«شي جينپيڭ ەل باسقارۋ جونىندەنىڭ» 5 - تومىنىڭ اعىلشىن تىلىندەگى باسىلىمىن يندونەزيادا تانىستىرۋ ءماجىلىسى جاكارتادا وتكىزىلدى

«حالىق گازەتى»، 4 - ايدىڭ 28 - كۇنى، جاكارتا (ءتىلشى ساۋ شىيۇن). «شي جينپيڭ ەل باسقارۋ جونىندەنىڭ» 5 - تومىنىڭ اعىلشىنشا باسىلىمىن جۇڭگو - يندونەزيادا تانىستىرۋ ءماجىلىسى 4 - ايدىڭ 28 - كۇنى يندونەزيانىڭ جاكارتا قالاسىندا وتكىزىلدى.

ماجىلىسكە قاتىناسقان سيلى قوناقتار بىلاي دەپ قارادى: «شي جينپيڭ ەل باسقارۋ جونىندەنىڭ» 5 - تومى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا دامۋ جەتىستىكتەرىن جان - جاقتى، جۇيەلى بەينەلەدى، بۇل _ حالىقارالىق قوعامنىڭ زامانىمىزداعى جۇڭگونى تانۋداعى جانە تۇسىنۋدەگى بەدەلدى كىتابى. قازىر جۇڭگو ”15 - بەسجىلدىق“ جوبانىڭ جاڭا ساپارىن باستادى، يندونەزيا دا ”التىن يندونەزيا 2045“ نىساناسىنا قاراي نىق قادام تاستاۋدا، ەكى ەلدىڭ ستراتەگيالىق ۇشتاسۋدى قول ۇستاسا ىلگەرىلەتىپ، دامۋ سەلبەستىگىن تەرەڭدەتۋى ەكى ەل حالقىنا ناقتى باقىت اكەلۋمەن بىرگە، دۇنيە ءجۇزىنىڭ وڭتۇستىگىندەگى كۇشتەردى زورايتۋعا، دۇنيە ءجۇزىن جونگە سالۋ جۇيەسىن كەمەلدەندىرۋگە پارمەندى قوزعاۋشى كۇش قوسادى.

يندونەزيا حالىق كەڭەسىنىڭ ءتوراعاسى احماد مۋجاني ارناۋ سوزىندە مىنالاردى ءبىلدىردى: «شي جينپيڭ ەل باسقارۋ جونىندە» يندونەزيانىڭ سىرتقى ىستەر سالاسىن، عىلىم سالاسىن جانە ساياسات بەلگىلەۋشىلەرىن باعالى ۇلگىمەن قامدادى، وسى رەتكى جاڭا كىتاپتى تانىستىرۋ قيمىلى جۇڭگو مەن يندونەزيانىڭ يدەيالىق اۋىس - كۇيىستى تەرەڭدەتۋىنە ماڭىزدى تۇعىر ازىرلەدى. يندونەزيا ۇكىمەتىنىڭ ءتىپتى دە كوپ ءمانساپتىلارىنىڭ، وقىمىستىلارىنىڭ جانە جاستار قاۋىمىنىڭ وسى ماڭىزدى كىتاپتى وقىپ، جۇڭگونىڭ دامۋ جولى مەن جونگە سالۋ ۇستانىمى جونىندەگى تۇسىنىگىن تەرەڭدەتىپ، دۇنيە ءجۇزى مەن ادامزاتتىڭ بولاشاق دامۋى جونىندەگى تانىمىن كەڭەيتۋىن ءۇمىت ەتەمىن.

