شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى

5 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن رەسەيدىڭ زۇڭتۇڭى پۋتينمەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

5 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن رەسەيدىڭ زۇڭتۇڭى پۋتينمەن كەڭەس وتكىزدى. كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا پۋتيندى قارسى الۋ سالتىن وتكىزدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 5 - ايدىڭ 20 - كۇنى، بەيجيڭ (ءتىلشى ياڭ چياۋچۋ). 5 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن رەسەيدىڭ زۇڭتۇڭى پۋتينمەن كەڭەس وتكىزدى.

ەكى ەل مەملەكەت باسشىلارى «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنىڭ» ۋاقىتىن ۇزارتۋعا ءبىر اۋىزدان قوسىلدى.

ەكى ەل مەملەكەت باسشىلارى ىلگەرىندى - كەيىندى شاعىن، كەڭ كولەمدى كەڭەس وتكىزدى.

شي جينپيڭ بىلاي دەپ اتاپ كورسەتتى: بيىل _ جۇڭگو مەن رەسەيدىڭ ستراتەگيالىق سەلبەستىك سەرىكتەستىك قارىم - قاتىناس ورناتقاندىعىنىڭ 30 جىلدىعى جانە «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 25 جىلدىعى. جۇڭگو مەن رەسەي تاتۋ كورشىلىك، دوستىق سەلبەستىك شارتىنا قول قويىپ، ۇزاق ۋاقىتتىق تاتۋ كورشىلىك، دوستىق، جالپى بەتتىك ستراتەگيالىق سەلبەستىك ءتۇزىمىنىڭ نەگىزىن زاڭ فورماسىمەن ورناتتى، جۇڭگو - رەسەي قارىم - قاتىناسى وسىدان باستاپ قارىشتاپ دامۋدى جۇزەگە اسىرادى. جۇڭگو - رەسەي قارىم - قاتىناسىنىڭ نىق قاداممەن بۇگىنگىدەي بيىككە كوتەرىلۋىندەگى سەبەپ − ەكى جاقتىڭ ”سان قيلى قيىندىقتاردان تايسالماۋ“ قايسارلىعىمەن ساياسي ءوزارا سەنىمدىلىكتى جانە ستراتەگيالىق ىستەستىكتى ۇزدىكسىز تەرەڭدەتىپ، ”ونان ارى بيىككە كوتەرىلۋ“ رۋحىمەن ءار سالاداعى سەلبەستىكتى كەڭەيتىپ، ”قانشالىق قيان - كەسكى بولسا دا، باستان - اياق سابىرلىلىقتان جازبايتىن“ باتىلدىقپەن حالىقارالىق ادىلدىكتى، تۋراشىلدىقتى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىندە.

قازىرگى حالىقارالىق جاعدايدا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى جانە دۇنيە جۇزىندەگى ماڭىزدى ءىرى ەل رەتىندە جۇڭگو مەن رەسەي ستراتەگيالىق ۇزاق بولاشاقتى كوزدە ۇستاپ، اناعۇرلىم جوعارى ساپالى جان - جاقتى ستراتەگيالىق سەلبەستىك ارقىلى ءوز ەلدەرىنىڭ دامۋىنا، گۇلدەنۋىنە دەم بەرىپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن قۇرۋدى ىلگەرىلەتۋى كەرەك.

شي جينپيڭ بىلاي دەپ اتاپ كورسەتتى: جۇڭگو مەن رەسەي تەڭ تۇرعىدا مامىلە جاساۋ، ءوزارا قۇرمەت ەتۋ، سەنىمگە ءمان بەرىپ، ادىلەتتىلىكتى ساقتاۋ، سەلبەسىپ تەڭ يگىلىككە كەنەلۋ نەگىزىندە جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناستى دامىتۋعا تاباندى بولىپ، ساياسي ءوزارا سەنىمدىلىكتى ۇزدىكسىز تەرەڭدەتىپ، ەكونوميكا - ساۋدا، قارجى قوسۋ، ەنەرگيا، عىلىم - تەحنيكا، گۋمانيتارلىق، جەرگىلىكتى ورىندار سياقتى جاقتارداعى سەلبەستىكتى ۇزدىكسىز ىلگەرىلەتىپ، حالىق تىلەگىنىڭ توعىسۋىن اناعۇرلىم بەكەمدەدى. جۇڭگو - رەسەي قارىم - قاتىناسى اناعۇرلىم ىسكەر، اناعۇرلىم تەز داميتىن جاڭا كەزەڭگە ءوتتى. جۇڭگو - رەسەي قارىم - قاتىناسىنىڭ ۇزاق ۋاقىت، اقاۋسىز، ورنىقتى، جوعارى ساپالى دامۋىن بۇلجىماي ىلگەرىلەتۋ _ ەكى جاقتىڭ ەكى ەلدىڭ ءتۇبىرلى مۇددەسى مەن دۇنيە ءجۇزىنىڭ دامۋ اۋقىمىن كوزدەي وتىرىپ جاساعان ستراتەگيالىق تالعامى. ەكى ەلدىڭ ءارقايسى تاراۋلارى پۋتين زۇڭتۇڭ ەكەۋىمىز كەلىسكەن ماڭىزدى ورتاق تانىمدى بار كۇشپەن ويداعىداي تياناقتاندىرىپ، تاريحي ورايدى تولىق يگەرىپ، ەكى ەلدىڭ ءوزارا سەنىم نەگىزىن بارعان سايىن بەكەمدەۋدى، سەلبەستىك ساپاسىنىڭ بارعان سايىن كەمەلدەنۋىن، دوستىق جولىنىڭ بارعان سايىن كەڭەيۋىن ىلگەرىلەتۋى كەرەك.

