مىندەتتى وقۋ - اعارتۋ مەكتەپتەرىندە ءتۇيىندى كلاس، تاجىريبە كلاس، تەز - باياۋ كلاس قۇرۋعا قاتاڭ تيىم سالىنادى

ءتىلشىنىڭ 4 – ايدىڭ 3 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى كەڭسەسى تاياۋدا ۇقتىرۋ باسىپ تاراتىپ، ورتا، باستاۋىش مەكتەپتەردىڭ اشىق وقۋشى قابىلداۋ ارناۋلى قيمىلىن (2026 – جىلى) ورىستەتۋ جونىندە ورنالاستىرۋ جاساپ، مىنالاردى ايقىندادى، مىندەتتى وقۋ – اعارتۋ ساتىسىنداعى مەكتەپتەردىڭ ءتۇيىندى كلاس، تاجىريبە كلاس، تەز – باياۋ كلاس قۇرۋىنا نەمەسە ءتۇسىن وزگەرتىپ قۇرۋىنا قاتاڭ تيىم سالىنادى، وقىتۋشىلاردى بىركەلكى ورنالاستىرۋدى، وقۋشىلاردى كلاسقا بولۋدە كەزدەيسوق ءبولۋدى ىلگەرىلەتىپ، بىركەلكى كلاستاردى جاپپاي اتقارىپ، كلاسقا ءبولۋ ناتيجەسىن اشىق جاريالاپ تۇراقتاندىرعاننان كەيىن ءوز بەتىمەن وزگەرتۋگە بولمايدى.

ۇعىسۋعا قاراعاندا، الدىڭعى 2 جىلداعىمەن سالىستىرعاندا، بيىلعى ارناۋلى قيمىلدىڭ قامتۋ كولەمى ”مىندەتتى وقۋ – اعارتۋدان“ ”ادەتتەگى ورتا مەكتەپكە“ دەيىن كەڭەيىپ، مىندەتتى وقۋ - اعارتۋ مەن ورتا مەكتەپ ساتىسىن جونگە سالۋ تىزبەگى تۇتاستىرىلىپ، مينيسترلىككە قاراستى جوعارى مەكتەپتەر قاراماعىنداعى ورتا مەكتەپتەردىڭ، ولكەگە قاراستى ورتا مەكتەپتەردىڭ، رايوندارعا بولىنگەن قالالارداعى ورتا مەكتەپتەردىڭ بەلگىلەمەگە قايشىلىق جاساپ، اۋدان كولەمىنەن ۇزدىكتەردى ەكشەپ وقۋشى قابىلداۋىنا قاتاڭ تيىم سالىنىپ، ورتا، باستاۋىش مەكتەپتەردىڭ تۇتاس وقۋ كەزەڭىن قامتىعان اشىق وقۋشى قابىلداۋ جۇيەسى قالىپتاسقان.

ۇقتىرۋدىڭ تالابىنا ساي، ورتا، باستاۋىش مەكتەپتەردىڭ بەلگىلەمەگە قايشى تۇردە الدىن الا وقۋشى قابىلداۋىنا، جوسپاردان تىس وقۋشى قابىلداۋىنا، ءوڭىر اتتاپ وقۋشى قابىلداۋىنا قاتاڭ تيىم سالىنادى، ”تالابىن تىزىمدەۋ“، ”الدىن الا قابىلداۋ كەلىسىمى“، ”ەڭ تومەنگى شەككە كەپىلدىك ەتىپ قابىلداۋ كەلىسىمى“، ”كلاسقا بولۋگە كەپىلدىك ەتۋ كەلىسىمى“ قاتارلى سىلتاۋلارمەن ءتۇسىن وزگەرتىپ الدىن الا وقۋشى قابىلداۋعا قاتاڭ تيىم سالىنادى، وقۋشى قابىلداۋ بۋىنىندا ايتىلمىش ”مەكتەپ تاڭداۋ اقىسىن“، ”تالاپ اقىسىن“ الۋعا قاتاڭ تيىم سالىنادى، وقۋشى قابىلداۋ مەن ”وقۋ - اعارتۋعا جىلۋ اتاۋ“، ”وقۋ - اعارتۋ قورى“ قاتارلى ءتۇرلى كومەك بەرۋدى بايلانىستىرۋعا قاتاڭ تيىم سالىنادى.

