بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.04.29 16:54 كەلۋ قاينارى : حالىق تورابى
«حالىق گازەتى»، 4 - ايدىڭ 28 - كۇنى، بەيجيڭ (ءتىلشى چيۋ چاۋ - ي). ءتىلشىنىڭ 4 - ايدىڭ 28 - كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، بيىل 1 - توقساندا بۇكىل ەل بويىنشا قالا - قالاشىقتاردا جاڭادان 2 ميلليون 990 مىڭ ادام جۇمىستانىپ، جۇمىستانۋ جاعدايى جالپى جاقتان ورنىقتى بولعان.
جۇمىستانۋ ساياساتى جاعىندا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى تاراۋلارمەن بىرگە «قالا مەن اۋىلدىڭ جۇمىستانۋ ساياساتى جۇيەسىن ءبىر تۇتاس جوسپارلاۋ جونىندەگى پىكىردى» باسىپ تاراتتى. كاسىپورىندارعا تيىمدىلىك جاساۋ، حالىققا پايدا جەتكىزۋ ساياساتىن تياناقتاندىرۋ تەبىنى ارتتىرىلىپ، جۇمىسسىزدىقتى قامسىزداندىرۋدا جۇمىس ورنىن ورنىقتىرۋ بويىنشا 3 ميلليارد 100 ميلليون يۋان قايتارىلدى، ءبىر جولدا 500 ميلليون يۋان جۇمىس ورنىن كەڭەيتۋ كومەك قاراجاتى، 800 ميلليون يۋان تەحنيكالىق قابىلەتتى جوعارىلاتۋ قوسىمشا قاراجاتى تاراتىلدى.
ءتۇيىندى قاۋىم جاعىندا، كوكتەم سامالى قيمىلى جانە جۇمىستانۋعا كومەكتەسۋ ماۋسىمى قيمىلى ورىستەتىلىپ، 59 مىڭ مايدان قىزمەتكەر قابىلداۋ جينالىسى وتكىزىلىپ، 36 ميلليون جۇمىس ورنى جاريالاندى. ”شارۋا جۇمىسكەرلەرگە كوكتەمدە مەيىر باعىشتاۋ“ قىزمەت وتەۋ قيمىلى ورىستەتىلىپ، شارۋا جۇمىسكەرلەردەن ءبىر ميلليونعا جۋىق ادام رەت ”تۇيىننەن تۇيىنگە“ جەتكىزىلدى. جۇمىستانۋعا الەۋمەتتىك قىزمەت وتەۋدى مەكتەپ اۋلاسىنا كىرگىزۋدىڭ 100 كۇندىك ارەكەتى باستالىپ، ءتىپتى دە كوپ جوعارى مەكتەپ بىتىرگەن وقۋشىلاردىڭ ەرتەرەك جۇمىستانۋى جەبەلدى.
ونەرگە باۋلۋ جاعىندا، ”شەبەرلىك بولاشاقتى نۇرلاندىرادى“ اتىنداعى باۋلۋ ارەكەتى ىشكەرىلەي اتقارىلىپ، كەڭ كولەمدى كاسىپتىك شەبەرلىكتى جوعارىلاتۋ باۋلۋ ارەكەتىنىڭ ساياساتتىق شارالارى زەرتتەپ بەلگىلەنىپ، جاساندى زەردە، تومەن كەڭىستىك ەكونوميكاسى، جاڭا ەنەرگيالى اۆتوموبيل، كۇتىنۋگە قىزمەت وتەۋ سياقتى سالالارداعى ساپالى باۋلۋ بايلىعىمەن قامداۋ كۇشەيتىلدى.
كەلۋ قاينارى: حالىق تورابى
