كوپ تاراۋ بىرلەسىپ تەكسەرۋ جۇرگىزىپ، ەمتيحان بەرۋشىلەردىڭ ەمتيحانعا الاڭسىز دايىندالۋىنا مۇمكىندىك جاسادى

 2026 - جىلعى جوعارى مەكتەپ ەمتيحانىنىڭ حاۋىپسىزدىگىن قامتاماسىزداندىرۋ قىزمەتىن ويداعىداي ىستەپ، ەمتيحان الدىنداعى قوعام اماندىعى ورتاسىن جاقسارتىپ، ەمتيحان بەرۋشىلەرگە حاۋىپسىز، تىنىش، ءتارتىپتى ەمتيحانعا دايىندالۋ، ەمتيحان بەرۋ ورتاسىن جاراتۋ ٴۇشىن، 6 - ايدىڭ 3 - كۇنى كەشتە شىڭگىل اۋداندىق قوعام حاۋىپسىزدىگى مەكەمەسى اۋداندىق مادەنيەت - ساياحات، وقۋ - اعارتۋ، بازاردى باقىلاۋ - باسقارۋ، دەنساۋلىق ساقتاۋ سياقتى تاراۋلارمەن بىرلەسىپ، قاراستى رايونداعى توراپحانا، شاعىن شاراپحانا، ktv، ۇستەل دوپ زالى سياقتى تيجارات سيپاتتى كوڭىل اشۋ ورىندارىنا جوعارى مەكتەپ ەمتيحانىنان بۇرىن ارناۋلى حاۋىپسىزدىكتى وڭاۋ قيمىلىن ورىستەتتى.

وسى رەتكى بىرلەسىپ زاڭ اتقارۋ جوعارى مەكتەپ ەمتيحانى كەزىندەگى كورنەكتى حاۋىپ ـ قاتەر كومەسكى قاتەرىنە نازار اۋدارىپ، ازامات جاسىنا تولماعانداردى قورعاۋ، شۋىلدى باسقارۋ ـ مەڭگەرۋ، ءورت ءسوندىرۋ جانە ورتتەن ساقتانۋ حاۋىپسىزدىگى، ەرەجەگە ۇيلەسەتىن تيجارات، ازىق ـ تۇلىك حاۋىپسىزدىگى سىندى 5 ۇلكەن ءتۇيىندى ارقاۋ ەتىپ، جان ـ جاقتى تەكسەرۋ، جونگە سالۋ قىزمەتىن ورىستەتتى. تەكسەرۋ گرۋپپاسى ءتۇرلى ورىنداردىڭ ازامات جاسىنا تولماعانداردى بەلگىلەمەگە قايشى قابىلداۋ، كۋالىكسىز توراپقا شىعۋ، سالاۋاتىن مالدانىپ توراپقا شىعۋ قاتارلى زاڭعا قايشى ارەكەتتەرىن قاتاڭ تەكسەرىپ، توراپحانانىڭ شىن اتى - جونىمەن تىزىمدەۋ ءتۇزىمىنىڭ تياناقتانۋ جاعدايىن تەكسەرىپ، تيجاراتشىلارعا «ازامات جاسىنا تولماعانداردى قورعاۋ زاڭىن» ناق مايداندا ۇگىتتەپ، تيجارات سۋبيەكتىنىڭ زاڭعا بويسۇنىپ تيجارات جۇرگىزۋ، مايسانى قورعاۋ، قورعاۋ جاۋاپكەرشىلىگىن ناقتىلاندىردى.

