قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى

شينحۋا اگەنتتىگى، 4 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 28 - كۇنى ءماجىلىس اشىپ، قازىرگى ەكونوميكالىق جاعدايعا جانە ەكونوميكالىق قىزمەتكە تالداۋ جاسادى جانە ونى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكالىق قىزمەتكە جاپپاي باسشىلىقتى كۇشەيتىپ، جالپى جاعدايدى كوزدە ۇستاپ، الدىن الا ورنالاستىرۋ جاسادى، جەر - جەر، تاراۋلار الدىن الا كۇش سالىپ، كەشەندى شارا قولداندى، ەلىمىز ەكونوميكاسىنىڭ قادامى پارمەندى بولدى، باستى كورسەتكىشتەر مەجەدەگىدەن جاقسى بولىپ، مىعىم سەرپىمدىلىك پەن ومىرشەڭدىك كۇشتى ايگىلەدى. سونىمەن بىرگە، كەيبىر قيىنشىلىقتار مەن سىن - سايىسقا دا ءدوپ كەلىپ وتىرمىز، ەكونوميكانىڭ ورنىقتىلىق بارىسىندا جاقسارۋ نەگىزىن ءالى دە ونان ارى بەكەمدەۋگە تۋرا كەلەدى. سەنىمدى كۇشەيتىپ، اناعۇرلىم زور سەرپىن جانە اناعۇرلىم ناقتى شارالار ارقىلى ەكونوميكالىق قىزمەتتى ويداعىداي يگەرۋ كەرەك.

ءماجىلىس مىنالاردى اتاپ كورسەتتى: ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ەل ءىشى جانە حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، رەفورما جاساپ، ەسىك اشۋدى تاباندىلىقپەن تەرەڭدەتىپ، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى، كاسىپ سالاسى تىزبەگىنىڭ دەربەس مەڭگەرىلۋىن ىلگەرىلەتىپ، اناعۇرلىم بەلسەندى قازىنا ساياساتى مەن لايىقتى كەڭ اقشا ساياساتىن دالمە - ءدال، ءونىمدى اتقارىپ، ىشكى سۇرانىمدى ۇزدىكسىز كەڭەيتىپ، قامداۋدى ساپالىلاندىرىپ، ارتۋ مولشەرىن ساپالىلاندىرىپ، قوردى جانداندىرىپ، جۇمىستانۋدى، كاسىپورىندى، بازاردى، مەجەنى كۇش سالا ورنىقتىرىپ، ەكونوميكالىق دامۋدىڭ ىشكى قوزعاۋشى كۇشىن ارتتىرىپ، ەل ىشىندەگى ۇلكەن اينالىمدى ونان ارى كۇشەيتىپ، ەل ءىشى مەن حالىقارا سىندى قوس اينالىمدى ساپالىلاندىرىپ، ”15 - بەسجىلدىقتىڭ“ تاماشا باستاماسىن قۇلشىنا جۇزەگە اسىرۋ كەرەك.

ءماجىلىس بىلاي دەپ باسا دارىپتەدى: ماكرولىق ساياساتتان ويداعىداي، تولىق پايدالانۋ كەرەك. قازىنالىق شىعىس قۇرىلىمىن ۇزدىكسىز ساپالىلاندىرىپ، نەگىزگى ساتىنىڭ ”ءۇشتى قامتاماسىزداندىرۋ“ تومەنگى شەگىن مىقتى يگەرۋ كەرەك. اقشا ساياساتىنىڭ بولجامپازدىعىن، يكەمدىلىگىن، باعىتتامالىلىعىن كۇشەيتىپ، اينالىمنىڭ جەتكىلىكتى بولۋىن ساقتاۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. ماكرولىق ساياسات بەتالىسىنىڭ بىردەيلىگىن باعالاۋدى ويداعىداي ىستەۋ كەرەك.

ءماجىلىس بىلاي دەپ اتاپ كورسەتتى: ىشكى سۇرانىستىڭ كومەسكى كۇشىن ىشكەرىلەي اشۋ كەرەك. ساپالى تاۋارلارمەن جانە قىزمەت وتەۋمەن قامداۋدى كەڭەيتىپ، تۇتىنۋدىڭ دارەجەسىن جوعارىلاتۋدى ىلگەرىلەتۋ كەرەك. قىزمەت وتەۋ كاسىبىنىڭ قۋاتىن ارتتىرىپ، ساپاسىن جوعارىلاتۋ ارەكەتىن ىشكەرىلەي اتقارۋ كەرەك. سۋ تورابى، جاڭاشا ەلەكتر تورابى، ەسەپتەۋ تورابى، جاڭا بۋىن حابارلاسۋ تورابى، قالانىڭ جەر استى قۇبىر تورابى، زات اينالىمى تورابى سياقتىلاردى جوبالاۋ قۇرىلىسىن كۇشەيتۋ كەرەك. شارت - جاعدايى پىسىپ - جەتىلگەن كەلەلى ينجەنەريا نىساندارىندا جۇمىس باستاۋدى ىلگەرىلەتۋ كەرەك.

