انحۇي، گۋاڭشي قاتارلى 6 ولكە، اۆتونوميالى رايون، توتە قاراستى قالانىڭ اپاتتان قۇتقارۋ قىزمەتىنە قولداۋ كورسەتۋ ءۇشىن پارتيالىق جارنادان 72 ميلليون يۋان ءبولىندى

جۋىردا، باس شۋجي شي جينپيڭ تاسقىن اپاتىنان ساقتانۋ جانە قۇتقارۋ قىزمەتى جونىندە ماڭىزدى نۇسقاۋ بەردى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتى تياناقتاندىرۋ ءۇشىن، ورتالىق كوميتەتتىڭ ۇيىمداستىرۋ ءبولىمى ورتالىق كوميتەت اتىنان باسقاراتىن پارتيالىق جارنادان 72 ميلليون يۋان ارناۋلى قاراجات ءبولىپ، انحۇي، گۋاڭشي سياقتى 6 ولكە، اۆتونوميالى رايون، توتە قاراستى قالانىڭ اپاتتان قۇتقارۋ قىزمەتىنە قولداۋ كورسەتەدى.

ورتالىق كوميتەت ۇيىمداستىرۋ ءبولىمى مىنالاردى تالاپ ەتتى: جەر - جەر باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتى تياناقتاندىرىپ، اپات جاعدايىنا كۇش سالا توتەپ بەرىپ، اپاتتان قۇتقارۋ قىزمەتىن تىڭعىلىقتى ىستەپ، حالىق جۇرتشىلىعىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋى كەرەك. ورتالىق كوميتەتتىڭ ۇيىمداستىرۋ ءبولىمى مىنانى باسا دارىپتەدى: بۇل پارتيالىق جارنانى نەگىزگى ساتىعا دەر كەزىندە جەتكىزۋ كەرەك، قاتىستى ولكە، اۆتونوميالى رايون، توتە قاراستى قالالار ناقتىلى جاعدايعا نەگىزدەلىپ، ءوز دارەجەسى كولەمىندە باسقاراتىن پارتيالىق جارنادان سايكەستى قارجىنى تياناقتاندىرىپ، اپاتتان قۇتقارۋ قىزمەتىنە اتسالىسۋى كەرەك.

كەلۋ قاينارى: حالىق تورابى