شي جينپيڭ بىلاي دەپ باسا دارىپتەدى: ەكى جاق نازاردى ەكى ەلدىڭ دامۋ، گۇلدەنۋ نىساناسىنا شوعىرلاندىرىپ، جۇڭگو مەن رەسەيدىڭ سەلبەستىك مەحانيزمىنىڭ جان - جاقتى، كەمەلدى ەرەكشەلىگىن تولىق ساۋلەلەندىرىپ، جان - جاقتى سەلبەستىكتى ءبىر تۇتاس جوبالاۋدى كۇشەيتىپ، ەكونوميكا - ساۋدا، قارجى قوسۋ، ەنەرگيا بايلىعى، قاتىناس - تاسىمال، عىلىم - تەحنيكادا جاڭالىق اشۋ سياقتى ناقتى سەلبەستىكتەردىڭ ساپاسىن، دارەجەسىن جوعارىلاتۋدى ىلگەرىلەتىپ، الدىڭعى لەك سالالارداعى سەلبەستىكتەردى بەلسەنە ورنالاستىرىپ، جاڭاشا وندىرگىش كۇشتەر ارقىلى ارتۋدىڭ جاڭا قوزعالتقىشىن قالىپتاستىرۋى؛ دوستىقتى جالعاستىرۋدى تياناق ەتىپ، وقۋ - اعارتۋ، مادەنيەت، كينو، ساياحات، دەنە تاربيە سياقتى گۋمانيتارلىق اۋىس - كۇيىستى، سەلبەستىكتى كۇشەيتىپ، ەكى ەل دوستىعىنىڭ قوعامدىق حالىق رايى نەگىزىن بەكەمدەۋى؛ كوپ جاقتى سەلبەستىكتى تەرەڭدەتىپ، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى تۇعىرلاردا سايكەسۋ مەن سەلبەسۋدى ونان ارى جيىلەتىپ، سوعىستان كەيىنگى حالىقارالىق ءتارتىپ پەن حالىقارالىق زاڭنىڭ بەدەلىن بۇلجىماي قورعاپ، دۇنيە ءجۇزىنىڭ وڭتۇستىگىن ىنتىماقتاستىرىپ، دۇنيە جۇزىلىك جونگە سالۋ جۇيەسى رەفورماسىنىڭ دۇرىس بەتالىسىنا جەتەكشىلىك ەتۋى كەرەك.

پۋتين مىنالاردى ءبىلدىردى: ەكى جاقتىڭ بىرگە قۇلشىنۋىندا، رەسەي - جۇڭگو قارىم - قاتىناسى بۇرىن بولماعان جوعارى ورەگە جەتتى.

جوعارى جىكتەگىلەردىڭ بارىس - كەلىسى جيىلەپ، ساياسي سەنىمدىلىگى بەكەمدەلدى. ەكى جاقتى ساۋدا ورنىقتى ارتىپ، ەنەرگيا قامداۋ - قاجەتسىنۋى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىردى، قاتىناس، زات اينالىمى، عىلىم - تەحنيكا سياقتى سالالارداعى سەلبەستىك كۇن سايىن تەرەڭدەدى. گۋمانيتارلىق اۋىس - كۇيىس تاماشا بولىپ، ”رەسەي - جۇڭگو مادەنيەت جىلىن“ ءساتتى وتكىزگەننەن كەيىن، ”رەسەي - جۇڭگو وقۋ - اعارتۋ جىلى“ باستالۋ الدىندا تۇر.

