ەكى مينيسترلىك تاعى دا شۇعىل تۇردە الدىن الا 160 ميلليون يۋان ءبولدى 

5 - ايدىڭ ورتا شەنىنەن بەرى، ەلىمىزدىڭ وڭتۇستىگىندەگى كوپتەگەن جەرلەردە ۇزدىكسىز قاتتى جاڭبىر جاۋىپ، اۋىر سەل باسۋ اپاتى، جەر سىلكىنىسى قاتارلى اپاتتار تۋىلدى؛ گۋاڭشيدىڭ ليۋجوۋىندا 5.2 بال جەر سىلكىنىسى تۋىلىپ، ادامداردىڭ جارالانۋى، ءولىم – ءجىتىم جانە مال - مۇلىكتىڭ زياندالۋى تۋىلدى. باس شۋجي شي جينپيڭنىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ ءۇشىن، وسىنىڭ الدىندا الدىن الا بولىنگەن 120 ميلليون يۋان نەگىزىندە، 5 - ايدىڭ 26 - كۇنى قازىنا مينيسترلىگى، شۇعىل جاعدايعا توتەپ بەرۋ باسقارۋ مينيسترلىگى ورتالىقتىڭ جاراتىلىستىق اپاتتان قۇتقارۋ قارجىسىنان تاعى دا شۇعىل تۇردە 160 ميلليون يۋان قارجىنى ءبولدى، مۇنىڭ ىشىندە:

ءبىرىنشى، الدىن الا بولىنگەن 110 ميلليون يۋان قاراجات انحۇي، حۋنان، چۇڭچيڭ، گۇيجوۋ 4 ولكەنىڭ (قالانىڭ) تاسقىننان ساقتانۋ، اپاتتان قۇتقارۋ قىزمەتىن ورىستەتۋىنە قولداۋ كورسەتۋگە جۇمسالىپ، حاۋىپ - قاتەردى جويۋ، اپاتقا ۇشىراعانداردى ىزدەستىرىپ قۇتقارۋ جانە ورنالاستىرۋ قاتارلى قىزمەتتەردى ءتۇيىندى تۇردە ويداعىداي ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋگە جۇمسالادى؛

ەكىنشى، الدىن الا بولىنگەن 50 ميلليون يۋان قاراجات گۋاڭشيدەگى جەر سىلكىنىسى اپاتىنا ۇشىراعان بۇقاراعا كومەكتەسۋ، جۇرتشىلىقتىڭ قۇلاعان، بۇزىلعان ۇيلەرىن جوندەۋ قاتارلى قىزمەتتەردى ويداعىداي ىستەپ، اپات تۋىلعان رايوننىڭ قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋىن ىلگەرىلەتۋگە قولداۋ كورسەتۋگە جۇمسالادى.

كەلۋ قاينارى: حالىق تورابى