يندونەزيا حالىق سانى جىلجىمالى ءبولىمىنىڭ باستىعى مۇحاممەد يفتيتاح سۇلەيمەن مىنالاردى ءبىلدىردى: جۇڭگودا ساپاردا بولعان كەزىمدە، مەن جۇڭگونىڭ حالىقتى وزەك ەتكەن دامۋ يدەياسى ارقىلى كەدەيلىكتى جويۋدى ىلگەرىلەتكەندىگىنە كۋا بولدىم. جۇڭگونىڭ كەدەيلەردى ازايتۋ جاعىنان جونگە سالۋ، اۋىل - قىستاق قۇرىلىسى، وڭىرلىك سايكەستى دامۋ سياقتى سالالارداعى كەلەلى ۇستانىمى مەن جاڭالىق اشۋ امالياتى يندونەزيانىڭ حالىق سانىن كوشىرۋدى، ورنالاستىرۋدى تارتىپپەن ىلگەرىلەتۋىنە، شىعىس بولەكتەگى رايونداردى اشۋ قۇرىلىسىن جەدەلدەتۋىنە ۇلگى الۋعا بولاتىن جۇيەلى جوبا ازىرلەدى.

يندونەزيا دۇنيە جۇزىلىك دامۋدى زەرتتەۋ ورتالىعىنىڭ مەڭگەرۋشىسى ۆەرونيكا سالاسۆاتي مىنالاردى ءبىلدىردى: بۇگىنگى دۇنيە ءجۇزى تەرەڭ وزگەرىس پەن اۋمالى - توكپەلى رەتتەلۋدى باستان كەشىرۋدە، ءار ەل ەسىك اشۋ، سەلبەستىك جاساۋ ارقىلى بىرگە دامۋدى جۇزەگە اسىرۋدى بۇرىنعى ءارقانداي كەزدەگىدەن دە قاجەت ەتەدى. يندونەزيانىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا بەلسەنە ات سالىسىپ، دوستىق سەلبەستىكتى ۇزدىكسىز تەرەڭدەتىپ، دامۋ ورايىنان بىرگە يگىلىكتەنۋى _ ءداۋىر اۋقىمىنا سايكەسۋدىڭ دۇرىس تالعامى.

قيمىل بارىسىندا جۇڭگو جاق يندونەزيالىق سيلى قوناقتارعا «شي جينپيڭ ەل باسقارۋ جونىندەنىڭ» 5 - تومىنىڭ اعىلشىنشا باسىلىمىن ۇسىندى. ماجىلىسكە قاتىناسقان مامان - وقىمىستىلار نازاردى ”15 - بەسجىلدىقتاعى“ دامۋ ورايى، بىرگە وسىزاماندانۋ، كەدەيلىكتى ازايتۋ تاجىريبەسى سياقتى كەڭەستىك تاقىرىپتارعا شوعىرلاندىرىپ، اۋىس - كۇيىس جاساپ، پىكىرلەستى. يندونەزيا قىستاق كادرلارىنىڭ جۇڭگوعا بارىپ ءبىلىم تولىقتاۋ كلاسىنىڭ ۋاكىلدەرى جۇڭگودا ۇيرەنۋ، اۋىس - كۇيىس جاساۋ تابىستارىمەن ءبولىستى، سونداي - اق ەلگە قايتقاننان كەيىن قاتىستى تاجىريبەلەردى ءوز ەلىنىڭ قىستاقتارىن جونگە سالۋدا قولدانۋ امالياتتىق جاعدايىن تانىستىردى.

بۇل رەتكى قيمىلدى جۇڭگو مەملەكەتتىك كەڭەسىنىڭ اقپارات كەڭسەسى، يندونەزيا حالىق سانى جىلجىمالى ءبولىمى، جۇڭگو شەتەل تىلدەرى مەكەمەسى جانە جۇڭگونىڭ يندونەزيادا تۇراتىن باس ەلشىحاناسى بىرگە وتكىزدى. جۇڭگو مەن يندونەزيانىڭ سيلى قوناقتارى، سونداي - اق باسپا ءسوز، اقىل - پاراسات قويماسى، اقپارات قۇرالدارى سياقتى ءار سالا ۋاكىلدەرىنەن 200 دەي ادام قيمىلعا قاتىناستى.

كەلۋ قاينارى: حالىق تورابى