شي جينپيڭ تۇركىمەنستاننىڭ ۇلت كوسەمى، حالىق كوميتەتىنىڭ ءتوراعاسى بەردىمۇحامەتوۆپەن كەزدەستى

3 - ايدىڭ 18 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە جۇڭگوعا دوستىق ساپارمەن كەلگەن تۇركىمەنستاننىڭ ۇلت كوسەمى، حالىق كوميتەتىنىڭ ءتوراعاسى بەردىمۇحامەتوۆپەن كەزدەستى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

شينحۋا اگەنتتىگى، 3 - ايدىڭ 18 - كۇنى، بەيجيڭ (ءتىلشى فىڭ چينران). 3 - ايدىڭ 18 - كۇنى تۇستەن كەيىن مەملەكەت ءتوراعاسى شي جينپيڭ بىيجيڭدەگى دياۋيۇيتاي مەملەكەتتىك قوناق ۇيىندە جۇڭگوعا دوستىق ساپارمەن كەلگەن تۇركىمەنستاننىڭ ۇلت كوسەمى، حالىق كوميتەتىنىڭ ءتوراعاسى بەردىمۇحامەتوۆپەن كەزدەستى.

شي جينپيڭ مىنالاردى اتاپ كورسەتتى: تاياۋدا جۇڭگونىڭ مەملەكەتتىك ەكى ءماجىلىسى ءساتتى اشىلىپ، ”15 - بەسجىلدىق“ جوبا باعدارلاماسى قاراپ بەكىتىلدى. جوبا باعدارلاماسىنىڭ اتقارىلۋى جۇڭگونىڭ سوتسياليستىك وسىزامانداندىرۋدى نەگىزىنەن جۇزەگە اسىرۋىنا بەرىك نەگىز قالايدى ءارى دۇنيە جۇزىندەگى ءار ەلگە تيىمدىلىك جاسايدى. تۇركىمەنستان تاۋەلسىزدىك العان 35 جىلدان بەرى دەربەس، ءوز - وزىنە قوجايىن بولاتىن، ءوز مەملەكەت جاعدايىنا ۇيلەسەتىن دامۋ جولىمەن ءجۇردى. جىلقى جىلى باستالدى، جۇڭگو جاق تۇركىمەنستان جاقپەن سەلبەستىك ۇلى جوسپارىن بىرگە اقىلداسىپ، دامۋ ورايىنان بىرگە يگىلىكتەنىپ، جۇڭگو مەن تۇركىمەنستاننىڭ تاعدىرلاس ورتاق تۇلعاسى قۇرىلىسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتۋدى قالايدى.

شي جينپيڭ مىنالاردى باسا دارىپتەدى: ءوزارا قولداۋ _ جۇڭگو مەن تۇركىمەنستاننىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ وزەكتى ءمانى. حالىقارالىق جاعداي قالاي وزگەرسە دە، جۇڭگو جاق تۇركىمەنستان جاقتىڭ مەملەكەتتىڭ تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىن باستان - اياق قولدايدى، تۇركىمەنستان جاقتىڭ ماڭگىلىك بەيتاراپ ساياسات اتقارۋىن باستان - اياق قولدايدى، باستان - اياق تۇركىمەنستان جاقتىڭ سەنىمدى سەلبەستىك سەرىگى بولادى. ەكى جاق ”ءبىر بەلدەۋ، ءبىر جولدى“ بىرگە قۇرۋ باستاماسى مەن ”جىبەك جولىن گۇلدەندىرۋ“ ستراتەگياسىن ۇشتاستىرۋدى جەدەل ىلگەرىلەتىپ، تابيعي گاز سالاسىنداعى سەلبەستىك كولەمىن كەڭەيتىپ، ساۋدا جانە قارجى قوسۋ دەڭگەيىن جوعارىلاتىپ، ۇلاستىرۋ - تۇتاستىرۋ، اۋىل شارۋاشىلىعى، جاساندى زەردە، سيفرلى ەكونوميكا، تازا ەنەرگيا سياقتى بايلىققا جاتپايتىن سالالارداعى سەلبەستىكتى كەڭەيتىپ، لۋبان شەبەرحاناسى، جۇڭي شيپاگەرلىك، ءدارى - دارمەك ورتالىعىن، ءوزارا مادەنيەت ورتالىعىن قۇرۋ قىزمەتىن جەدەل ىلگەرىلەتىپ جان - جاقتى سەلبەستىكتىڭ جاڭا جاعدايىن قالىپتاستىرۋى كەرەك. ”ءۇش ءتۇرلى كۇشكە“ باتىل سوققى بەرىپ، ەكى ەلدىڭ دامۋى ءۇشىن حاۋىپسىزدىك قالتقىسىن بەكەمدەۋ كەرەك. قازىر دۇنيە جۇزىلىك سىن - سايىس تولاسسىز تۋىلۋدا، جۇڭگو جاق تۇركىمەنستان جاقپەن بىرگە بىرلەسكەن مەملەكەتتەر ۇيىمىنىڭ ورنى مەن بەدەلىن باتىل قورعاپ، ناعىز كوپ جاقتىلىقتى امالياتتا ايگىلەپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىنا تاباندى بولىپ، ءادىل، تۋراشىل، اشىق، سيىسىمدى بولۋ ۇستانىمى ارقىلى دۇنيە جۇزىلىك جونگە سالۋ وزگەرىسىنە جەتەكشىلىك ەتۋدى قالايدى.