كوڭىل اشۋ ورىندارىنىڭ شۋىلى حالىقتى مازالايتىن كورنەكتى ماسەلەلەرگە قاراتا، زاڭ اتقارۋشى قىزمەتكەرلەر جۇمىس باسىندا تيجارات جۇرگىزۋشى ساۋداگەرلەردى دىبىس مولشەرىن تومەندەتۋگە قۋزاپ، جوعارى مەكتەپ ەمتيحانى كەزىندە شەكتى ۋاقىتتا شۋىلدى تومەندەتۋ، تۇنگى تيجارات ۋاقىتىن قاتاڭ تىزگىندەۋ تالابىن ايقىنداپ، ساۋداگەرلەردى شۋىلدى تومەندەتىپ تيجارات جۇرگىزۋ ۋادەناماسىنا قول قويۋعا ۇيىمداستىرىپ، جوعارى دەتسيبەل، شەكتەن تىس تيجارات جۇرگىزىپ، ەمتيحان بەرۋشىلەردىڭ دەمالۋىنا، ەمتيحانعا دايىندالۋىنا كەدەرگىلىك جاساۋعا تيىم سالدى. سونىمەن بىرگە، ورىنداردىڭ ءورت ءسوندىرۋ جانە ورتتەن ساقتانۋ قۇرىلعىلارىن، بىتىراتۋ ارنالارىن، حاۋىپسىز ەكسپ ءورتتارىن جاپپاي تەكسەرىپ، ءورت ءسوندىرۋ جانە ورتتەن ساقتانۋ اسپاپتارىنىڭ كۇشىن جويۋ، ارنانىڭ توسىلۋى، ەلەكتر سىمىن بەتالدى تارتۋ، وتالعىش، جارىلعىش زاتتاردى بەلگىلەمەگە قايشى ساقتاۋ سياقتى كومەسكى قاتەرلەردى ءتۇيىندى تۇردە جونگە سالىپ، بايقالعان ماسەلەلەردى تۇرگە ءبولىپ ءبىر جاقتى ەتىپ، ناق مايداندا كورنەكتى كومەسكى قاتەرلەردى تۇزەتىپ، كۇردەلى كومەسكى قاتەرلەرگە رەتتەۋ ـ تۇزەتۋ ۇقتىرۋىن ءتۇسىرىپ، شەكتى مەرزىم ىشىندە جابىق رەتتەۋ ـ تۇزەتۋدى ايتتى.

ءارقايسى فۋنكتسيالىق تاراۋلار جۇمىس ءبولىسى بويىنشا سەلبەسىپ، بىرلەسىپ مىندەت وتەدى، بازار باقىلاۋ ـ باسقارۋ تاراۋلارى اراق ـ شاراپ، ۇساق ـ تۇيەك ازىق ـ تۇلىك ەنگىزۋ ەسەپ داپتەرىن جانە ازىق ـ تۇلىك ساپاسىن قاتاڭ تەكسەرىپ، ۋاقىتى وتكەن، ”ۇشتە جوق“ ازىق ـ تۇلىكتەردىڭ بازارعا كىرۋىنە تيىم سالدى؛ مادەنيەت، ساياحات تاراۋلارى تيجارات تولىمدىلىعىن قاتاڭ تەكسەرىپ، كۋالىكسىز تيجارات جۇرگىزۋ، كولەمنەن اسىرىپ تيجارات جۇرگىزۋ سياقتى بەلگىلەمەگە قايشى ارەكەتتەردى جونگە سالدى. زاڭ اتقارۋ بارىسىندا قىزمەتكەرلەر زاڭدى جالپىلاستىرۋ ۇگىت ـ لەكسياسىن بىرگە ورىستەتىپ، قاراستى رايونداعى 50 نەشە ساۋداگەرگە جوعارى مەكتەپ ەمتيحانى حاۋىپسىزدىگىن ساقتاۋ، مەڭگەرۋ بەلگىلەمەسىن ۇگىتتەپ، ساۋداگەرلەردى قوعامدىق جاۋاپكەرشىلىكتى ىرىقتىلىقپەن اتقارۋعا جەتەكتەپ، ءتۇرلى باسقارۋ ـ مەڭگەرۋ شارالارىن سانالى تۇردە تياناقتاندىرىپ، جوعارى مەكتەپ ەمتيحانى ورتاسىن قامتاماسىزداندىرۋ قىزمەتىنە بار كۇشپەن سايكەستى. وسى رەتكى قيمىلدا ءتۇرلى كوڭىل اشۋ ورىندارىنان 26 ىن تەكسەرىپ، ءورت ءسوندىرۋ جانە ورتتەن ساقتانۋ كومەسكى قاتەرىنەن 12 ىن، شۋىلدى باسقارۋ ـ مەڭگەرۋ ماسەلەسىنەن 8 ىن ناق مايداندا تۇزەتىپ، شەكتى مەرزىم ىشىندە رەتتەۋ ـ تۇزەتۋ ۇقتىرۋىنان 5 ىن ءتۇسىردى.