بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.04.28 16:37 كەلۋ قاينارى : حالىق تورابى
«حالىق گازەتى»، 4 - ايدىڭ 27 - كۇنى، بەيجيڭ (ءتىلشى ليۋ جىچياڭ). مەملەكەتتىك ساناق مەكەمەسى 4 - ايدىڭ 27 - كۇنى جاريالاعان ساندى مالىمەتتە كورسەتىلۋىنشە، بيىل 1 - توقساندا بۇكىل ەلدەگى كولەمدەنگەن ونەركاسىپ كاسىپورىندارىنىڭ جالپى پايدا سوماسى ءبىر تريلليون 696 ميلليارد 40 ميلليون يۋان بولىپ، سايكەس مەزگىلدەگىدەن %15.5 ارتقان. 3 - ايدا بۇكىل ەلدەگى كولەمدەنگەن ونەركاسىپ كاسىپورىندارىنىڭ پايداسى سايكەس مەزگىلدەگىدەن %15.8 ارتقان. جالپى جاقتان قاراعاندا، ونەركاسىپ ەكونوميكاسى ورنىقتى جوعارىلاپ، ونەركاسىپ كاسىپورىندارىنىڭ ونىمدىلىك جاعدايىندا ۇزدىكسىز جاقسارۋ جاعدايى جارىققا شىققان.
جابدىق جاساۋ كاسىبىنىڭ تىرەكتىك رولى كورنەكتى بولدى. 1 - توقساندا كولەمدەنگەن جابدىق جاساۋ كاسىبىنىڭ پايداسى سايكەس مەزگىلدەگىدەن %21.0 ارتىپ، كولەمدەنگەن بارلىق ونەركاسىپ كاسىپورىندارىنىڭ پايداسىنىڭ 6.8 پايىز ارتۋىن جەبەدى؛ كاسىپ سالاسىنان قاراعاندا، 1 - توقساندا ەلەكترون كاسىبى ءوندىرىس ءبىرشاما جاقسى بولۋ، باعا جوعارىلاۋ سياقتى فاكتورلاردىڭ جەبەۋىندە كاسىپ سالاسىنىڭ پايداسى سايكەس مەزگىلدەگىدەن %124.5 ارتىپ، جابدىق جاساۋ كاسىبىنىڭ پايداسىنىڭ تەز ارتۋىنا تىرەك بولاتىن نەگىزگى كۇش بولدى؛ تەمىر جول، كەمە، اۆياتسيا، عارىش كاسىبىنىڭ پايداسى سايكەس مەزگىلدەگىدەن %16.7 ارتتى.
جوعارى تەحنيكالىق جاساۋ كاسىبىنىڭ پايداسى تەز ارتتى. 1 - توقساندا كولەمدەنگەن جوعارى تەحنيكالىق جاساۋ كاسىبىنىڭ پايداسى سايكەس مەزگىلدەگىدەن %47.4 ارتىپ، كولەمدەنگەن بارلىق ونەركاسىپ كاسىپورىندارىنىڭ پايداسىنىڭ 7.9 پايىز ارتۋىن جەبەدى. كاسىپ سالاسىنان قاراعاندا، جاساندى زەردە، جارتىلاي وتكىزگىشكە قاتىستى كاسىپتەر جەدەل دامىپ، وپتيكالىق تالشىق جاساۋ، فوتو ەلەكتروندىق بولشەكتەردى جاساۋ، كورسەتكىش بولشەكتەردى جاساۋ كاسىبىنىڭ پايداسى سايكەس مەزگىلدەگىدەن جەكە - جەكە %336.8، %43.0، %36.3 ارتتى؛ زەردەلىلەنگەن ونىمدەردىڭ سۇرانىسى ارتىپ، زەردەلى ۇشقىشسىز ۇشۋ جابدىقتارىن جاساۋ، باسقا دا زەردەلى تۇتىنۋ جابدىقتارىن جاساۋ كاسىبىنىڭ پايداسى سايكەس مەزگىلدەگىدەن جەكە - جەكە %53.8 ، %67.3 ارتتى؛ جاسىل جاساۋ كاسىبىنىڭ ونىمدىلىگى جاقسارىپ، قورشاعان ورتانى باقىلاۋ - ولشەۋ ارناۋلى اسپاپ - جابدىقتارىن جاساۋ، ليتي يونى باتەرياسىن جاساۋ كاسىبىنىڭ پايداسى سايكەس مەزگىلدەگىدەن جەكە - جەكە %100.0، %25.0 ارتتى.
كەلۋ قاينارى: حالىق تورابى