رەسەي - جۇڭگو قارىم - قاتىناسى سىننان ءوتىپ، ۋاقىت وتكەن سايىن بەكەمدەلىپ، جان - جاقتى ستراتەگيالىق سەلبەستىكتىڭ ۇلگىسىنە اينالدى. بەرەكەلى كورشىلىك، دوستىق، سەلبەستىك كەلىسىمناماسى ەكى ەل قارىم - قاتىناسنا مىعىم زاڭدىق نەگىز قالادى، قازىرگى اۋقىمدا ءتىپتى دە ماڭىزدى رەال ماڭىزعا يە. رەسەي جاق جۇڭگو جاقپەن بىرگە شارتتىڭ رۋحىنا بويسۇنىپ، ستراتەگيالىق سايكەسۋ مەن ناقتى سەلبەستىكتى كۇشەيتىپ، ەكى ەل قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى. رەسەي مەن جۇڭگونىڭ سەلبەستىگى _ اۋمالى - توكپەلى حالىقارالىق جاعدايداعى ماڭىزدى ورنىقتىلىق فاكتورى. رەسەي جاق جۇڭگو جاقپەن كوپ جاقتى سەلبەستىكتى ۇزدىكسىز كۇشەيتىپ، جۇڭگونىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن ويداعىداي وتكىزۋىن قولداپ، شاڭحاي سەلبەستىك ۇيىمىنىڭ ورنى مەن ىقپالىن بىرگە كۇشەيتىپ، بريكس ەلدەرى مەحانيزمىنىڭ ىنتىماعى مەن سەلبەستىگىن كۇشەيتىپ، بىرلەسكەن مەملەكەتتەر ۇيىمىنىڭ بەدەلىن قورعاپ، وركەنيەتتىڭ الۋان تۇرلىلىگىن دارىپتەپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بولۋىن ىلگەرىلەتۋدى قالايدى.

ەكى ەل مەملەكەت باسشىلارى ورتا شىعىس جاعدايى سياقتى كەلەلى حالىقارالىق جانە وڭىرلىك ماسەلەلەر جونىندە پىكىر اۋىستىردى.

ەكى ەل مەملەكەت باسشىلارى جۇڭگو - رەسەي زۇڭليلەرىنىڭ مەرزىمدى كەزدەسۋ مەحانيزمى جۇلگەسىندەگى ورىنباسار زۇڭلي دارەجەلى سەلبەستىك كوميتەتى ەكى جاق ءتوراعالارىنىڭ قارجى قوسۋ، ەنەرگيا، ەكونوميكا - ساۋدا، شىعىس سولتۇستىك - قيىر شىعىس، گۋمانيتارلىق سياقتى سالالارداعى سەلبەستىكتىڭ اياق الىسى جونىندەگى مالىمەتىن تىڭدادى. ەكى ەلدىڭ سىرتقى ىستەر مينيسترلەرى جۇڭگو مەن رەسەيدىڭ حالىقارالىق جانە وڭىرلىك ىستەردە سايكەسۋ، سەلبەسۋ جاعدايىنان مالىمەت بەردى.

كەڭەستەن كەيىن ەكى ەل مەملەكەت باسشىلارى «جۇڭحۋا حالىق رەسپۋبليكاسى مەن رەسەي فەدەراتسياسىنىڭ جان - جاقتى ستراتەگيالىق ىستەستىكتى ونان ارى كۇشەيتۋ، تاتۋ كورشىلىك دوستىق سەلبەستىكتى تەرەڭدەتۋ جونىندەگى بىرلەسكەن مالىمدەمەسىنە» قول قويىپ جانە ونى جاريالاپ، ەكونوميكا - ساۋدا، وقۋ - اعارتۋ، عىلىم - تەحنيكا سياقتى سالالارداعى 20 سەلبەستىك قۇجاتىنا قول قويۋعا كۋا بولدى.

ساپار كەزىندە ەكى جاق «جۇڭحۋا حالىق رەسپۋبليكاسى مەن رەسەي فەدەراتسياسىنىڭ دۇنيە ءجۇزىنىڭ كوپ ۇيەكتەنۋى مەن جاڭاشا حالىقارالىق قارىم - قاتىناستى دارىپتەۋ جونىندەگى بىرلەسكەن مالىمدەمەسىن» جاريالادى ءارى باسقا سالالارداعى 20 ءتۇرلى سەلبەستىك قۇجاتىنا كەلىستى.

ەكى ەل مەملەكەت باسشىلارى سونداي - اق تىلشىلەرمەن بىرگە كەزدەستى.

كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا پۋتيندى قارسى الۋ سالتىن وتكىزدى.

پۋتين كەلگەندە قۇرمەت قاراۋىلى ساپ تۇزەپ قۇرمەت ءبىلدىردى.

ەكى ەل مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن رەسەيدىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. پۋتين شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى كەشتە شي جينپيڭ حالىق سارايىنىڭ التىن ءتۇستى زالىندا پۋتينگە ارناپ قارسى الۋ قوناعاسىن بەردى.

ساي چي، ديڭ شۋەشياڭ، ۋاڭ ي، حى ليفىڭ، جاڭ گوچيڭ، چىن ي - چين قاتارلىلار جوعارىداعى قيمىلدارعا قاتىناستى.