ادام كۇشى بايلىعى جانە قوعامدىق قامتاماسىزداندىرۋ مينيسترلىگى: ەڭبەككە جانە كادرلار ىسىنە ساياتىن داۋ – شارلارعا بايلانىستى جاراستىرۋدى ينتەرنەت ارقىلى ءوتىنىش ەتۋگە بولادى 

جۇڭگو اقپارات تورابىنىڭ 5 - ايدىڭ 29 - كۇنگى حابارى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ۋيشين تەكشەسىنىڭ 5 - ايدىڭ 29 - كۇنگى حابارىنا قاراعاندا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى ”ينتەرنەت + جاراستىرۋ“ سىندى قىزمەت وتەۋ تەكشەسىن اشقان، دەلوعا قاتىستى ادامدارعا ەڭبەككە جانە كادرلار ىسىنە ساياتىن داۋ – شارلارعا بايلانىستى جاراستىرۋدى ينتەرنەت ارقىلى ءوتىنىش ەتۋ، دەلونى ءبىرجاقتى ەتۋ بارىسىن سۇراستىرۋ جانە زاڭ - ەرەجەلەردى، ساياساتتار تۋرالى سۇراستىرۋ سياقتى جاقتاردا قىزمەت وتەيدى. دەلوعا قاتىستى ادامداردىڭ ينتەرنەت ارقىلى تىكەلەي ءوتىنىش تاپسىرۋىنا بولادى، سونداي - اق http://tiaojie.12333.gov.cn/portal جالعانىمى ارقىلى ”ينتەرنەت + جاراستىرۋ“ سىندى قىزمەت وتەۋ تەكشەسىنىڭ باستى بەتىنە كىرۋىنە دە، مەملەكەتتىك ۇكىمەت ءىسى جاعىندا قىزمەت وتەۋ تەكشەسى، ادام كۇشى بايلىعى جانە قوعامدىق قامتاماسىزداندىرۋ سالاسىنداعى ۇكىمەت ءىسى جاعىندا قىزمەت وتەۋ تەكشەسى نەمەسە ەلەكتروندى قوعامدىق قامتاماسىزداندىرۋ كارتۋچكاسى سىندى ارنالاردىڭ كەز كەلگەن بىرەۋىنەن پايدالانىپ ينتەرنەت جاراستىرۋ قىزمەتىنەن يگىلىكتەنۋىنە دە بولادى.

كەلۋ قاينارى: حالىق تورابى