ەرەكشە تۇردەگى وقۋشى قابىلداۋدى قاتاڭ ارناعا ءتۇسىرۋ جاعىندا، ۇقتىرۋدا مىنالار ورتاعا قويىلدى: ەرەكشە تۇردەگى وقۋشى قابىلداۋدى ولكە دارەجەلى تەكسەرىپ ەستەلىككە الۋ ءتۇزىمىن جاپپاي اتقارۋ كەرەك. ءارقانداي جەردىڭ، ءارقانداي مەكتەپتىڭ ولكە دارەجەلى بەكىتۋدەن وتكىزبەي تۇرىپ، مىندەتتى وقۋ - اعارتۋ ساتىسىندا جاڭالىق جاراتاتىن دارىندىلاردى ەرتە جەتىلدىرۋ نىسانى دەگەن اتپەن ەرەكشە تۇردە وقۋشى قابىلداۋىنا قاتاڭ تيىم سالىنادى. جاستار مەن ورەندەردىڭ فۋتبول دارىندىلارىن تاربيەلەۋ رەفورماسىن تۇيىندە سىناق ەتۋدى تۇيىندە سىناق ەتۋ كولەمىندە قاتاڭ تىزگىندەۋ كەرەك. ۇساق ءتىل تۇرىندەگى ەرەكشە تاربيەلەۋ نىسانىن ورىستەتكەن مەكتەپتەر وقۋشى قابىلداۋ كولەمى مەن جوسپارىن ۇيلەسىمدى بەلگىلەۋى، باستاۋىشتان ورتالاۋعا شىعۋ بارىسىندا مادەنيەت ساباعى سىناعىن ورىستەتۋىنە نەمەسە ءتۇسىن وزگەرتىپ ورىستەتۋىنە بولمايدى.

بۇدان سىرت، ۇقتىرۋدا نوپوس، ءۇي - جاي، قونىستانۋ كۋالىگى، قوعامدىق قامتاماسىزداندىرۋ، وقۋ قاراستىلىعى قاتارلى وقۋعا تۇسۋگە قاتىستى ينفورماتسيالاردى ءوزارا بايلانىستىرۋدى، ورتاق يگىلىكتەنۋدى جەدەل ىلگەرىلەتۋ تالاپ ەتىلدى. ”وقۋ – اعارتۋ بويىنشا وقۋعا تۇسۋدەگى ءبىر ءىستى“ بىتىرۋگە جەتەكشىلىك ەتۋ ءتۇزىمىن جاساپ، جەلىدە جۇمىس ءبىتىرۋدى تىزىمدەۋ، تەكسەرۋ، قابىلداۋ قاتارلى ”ءبىر جەلىدە ءبىرتۇتاس ءبىتىرۋدى“ جۇزەگە اسىرۋ تالاپ ەتىلدى. جەلىدەن تىسقارى جۇمىس بىتىرۋدەگى كەستە تولتىرۋ مەن كۋالىك ماتەريالدارىن تاپسىرۋدى قاراپايىمداستىرىپ، ”تەك ءبىر ەسىك ارقىلى بىتىرە الۋدى“ جۇزەگە اسىردى. شارت - جاعدايى بار جەرلەردىڭ سيفرلاندىرۋ تاسىلىنەن پايدالانىپ ساياساتتىق جاۋاپ بەرۋ، تىزىمدەلۋگە جەتەكشىلىك ەتۋ قاتارلى زەردەلى اقىل - كەڭەس بەرۋ قىزمەت وتەۋىن قاراستىرۋىنا دەم بەرىلەدى.

كەلۋ قاينارى: حالىق تورابى