«شي جينپيڭ پارتيا قۇرىلىسى ماقالالارىنان تاڭدامالىلاردىڭ» 1 - تومى، 2 - تومى باسپادان شىعىپ تاراتىلدى

شينحۋا اگەنتتىگى، 6 - ايدىڭ 23 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭ پارتيا قۇرىلىسى ماقالالارىنان تاڭدامالىلاردىڭ» 1 - تومى، 2 - تومى جۋىقتا ورتالىق قۇجات باسپاسىندا باسپادان شىعىپ، بۇكىل ەلدە تاراتىلدى.

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، ءبىرقىدىرۋ جاڭا ۇستانىم، جاڭا يدەيا، جاڭا ستراتەگيانى العا قويىپ، شي جينپيڭ پارتيا قۇرىلىسى يدەياسىن قالىپتاستىردى. شي جينپيڭ پارتيا قۇرىلىسى يدەياسى _ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ماركسيزمنىڭ پارتيا قۇرۋ ءىلىمىن دامىتۋعا كەلەلى ءتول جاسامپازدىق ۇلەس قوستى، پارتيانى قۇدىرەتتەندىرۋ، مەملەكەتتى قۇدىرەتتەندىرۋ جونىنەن كەلەلى رەال مانگە جانە ۇزاق بولاشاقتىق جەتەكشى مانگە يە.

شي جينپيڭ پارتيا قۇرىلىسى يدەياسى ماركسيزمنىڭ عىلمي نازارياسىنان باستاۋ العان، جۇڭحۋانىڭ تاڭداۋلى ءداستۇرلى مادەنيەتىنە تامىر تارتقان، جاڭا داۋىردە پارتيانى جاپپاي قاتاڭ جونگە سالۋدىڭ ۇلى امالياتىندا جەتىلگەن، بەرىك امالياتتىق نەگىزگە جانە تەرەڭ نازاريالىق قاينارعا يە، جاڭا داۋىردەگى پارتيا قۇرىلىسىن كۇشەيتۋدىڭ ءتۇبىرلى تياناعى سانالادى. شي جينپيڭ پارتيا قۇرىلىسى يدەياسى _ تاريحتى، رەالدىقتى، بولاشاقتى تۇتاستىراتىن اشىق يدەيالىق جۇيە، جاڭا داۋىردەگى پارتيا قۇرىلىسى امالياتىنىڭ دامۋىنا ىلەسە ۇزدىكسىز باييدى جانە داميدى.

«شي جينپيڭ پارتيا قۇرىلىسى ماقالالارىنان تاڭدامالىلاردىڭ» 1 - تومىنا، 2 - تومىنا شي جينپيڭ جولداستىڭ 2012 - جىلى 11 - ايدان 2026 - جىلى 2 - ايعا دەيىنگى مەزگىلدەگى پارتيا قۇرىلىسى جونىندەگى ەڭ ماڭىزدى، ەڭ نەگىزگى شىعارمالارى ۋاقىت ءتارتىبى بويىنشا قۇراستىرىپ كىرگىزىلگەن، جالپى بايانداما، ءسوز، تۇسىنىك، ماقالا، نۇسقاۋ، العى ءسوز سياقتى 102 شىعارما ەنگىزىلگەن. ءبىر ءبولىم شىعارما تۇڭعىش رەت اشىق جاريالانىپ وتىر. مۇنىڭ ىشىندە 1 - تومعا 2012 - جىلى 11 - ايدان 2018 - جىلى 6 - ايعا دەيىنگى 46 شىعارما، 2 - تومعا 2018 - جىلى 7 - ايدان 2026 - جىلى 2 - ايعا دەيىنگى 56 شىعارما ەنگىزىلدى.

شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ _ قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ ماڭىزدى ساياسي مىندەتى. «شي جينپيڭ پارتيا قۇرىلىسى ماقالالارىنان تاڭدامالىلاردىڭ» 1 - تومىنىڭ، 2 - تومىنىڭ باسپادان شىعىپ تاراتىلۋى قالىڭ پارتيا مۇشەلەرىنىڭ، كادرلاردىڭ، بۇقارانىڭ ءتۇپ نۇسقانى وقىپ، ءتۇپ ءماتىندى ۇيرەنىپ، قاعيدانى ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ پارتيا قۇرىلىسى يدەياسىن ىشكەرىلەي ۇيرەنۋىنە، دايەكتىلەندىرۋىنە بەدەلدى وقۋلىق ازىرلەدى، بۇل بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، شي جينپيڭ پارتيا قۇرىلىسى يدەياسى ارقىلى پارتيا قۇرىلىسىن سانالى تۇردە جوبالاپ جانە ىلگەرىلەتىپ، اناعۇرلىم جوعارى ولشەم، اناعۇرلىم ناقتى شارا ارقىلى پارتيانى جاپپاي قاتاڭ جونگە سالۋ قىزمەتتەرىن ويداعىداي يگەرىپ، عاسىرلىق ۇلكەن پارتيانىڭ پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋدىڭ جاڭا ءورىسىن ۇزدىكسىز اشىپ، زەيىن - زەردەنى، كۇش - قۋاتتى ۇيىستىرىپ، پارتيا مەن مەملەكەت ىستەرىنىڭ نىق قاداممەن الىسقا جەتۋىن ىلگەرىلەتۋىن جەبەۋدە ماڭىزدى مانگە يە.

كەلۋ قاينارى: حالىق تورابى