانۋ قىلمىسىنا زاڭ بويىنشا قاتاڭ سوققى بەرۋ قىزمەتى جونىندە ورنالاستىرۋ جاساپ، جەر – جەردەگى قوعام حاۋىپسىزدىگى ورگاندارىنىڭ قورشاعان ورتا، ازىق – تۇلىك، ءدارى – دارمەك سالاسىنداعى قىلمىستىق ىستەردى انىقتاۋ تاراۋلارىنان كوكتەمگى ەگىسگە دايىندىق مەزگىلىندە اۋىل شارۋاشىلىعى قۇرال – جابدىقتارىن ءوندىرۋ، ساقتاۋ، پايدالانۋ قيمىلى ءبىرشاما شوعىرلى بولاتىن جاعدايعا باعىتتاي وتىرىپ، اۋىل شارۋاشىلىعى دارىلەرىنە قاتىستى ءتۇرلى قىلمىستىق ىستەرگە زاڭ بويىنشا سوققى بەرۋدى تالاپ ەتكەن.

قوعام حاۋىپسىزدىگى مينيسترلىگىنىڭ قورشاعان ورتا، ازىق – تۇلىك، ءدارى – دارمەك سالاسىنداعى قىلمىستىق ىستەردى انىقتاۋ مەكەمەسى مىنالار تالاپ ەتتى: تيىم سالىنعان جانە شەكتەمە قويىلعان اۋىل شارۋاشىلىعى دارىلەرىن زاڭسىز پايدالانۋ، شەكتەن تىس پايدالانۋ جانە وندىرىلگەن ۋاقىتىن وزگەرتۋ، قورابىنداعى بەلگىلەردى جالعاننان جاساۋ، زاڭسىز تيجارات ەتۋ قاتارلى قىلمىستىق ىستەرگە زاڭ بويىنشا قاتاڭ سوققى بەرۋ؛ ساقشى ىستەرىن ىرىقتىلىقپەن اتقارۋعا، بىرلەسىپ زاڭ اتقارۋدى ورىستەتۋگە تاباندى بولىپ، اۋىل شارۋاشىلىعىنا قاتىستى ءدارى – دارمەكتەردى وندىرەتىن، تيجارات ەتەتىن جانە پايدالاناتىن ءتۇيىندى ورىندارعا، ءتۇيىندى بولىكتەرگە، ءتۇيىندى بۋىندارعا نازاردى شوعىرلاندىرىپ، شارلاپ تەكسەرۋدى كۇشەيتىپ، زاڭعا قايشى قىلمىستىق ىستەردىڭ دەرەگىن بەلسەندى تۇردە ءبىر – بىرلەپ انىقتاۋ؛ بۇكىل تىزبەك بويىنشا سوققى بەرۋگە تاباندى بولىپ، ”ءوندىرۋ، ساتۋ، پايدالانۋ“ تىزبەگىن ىشكەرىلەي تەكسەرىپ، تۇبەگەيلى انىقتاۋ كەرەك.

كەلۋ قاينارى: حالىق تورابى