ءماجىلىس بىلاي دەپ باسا دارىپتەدى: وسىزاماندانعان كاسىپ سالاسى جۇيەسىن جەدەل ورناتىپ، جاساۋ كاسىبىنىڭ ۇيلەسىمدى سالىستىرماسىن ساقتاۋ كەرەك. بۇكىل ەل بويىنشا بىرلىككە كەلگەن ءىرى بازار قۇرىلىسىن ىشكەرىلەي ىلگەرىلەتىپ، ”قارا تالاسۋ تۇرىندەگى“ باسەكەنى ىشكەرىلەي جونگە سالۋ كەرەك. ”جاساندى زەردە +“ ارەكەتىن جاپپاي اتقارىپ، زەردەلى ەكونوميكانىڭ جاڭا فورماتسياسىن دامىتىپ، جاساندى زەردەنى جونگە سالۋدى كەمەلدەندىرۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن ونان ارى تەرەڭدەتۋ كەرەك. سىرتقى سوققىنىڭ سىن - سايىسىنا جۇيەلى توتەپ بەرىپ، ەنەرگيا بايلىعى حاۋىپسىزدىگىن قامتاماسىز ەتۋ دەڭگەيىن جوعارىلاتىپ، جوعارى ساپالى دامۋدىڭ تۇراقتىلىعى ارقىلى ءتۇرلى تۇراقسىزدىققا توتەپ بەرۋ كەرەك.

ءماجىلىس بىلاي دەپ اتاپ كورسەتتى: ءتۇيىندى سالالارداعى حاۋىپ - قاتەردەن ءونىمدى ساقتانۋ جانە ونى جويۋ كەرەك. ءۇي - جاي بازارىن كۇش سالا ورنىقتىرىپ، قالانىڭ جاڭالانۋىن تىڭعىلىقتى ىلگەرىلەتۋ كەرەك. جەرگىلىكتى ۇكىمەتتەردىڭ قارىز حاۋىپ - قاتەرىن تارتىپپەن شەشىپ، كاسىپورىنداردىڭ قارىز اقشاسىن كەشەۋىلدەتۋ ماسەلەسىن كۇش سالا شەشۋ كەرەك. ورتاشا، شاعىن فينانس قۇرىلىمدارى رەفورماسىن ىلگەرىلەتىپ، كاپيتال بازارىنىڭ سەنىمىن ورنىقتىرۋ جانە كۇشەيتۋ كەرەك.

ءماجىلىس بىلاي دەپ باسا دارىپتەدى: جۇمىستاندىرۋدى الدىمەن ويلاستىرۋ ساياساتىنىڭ بەتالىسىن كۇشەيتىپ، وقۋ - اعارتۋ، ەمدەۋ، اماناتتاپ تاربيەلەۋ سياقتى حالىق تۇرمىسى قۇرىلىسىن كۇشەيتۋ كەرەك. اۋىل شارۋاشىلىق ءوندىرىسىن مىقتى يگەرىپ، شوشقا سياقتى اۋىل شارۋاشىلىق ونىمدەرىنىڭ باعاسىن ورنىقتىرۋ كەرەك. ۇدايىلانعان سۇيەمەلدەۋ مەحانيزمىن كەمەلدەندىرىپ، كولەمدەنگەن قايتا كەدەيلەسۋدەن، كەدەيلەسۋدەن ساقتانۋعا كەپىلدىك ەتۋ كەرەك. ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، ازىق - تۇلىك، ءدارى - دارمەك حاۋىپسىزدىگى سياقتى قىزمەتتەردى ويداعىداي ىستەۋ كەرەك. دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ىشكەرىلەي ورىستەتىپ، ۇيرەنۋ تاربيەسىنىڭ ونىمدىلىگىن جوعارى ساپالى دامۋدى ىلگەرىلەتۋدىڭ ناقتى ونىمدىلىگىنە اينالدىرۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى