ماماندار اۋلەتىندە اۋرۋ تاريحى بار ادامدار 40 جاستان اسقاننان كەيىن كەمىندە ەكى رەت ىشەك ايناسىمەن تەكسەرىلۋى كەرەك دەگەن ۇسىنىس بەرەدى

بىلەسىز بە؟ اۋرۋ بەلگىسىنىڭ بايقالماۋى ىشەك جولىنىڭ اقاۋسىزدىعىنىڭ ”حاۋىپسىزدىك سيگنالى“ بولماۋى مۇمكىن. باستابىندا ىشەك جولى وسپەلەرىنىڭ بەلگىسى ايقىن بىلىنە قويمايدى، اۋرۋ بەلگىلەر بايقالعان كەزدە، كوبىنەسە، ورتا جانە سوڭعى مەزگىلگە ءوتىپ بولادى. ىشەك اقاۋسىزدىعىن قالاي قورعاۋعا بولادى؟ شيپاگەرلەردىڭ ەسكەرتۋىنە نازار اۋدارىڭىز.

شاڭحاي قالاسى دۇڭفاڭ ەمحاناسىنىڭ ورىنباسار باستىعى، اس قورىتۋ ىشكى اۋرۋلار ءبولىمى مەن اس قورىتۋ جولى ايناسىمەن تەكسەرۋ ورتالىعىنىڭ مەڭگەرۋشىسى شۇي مەيدۇڭ: باستابىندا ىشەك جولى وسپەسىنىڭ بەلگىسى ايقىن بىلىنە قويمايدى، بەلگى بايقالعاندا، كوبىنەسە، سوڭعى مەزگىلگە ءوتىپ بولادى. وتباسىندا اۋرۋ تاريحى بار، تاماقتانۋ ادەتى جاقسى ەمەس ادامدار 40 جاستان كەيىن ىشەك ايناسىمەن تەكسەرىلۋى كەرەك، 50 جاستان كەيىن، مەيلى، اۋرۋ بەلگىسى بولسىن - بولماسىن، ءبىر رەت ىشەك ايناسىمەن تەكسەرىلگەنى ءجون.

ادەتتە 50 جاستان كەيىن، جۋان ىشەك راگىنىڭ تۋىلۋ ىقتيمالدىعى جوعارى بولادى. ەشقانداي اۋرۋ بەلگىسى جوق كوپتەگەن ادامدار دا دەنساۋلىقتى تەكسەرتۋ بارىسىندا جۋان ىشەك راگىنا شالدىققانىن بايقايدى. ىشەك ايناسىمەن جاي تەكسەرۋ بارىسىندا، ەگەر باستاپقى مەزگىلدەگى جۋان ىشەك راگى بايقالسا، ول كىلەگەي قابىقتىڭ استىڭعى قاباتىنا وتپەگەن بولسا، بۇل كەزدە ۇلكەن وپەراتسيا جاساۋدىڭ مۇلدە قاجەتى جوق، ىشەك ايناسىمەن تەكسەرۋ بارىسىندا - اق بۇل وسپەنى ايىرىپ الىپ، ەمدەۋ ماقساتىنا جەتۋگە بولادى. سوندىقتان، ءبىز ءوز دەنساۋلىعىمىزعا، ءسوزسىز، كوڭىل ءبولۋىمىز، مەرزىم بويىنشا دەنساۋلىقتى تەكسەرتۋىمىز، وتە – موتە، اسقازان – ىشەك ايناسىمەن تەكسەرىلۋىمىز كەرەك.

كەلۋ قاينارى: حالىق تورابى