بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.03.19 16:29 كەلۋ قاينارى : حالىق تورابى
سالماعى 7 توننا كەلەتىن مەتەوريت تاس 3 – ايدىڭ 17 – كۇنى تۇستەن بۇرىن ا ق ش – نىڭ شىعىس بولىگىنىڭ كەڭىستىگىن ءتىلىپ ءوتىپ، سوڭىنان كەڭىستىكتە پارشالانعان ءارى جويقىن داۋىس ەستىلگەن، جەرگىلىكتى ورىنداعى تۇرعىندار قوپارىلىس تۋىلعان ەكەن دەپ قاتتى ۇرەيلەنگەن.
بۇل ءىس كۇندىز تۋىلعان بولسا دا، كوپتەگەن ادامدار بۇل جارىق ”وت جۇلدىزدى“ جانە ودان قالعان اق ءتۇستى جولاقتى كوزدەرىمەن كورگەن. ا ق ش مەملەكەتتىك اۋا رايى مەكەمەسىنىڭ مامانى بيلل موزەلەۆسكيدىڭ رەيتەر اگەنتتىگىنە ايتۋىنشا، تۇرعىندار ۇرەيلەنگەنىنەن تەلەفونمەن بۇل ءىستى ساقشىعا مالىمدەگەن، جەرگىلىكتى ورىنداعى شۇعىل جاعدايعا توتەپ بەرۋ تاراۋلارىنىڭ قىزمەتكەرلەرى دە ولارعا تەلەفون جالعاپ جاعداي ۇعىسقان.
ا ق ش مەملەكەتتىك اۆياتسيا – عارىش مەڭگەرمەسىنىڭ ىلە – شالا راستاۋىنشا، اتالمىش ”وت جۇلدىز“ ديامەترى 1.83 مەتر، سالماعى شامامەن 7 توننا كەلەتىن مەتەوريت تاس ەكەن. اتالعان قۇرىلىمعا قاراستى اقپا دەنەلەردى زەرتتەۋ كەڭسەسىنىڭ جاۋاپتىسى بيلل كۋكتىڭ تانىستىرۋىنشا، مەتەوريت باستابىندا ا ق ش مەن كانادانىڭ شەكارالاسقان جەرىندەگى ەريە كولىنىڭ كەڭىستىگىندەگى 80 كيلومەترلىك بيىكتىكتەن بايقالعان، ىلە – شالا ساعاتىنا 72 مىڭ 400 كيلومەترلىك قارقىنمەن شىعىس وڭتۇستىك باعىتقا قاراي قوزعالعان. 55 كيلومەتر ۇشقان سوڭ، مەتەوريت ەڭ سوڭىندا وحايو شتاتى ۆاللي قالاسىنىڭ كەڭىستىگىندە پارشالانعان. مەتەوريت پارشالانعان كەزدە شىعارعان ەنەرگيا شامامەن 250 توننا TNT قوپارعىش ءدارىسى جارىلعانداعىمەن بىردەي بولعان، سوندىقتان جويقىن داۋىس ەستىلگەن.
كەلۋ قاينارى: حالىق تورابى
