جارالانعانداردى بار كۇشپەن قۇتقارىپ ـ ەمدەپ، ىزدەۋ ـ قۇتقارۋدى عىلمي ۇيىمداستىرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك

شينحۋا اگەنتتىگىنىڭ 5 ـ ايدىڭ 23 ـ كۇنى بەيجيڭنەن بەرگەن حابارى. 5 ـ ايدىڭ 22 ـ كۇنى ساعات 19دان 29 مينۋت وتكەندە، سانشي چاڭجى قالاسى چينيۋان اۋدانى سانشي تۇڭجوۋ توبى ليۋشىنيۇي كومىر كاسىبى شەكتى سەرىكتەستىگىنىڭ شاحتاسىندا گاز قوپارىلىسى شىرعالاڭى تۋىلىپ، اۋىر ءولىم ـ ءجىتىم بولدى.

شىرعالاڭ تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ، بىلاي دەپ اتاپ كورسەتتى: سانشي چاڭجى قالاسى چينيۋان اۋدانىنداعى ءبىر كومىر كەنى شاحتاسىندا گاز قوپارىلىسى شىرعالاڭى تۋىلىپ، اۋىر ءولىم ـ ءجىتىم بولدى. جارالانعانداردى بار كۇشپەن قۇتقارىپ ـ ەمدەپ، ىزدەۋ ـ قۇتقارۋدى عىلمي ۇيىمداستىرىپ، سوڭعى جۇمىستاردى ىڭعايلاستىرۋ قىزمەتىن ۇيلەسىمدى، ويداعىداي ىستەۋ كەرەك. شىرعالاڭنىڭ سەبەبىن تەكسەرىپ انىقتاپ، زاڭ بويىنشا جاۋاپكەرشىلىكتى قاتاڭ قۋزاستىرۋ كەرەك.

شي جينپيڭ بىلاي دەپ باسا دارىپتەدى: جەر ـ جەر، تاراۋلار شىرعالاڭنان ساباق الىپ، ءوندىرىس حاۋىپسىزدىگى سىندى ارقاۋدى قاي ـ قاشان دا مىقتاپ شيراتىپ، ءتۇرلى حاۋىپ ـ قاتەرلەردى، كومەسكى كىناراتتاردى ىشكەرىلەي ءبىر ـ بىردەن تەكسەرىپ، جونگە سالىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋى جانە ونى تەجەۋى كەرەك. قازىر تاسقىن مەزگىلى، شۇعىل جاعدايعا توتەپ بەرۋ كەزەكشىلىگىن كۇشەيتىپ، تاسقىننان ساقتانۋ، اپاتتان قۇتقارۋ قىزمەتىن تىڭعىلىقتى ويداعىداي ىستەپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن شىنايى قورعاۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: قامالىپ قالعانداردى بار كۇشپەن ىزدەۋ ـ قۇتقارۋ، جارالانعانداردى قۇتقارۋ ـ ەمدەۋ، سوڭعى جۇمىستاردى ىڭعايلاستىرۋ قىزمەتىن ويداعىداي ىستەۋ، ينفورماتسيالاردى دەر كەزىندە دۇرىس جاريالاۋ، شىرعالاڭنىڭ سەبەبىن تەز ارادا تەكسەرىپ انىقتاۋ ءارى زاڭ بويىنشا، بەلگىلەمە بويىنشا قاتاڭ جاۋاپقا تارتۋ كەرەك. مەملەكەتتىك كەڭەس ءوندىرىس حاۋىپسىزدىگى كوميتەتى كەڭسەسى جەر ـ جەردى، قاتىستى جاقتاردى ءوندىرىس حاۋىپسىزدىگى جاۋاپكەرشىلىگىن تياناقتاندىرۋدى كۇشەيتۋگە اناعۇرلىم قۋزاپ جانە بۇعان جەتەكشىلىك ەتىپ، ءتۇيىندى كاسىپتەردەگى، سالالارداعى حاۋىپسىزدىك كومەسكى قاتەرىن ءبىر ـ بىردەن تەكسەرۋدى، وڭاۋدى شىن مانىندە ويداعىداي يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋى كەرەك.

شي جينپيڭنىڭ ماڭىزدى نۇسقاۋىنا جانە لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ قاتىستى تاراۋلارداعى جاۋاپتى جولداستاردى باستاپ ناقتى ورىنعا بارىپ، قۇتقارۋ، ءبىر جاقتى ەتۋ قىزمەتىنە جەتەكشىلىك ەتتى. سانشي ولكەلىك پارتكومداعى، ولكەلىك ۇكىمەتتەگى نەگىزگى جاۋاپتى جولداستار شۇعىل جاعدايعا توتەپ بەرۋ، ءبىر جاقتى ەتۋ قىزمەتىنە ناقتى ورىندا قولباسشىلىق ەتتى، سانشي ولكەسى، چاڭجى قالاسى جارالىلاردى قۇتقارۋ ـ ەمدەۋ، ناقتى ورىندا قۇتقارۋ سياقتى قىزمەتتەردى بار كۇشپەن جاقسى ىستەدى. قازىر قاتىستى قىزمەتتەر ىستەلۋدە.