بەردىمۇحامەتوۆ مىنالاردى ءبىلدىردى: ۇلى جۇڭگوعا ساپارلاي كەلگەنىمە وتە قۋانىشتىمىن، جۇڭگونىڭ مەملەكەتتىك ەكى ءماجىلىسىنىڭ ءساتتى وتكىزىلىپ، ءتۇرلى ىستەردىڭ دامۋى جونىندە كەلەلى شەشىم، ورنالاستىرۋ جاساعاندىعىن قۇتتىقتايمىن. جۇڭگونىڭ گۇلدەنۋى مەن دامۋى دۇنيە ءجۇزىن يگىلىككە كەنەلتتى. جۇڭگو جاقسى بولسا، دۇنيە ءجۇزى ءتىپتى دە جاقسى بولادى. ءتوراعا شي جينپيڭنىڭ تىكەلەي جەبەۋىندە، تۇركىمەنستان مەن جۇڭگونىڭ دوستىق قارىم - قاتىناسى تەز، ورنىقتى دامىدى، زاڭ شىعارۋ قۇرىلىمدارى، پارتيالار ارا بارىس - كەلىس جيىلەپ، ءار سالاداعى سەلبەستىكتىڭ مازمۇنى بايىپ، جالپى بەتتىك ستراتەگيالىق سەرىكتەستىك جوعارى دەڭگەيگە جەتتى. تۇركىمەنستان مەن جۇڭگونىڭ سەلبەستىگى ەكى ەلدىڭ ەكونوميكالىق، قوعامدىق دامۋىنداعى ماڭىزدى بەلسەندى فاكتورعا اينالدى، بۇل ەكى ەل حالقىنىڭ ۇزاق بولاشاقتىق مۇددەسىنە ۇيلەسەدى. تۇركىمەنستان جاق ءباز - باياعىسىنداي ءبىر جۇڭگو پرينسيبىنە تاباندى بولادى، جۇڭگو جاقپەن دامۋ ستراتەگياسىن ۇشتاستىرۋدى كۇشەيتىپ، ەنەرگيا، ساۋدا، ۇلاستىرۋ - تۇتاستىرۋ سياقتى سالالارداعى ناقتى سەلبەستىكتى كەڭەيتىپ، دامۋدى، گۇلدەنۋدى بىرگە جوسپارلاپ، حاۋىپسىزدىك پەن ورنىقتىلىقتى بىرگە جەبەۋدى قالايدى. تۇركىمەنستان جاق جۇڭگو جاقتىڭ تۇركمەنستاننىڭ ماڭگىلىك بەيتاراپ ورنىن قولداعاندىعىنا العىس ايتادى، ءتوراعا شي جينپيڭنىڭ دۇنيە جۇزىلىك دەڭگەيدەگى كوسەم رەتىندە العا قويعان 4 ۇلكەن دۇنيە جۇزىلىك باستاماسىن جوعارى باعالايدى، جۇڭگو جاقتىڭ حالىقارالىق ىستەردە باستان - اياق ءادىل تۇرعىدا تۇرعاندىعىن القايدى. تۇركىمەنستان جاق جۇڭگو جاقپەن بىرلەسكەن مەملەكەتتەر ۇيىمى، جۇڭگو - ورتا ازيا مەحانيزمى سياقتى كوپ جاقتى تۇعىرلارداعى سايكەسۋدى، سەلبەسۋدى كۇشەيتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى