تۇنىق سۋ، جاسىل تاۋدى ويداعىداي قورعاپ، حالىقتى اۋقاتتاندىرۋ كاسىپ سالاسىن ناقتىلاندىردى (اۋەلگى ماقساتتى، بورىشتى ەستە بەرىك ساقتاپ، گۇلدەنۋ ساپارىندا ەكپىندەي ىلگەرىلەيىك)

فۋجيان ولكەسى لۇڭيان قالاسى شاڭحاڭ اۋدانىندا، اق قابىرعالى، كوك قاڭىلتاق كەرپىشتى گۋتيان ءماجىلىسى اشىلعان ورىن ايبىندى دا قاراپايىم بەينەدە بولىپ، ”گۋتيان ءماجىلىسى ماڭگى شۇعىلا شاشادى“ دەگەن سوزدەر جارقىراپ تۇر.

بۇل جەر _ پارتيامىز پارتيانى يدەيالىق جاقتان قۇرۋ، ساياسي جاقتان قۇرۋ قاعيداسىن بەكىتكەن ورىن، ارميامىزدىڭ ساياسي قىزمەتىنە نەگىز سالعان ورىن، جاڭاشا حالىق ارمياسى قالىپتاسقان جەر. شي جينپيڭ جولداس فۋجياندا قىزمەت ىستەگەن كەزىندە، ىلگەرىندى - كەيىندى 7 رەت وسى اراعا كەلىپ، گۋتيان ءماجىلىسىنىڭ رۋحىن بارىنشا دارىپتەدى جانە ساۋلەلەندىردى.

2014 - جىلى 10 - ايدا باس شۋجي شي جينپيڭ گۋتياندا بۇكىل ارميانىڭ ساياسي قىزمەت ماجىلىسىنە قاتىناستى. باس شۋجي ساقا قىزىل ارميا جاۋىنگەرلەرىنىڭ، اسكەري قۇربانداردىڭ تۋىسقاندارىمەن شىنايى سۇحپاتتاسقاندا بىلاي دەدى: ”ءبىز بايىرعى رايوندى ماڭگى ۇمىتپاۋىمىز، بايىرعى رايونداعى حالىقتى ماڭگى ەستەن شىعارماۋىمىز، بايىرعى رايون قۇرىلىسىن بۇرىنعىداي قولداۋىمىز كەرەك“. 2024 - جىلى 10 - ايدا باس شۋجي شي جينپيڭ فۋجياندا قىزمەت تەكسەرگەندە بىلاي دەپ باسا دارىپتەدى: ”اۋدان ءوڭىرى ەكونوميكاسىن زورايتىپ، بايىرعى رايونداردىڭ، سوۆەتتىك رايونداردىڭ گۇلدەنۋىن، دامۋىن جەدەلدەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ كەرەك“.

”قىزىل تۋ تيڭجياڭنان ءوتىپ، لۇڭيانداعى شاڭحاڭعا توتە بارادى“. لۇڭيان داڭقتى توڭكەرىستىك داستۇرگە يە، قىزىل ءتۇس نەگىزى تەرەڭ. باس شۋجيدىڭ ىقىلاستى تاپسىرماسىن ەستە بەرىك ساقتاعان لۇڭيان بايىرعى رايونداردى جاپپاي گۇلدەندىرۋدى تىڭعىلىقتى ىلگەرىلەتىپ، قۇرىلعىلى ورمان ەكونوميكاسىن سۇيەمەلدەۋ، تۇتاس وڭىرلىك قىزىل مادەنيەت ساياحاتى، پارتيا قۇرىلىسى ارقىلى حالىقتى اۋقاتتاندىرىپ، قىستاقتاردى الۋەتتەندىرۋ سياقتى ءبىر قىدىرۋ شارالاردى تىڭعىلىقتى ىلگەرىلەتىپ، قىزىل بايلىقتى تولىق اشىپ، بۇقارانىڭ كىرىسىن ارتتىرىپ، اۋقاتتانۋىنا دەم بەردى.

لۇڭيان قالاسىندا 23 ميلليون مۋدان استام ورماندى جەر بار، ”جاسىلدان“ پايدالانىپ بايلىق جاراتىپ، ”جاسىلعا“ قاراي بەت الدى، وسىلايشا جاسىل ءتۇس لۇڭياننىڭ گۇلدەنۋىنىڭ، دامۋىنىڭ ايقىن نەگىزىنە اينالدى. بۇكىل قالا بويىنشا ورمان بەلەتى، كومىرتەگى بەلەتى سياقتى ”بەس بەلەت ءتۇزىمى“ رەفورماسى، بىرگە اۋقاتتانعان ورمان الاڭدارىنا ارناۋلى كومەك قاراجات بەرۋدى اتقارىپ، اۋدانداردى (قالا، رايون) ءوز بايلىعىنا سۇيەنىپ، وتىسپەلى دامۋ سىندى ەكولوگيامەن حالىقتى اۋقاتتاندىرۋ جولىمەن جۇرۋگە جەتەكتەدى −

ۋپيڭ اۋدانى ورمان ۇقىعى كۋالىگىمەن قاعىر تاۋلاردى جانداندىرىپ، ىرىس - قۇتتىڭ تۇقىمىن جەتىلدىرىپ، ورمانداعى گۇل - شوپتەردىڭ جىلدىق ءونىم قۇنىن 600 ميلليون يۋاننان اسىردى؛

چاڭتيڭ اۋدانى سىدۋ قالاشىعى شاڭجياۋ قىستاعىندا، قىستاق پارتيا ياچەيكاسىنىڭ شۋجيى ۋ شۇيچاڭ پارتيا مۇشەلەرىن باستاپ كاسىپتىك سەلبەستىك كووپەراتيۆىن قۇرىپ، ورمان اعاشى اراسىنا ليڭجى، سانيەچيڭ سىندى دارىلىك شوپتەردى ەگىپ، مانەرلەۋ زاۆودىن قۇرىپ، قوسىمشا قۇندى جوعارىلاتتى، سونىمەن بىرگە، قىستاق تۇرعىندارى جەردى اينالىمعا سالۋ اقىسى، جۇمىس ىستەۋ ەڭبەكاقىسى، جارنا ۇقىعى پايداسى سىندى 3 ءتۇرلى كىرىستەن يگىلىكتەندى؛

شاڭحاڭ اۋدانى الدىمەن سىناق ەتىپ، فۋجيان ولكەسىندە الدىمەن بىرگە اۋقاتتانۋ سىناق ءتۇيىنى اۋدانىن قۇردى، لۇڭيان قالاسىنىڭ توتە قاراستى تاراۋلارى وسى اۋداننىڭ سايشي قالاشىعىنا كومەكتەستى. سايشي قالاشىعى شيبەي قىستاعىنىڭ اۋىل - قىستاقتى گۇلدەندىرۋ كاسىپ سالاسىن جەتىلدىرۋ ورتالىعىندا، زەردەلى جەمىس - جيدەك، كوكونىس ەگۋ، تۇيە قۇس باعىمشىلىعى سياقتى كوپ نەگىزدى كاسىپ فورماسى اشىلىپ، ادامدار ىرگەدە جۇمىس ىستەپ، كىرىستەرىن ارتتىردى...

جەر جاعدايىنا قاراي ىستەگەن لۇڭيان قالاسى ”ءبىر اۋىلدا ءبىر كاسىپ، ءبىر قىستاقتا ءبىر ءونىم بولۋ“ سيلاۋ، تولىقتاۋ مەحانيزمىن اتقارىپ، ءىس جۇزىندىك جاعدايمەن ۇشتاستىرا وتىرىپ ەرەكشە كاسىپ سالالارىن دامىتتى. 2025 - جىلى بۇكىل قالا بويىنشا ورمان شارۋاشىلىعى كاسىپ سالاسىنىڭ جالپى ءونىم قۇنى 61 ميلليارد 997 ميلليون يۋان، ورمان شارۋاشىلىعى ەكونوميكاسىنىڭ جالپى ءونىم قۇنى 27 ميلليارد 575 ميلليون يۋان بولىپ، 180 مىڭ ورمانشى وتباسىن يگىلىككە كەنەلتتى.

لۇڭيان قالاسىندا تۇتاس وڭىرلىك مادەنيەت پەن ساياحات ىشكەرىلەي توعىستىرىلىپ، قىزىل بايلىق حالىقتى ۇزدىكسىز اۋقاتتاندىرۋدىڭ دامۋ ابزالدىعىنا اينالدىرىلدى.

شاڭحاڭ اۋدانى لينجياڭ عيماراتىنىڭ جانىندا، تيڭجياڭ اۋىل - قىستاق مادەنيەت - ساياحات سارا تۋىندىلارى تىزبەگى تىزبەكتەلىپ، تيڭجياڭ كورىنىسىنىڭ دارەجەسىن جوعارىلاتىپ، مادەنيەت - ساياحات كاسىپ فورماتسياسىنىڭ سيىمدىلىعىن ارتتىرىپ، جەلى بويىنداعى اۋىل - قالاشىقتاردىڭ جەمىس - جيدەك، كوكونىس كاسىپ سالاسىنىڭ، اۋىل - قىستاقتىڭ سايكەستى دامۋىن جەبەدى.

چاڭتيڭ اۋدانى جۇڭفۋ قىستاعى — قىزىل 9 - جۇنتۋانىنىڭ ۇزاق جورىققا اتتانعان جەرى، 30 نەشە قىزىل جۇرتى تولىق ساقتالعان، قىزىل ارميا قۇرباندارىنىڭ ۇرپاعى جۇڭ ميڭ وتباسىنىڭ ەكى ۇرپاق ادامى قىزىل حيكايانى كۇش جالعاپ ءتۇسىندىرىپ كەلەدى. 30 نەشە دۇكەن جەلىسىندە تاڭجياڭ قانتى، تاڭبي اشىتىلعان اراعى ساتىلدى. 2025 - جىلى قىستاق كوللەكتيۆىنىڭ كىرىسى 600 مىڭ يۋاننان اسىپ، قىستاق تۇرعىندارىنىڭ جىلدىق ورتاشا كىرىسى 22 مىڭ يۋانعا جەتتى.

جەمىس باعىنىڭ حوش ءيىسى اڭقىپ، قىزىل كوشەلەردە ساياحاتشىلاردىڭ قاراسى كوبەيدى. لۇڭيان قالاسى 35 اۋىل - قىستاقتى گۇلدەندىرۋ سارا جەلىسىن قۇرىپ، گۋتيان ءماجىلىسىنىڭ ورنى، لينجياڭ عيماراتى، جۇڭفۋ قىستاعى سياقتى تۇيىندەردى تