شي جينپيڭ سۋرينامنىڭ زۇڭتۇڭى سيمونسپەن جۇڭگو مەن سۋرينامنىڭ ديپلوماتيالىق قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 5 - ايدىڭ 28 - كۇنى، بەيجيڭ. 5 - ايدىڭ 28 - كۇنى مەملەكەت ءتوراعاسى شي جينپيڭ سۋرينامنىڭ زۇڭتۇڭى سيمونسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 50 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن سۋرينامنىڭ دوستىعى ارىدان باستاۋ الىپ، ۋاقىت وتكەن سايىن بەكەمدەلە ءتۇستى. جارتى عاسىردان بەرى ەكى جاق باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ءوزارا ءتيىمدى سەلبەستىكتى ۇزدىكسىز تەرەڭدەتىپ، ەكى ەل حالقىنا ناقتى قۇت - ىرىس جاراتتى. مەن جۇڭگو - سۋرينام قاتىناسىنىڭ دامۋىنا ايرىقشا ءمان بەرەمىن، سيمونس زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتۋىنىڭ 50 جىلدىعىن جاڭا باستاما ەتىپ، ستراتەگيالىق ءوزارا سەنىمدىلىكتى كۇشەيتىپ، ءداستۇرلى دوستىقتى جالعاستىرىپ، ءار سالاداعى ناقتى سەلبەستىكتە اناعۇرلىم كوپ جەتىستىكتەرگە قول جەتكىزۋدى ىلگەرىلەتىپ، جۇڭگو مەن سۋرينامنىڭ ستراتەگيالىق سەلبەستىك سەرىكتەستىك قاتىناسىنىڭ جاڭا تاراۋىن بىرگە جازۋدى قالايمىن.

سيمونس مىنالاردى ءبىلدىردى: ديپلوماتيالىق قاتىناس ورناتقان 50 جىلدان بەرى سۋرينام مەن جۇڭگونىڭ قاتىناسى ۇزدىكسىز ىشكەرىلەي دامىپ، ەكى ەلدىڭ دوستىعى بەرىك، تەرەڭ بولىپ، ستراتەگيالىق سەلبەستىگى كۇن سايىن جيىلەي ءتۇستى. مەن ەكى ەلدىڭ ءار سالاداعى سەلبەستىگىنىڭ سۇبەلى تابىستارىن توتەنشە قاستەرلەيمىن، كەلەسى 50 جىلعا كوز جىبەرگەندە، ەكى جاقتىڭ ىنتىماقتى ونان ارى كۇشەيتىپ، سەلبەستىكتى تەرەڭدەتىپ جانە كەڭەيتىپ، گۇلدەنىپ - كوركەيۋ، دامۋ سىندى ورتاق بولاشاقتى جۇزەگە اسىرۋىن ءۇمىت ەتەمىن.

كەلۋ قاينارى: حالىق تورابى