شينجياڭداعى شولدەن تابىلعان! بۇل اي مەتەوريتىنا قاتىستى ەڭ جاڭا زەرتتەۋ ناتيجەسى جاريالاندى 

4 - ايدىڭ 22 - كۇنى، جاراتىلىستىق بايلىق مينيسترلىگى جۇڭگو گەولوگيالىق بارلاۋ مەكەمەسى ”Pakepake005“ تۋرالى ەڭ جاڭا زەرتتەۋ ناتيجەسىن جاريالادى. بۇل مەتەوريت 2024 - جىلى شينجياڭ تاكلاماكان شولىنەن تابىلعان، حالىقارالىق مەتەوريت قوعامى اتاۋ بەرۋ كوميتەتىنىڭ بەكىتۋىمەن اي شارى قىرلى قيرشىقتى جىنىسى دەپ اتالىپ، ەلىمىزدىڭ جەرگىلىكتى ورىننان اي مەتەوريتىن بايقاۋ جاعىنداعى بوستىعىن تولتىردى.

ول جالعىز شار تارىزدەس مەتەوريت، سالماعى 44 گرام، بەتكى قاباتىن قارا ءتۇستى بالقىما قابىرشاق جاپقان. بۇل مەتەوريتتەن جاڭا مينەرال ”تسەري - ماگني چاڭ – ى تاسى“ بايقالعان، حالىقارالىق مينەرالوگيا قوعامىنىڭ باعالاۋ - تەكسەرۋى جانە داۋىس بەرۋى ارقىلى بەكىتىلىپ، ادامزات ايدان بايقاعان 11 - ءتۇرلى جاڭا مينەرال، اي مەتەوريتىنەن تابىلعان 3 - ءتۇرلى جاڭا مينەرال بولدى.

بۇل مەتەوريت ايداعى كەمىندە ەكى رەتكى ماڭىزدى گەولوگيالىق وقيعانى ەستەلىككە العان: 3 ميلليارد 920 ميلليون جىلدىڭ الدىنداعى اتاقتى جاڭبىر تەڭىزى ويپاتى سوعىلۋ وقيعاسى، بۇل سوعىلۋ اي بەتىن قايتا قالىپتاستىرعان؛ 3 ميلليارد 490 ميلليون جىلدىڭ الدىنداعى اسا تومەن تيتاندى بازاليت بالقىماسى ارەكەتى، جانار تاۋدىڭ مۇنداي ەرەكشە اتىلۋى سول كەزدە ايدىڭ ىشكى بولىگىنىڭ ءالى دە ىستىق ەكەنىن، جانار تاۋ قيمىلىنىڭ ءجيى بولعانىن دالەلدەيدى.

كەلۋ قاينارى: حالىق تورابى