جۇڭگو اۋرۋدان ساقتانۋ جانە ونى تىزگىندەۋ ورتالىعى ەبولا ۆيرۋسى ىندەتىنەن ساقتانۋ - تىزگىندەۋ جونىندە ەسكەرتۋ جاريالادى

2026 - جىلى 5 - ايدىڭ 17 - كۇنى، دۇنيە جۇزىلىك دەنساۋلىق ساقتاۋ ۇيىمى كونگو (كينشاسا) مەن ۋگاندانىڭ بۋنديبۋگيو رايونىندا تارالعان ەبولا ۆيرۋسى ىندەتىن ”الەۋمەتتىك دەنساۋلىق ساقتاۋ سالاسىنداعى حالىقارا نازار اۋدارعان تۇتقيىل وقيعا“ دەپ جاريالادى. جۋىردا، كەدەن باس مەكەمەسى ەبولا ۆيرۋسى ىندەتىنىڭ ەلىمىزگە تارالۋىنان ساقتانۋ جونىندە حابارلاندىرۋ جاريالادى. قاتىستى حاۋىپ - قاتەرلەردى تىزگىندەۋ ءۇشىن، جۇڭگو اۋرۋدان ساقتانۋ جانە ونى تىزگىندەۋ ورتالىعى بىلاي دەپ ەسكەرتتى:

ءبىرىنشى، جۋىردا، كونگو (كينشاسا)، ۋگاندا قاتارلى ىندەت حاۋىپ - قاتەرى تۋىلعان ەلدەر مەن رايونداردان جۇڭگوعا كەلگەن (قايتقان) ادامدار شەكارادان كىرگەن كۇننەن باستاپ، 21 كۇن ءوزىنىڭ دەنساۋلىعىن تەكسەرىپ باقىلاۋى كەرەك. ەگەر قىزۋى ورلەۋ، دارمەنسىزدەنۋ، باس اۋرۋ، جۇتقىنشاق اۋرۋ، قۇسۋ، ءىش ءوتۋ، بەلگىسىز سەبەپتى قاناۋ قاتارلى اۋرۋ بەلگىلەرى بايقالسا، دەر كەزىندە ەمدەلۋى كەرەك. ەمدەلۋدەن بۇرىن، جەرگىلىكتى اۋرۋدان ساقتانۋ جانە ونى تىزگىندەۋ ورتالىعىمەن نەمەسە الەۋمەتتىك اۋماقتاعى دەنساۋلىق ساقتاۋ جاعىندا قىزمەت وتەۋ ورتالىعىمەن تەلەفون ارقىلى بايلانىس جاساپ، كاسىپتىك قىزمەتكەرلەردىڭ جەتەكشىلىگىندە ەمدەلگەنى ءجون؛ ەگەر ءوز بەتىمەن بارىپ ەمدەلگەن جاعدايدا، مۇمكىندىگىنشە الەۋمەتتىك قاتىناس قۇرالدارىنا وتىرماۋى كەرەك، جەكەلىك ساقتانۋ شارالارىن ويداعىداي ىستەپ، باسقالارمەن جاناسۋدان ساقتانعانى ءجون. ەمدەلگەن كەزدە، شيپاگەرگە شەكارا سىرتىندا ساپاردا بولعان جاعدايى، كۇماندى ادامدارمەن جاناسقان – جاناسپاعانى قاتارلى جاعدايلاردى ىرىقتىلىقپەن ايتۋى كەرەك.

ەكىنشى، ءار دارەجەلى، ءار تۇرلى ەمدەۋ - دەنساۋلىق ساقتاۋ قۇرىلىمدارى ناۋقاستاردى قابىلداعاندا، قىزۋ، شارشاۋ، باس اۋرۋ، جۇتقىنشاق اۋرۋ، قۇسۋ، ءىش ءوتۋ، بەلگىسىز سەبەپتى قاناۋ قاتارلى ەبولا ىندەتىنىڭ كۇماندى اۋرۋ بەلگىلەرى بار ادامداردى بايقاسا، شيپاگەرلەر ونىڭ شەكارا سىرتىندا ساپاردا بولعان - بولماعاندىعى، ساپارلاي بارعان جەرى، كۇماندى ادامدارمەن جاناسقان – جاناسپاعانى سىندى جاعدايلاردى ىرىقتىلىقپەن سۇراپ، كونگو (كينشاسا)، ۋگاندا قاتارلى ىندەت حاۋىپ - قاتەرى بار ەلدەردان جانە رايونداردان قايتقان ادامدار، شەتەلدىكتەر بايقالسا، دەر كەزىندە ەمحانانىڭ الەۋمەتتىك دەنساۋلىق ساقتاۋ ءبولىمى مەن قاراستى ورنىنداعى اۋرۋدان ساقتانۋ جانە ونى تىزگىندەۋ ورتالىعىنا مالىمدەۋى كەرەك.

ءۇشىنشى، وسى رەتكى ەبولا ۆيرۋسى ىندەتى تۋىلعان ەلدەر مەن رايونداردا وزگەرىس بولۋى مۇمكىن، دۇنيە جۇزىلىك دەنساۋلىق ساقتاۋ ۇيىمى جاريالاعان قاتىستى ينفورماتسيالارعا نازار اۋدارۋلارىڭىزدى وتىنەمىز. بۇل ساقتانۋ جانە ونى تىزگىندەۋ جونىندەگى ەسكەرتۋ ەبولا ىندەتى جاڭادان تۋىلعان ەلدەرگە جانە رايوندارعا دا قولدانىلادى.

كەلۋ قاينارى: حالىق تورابى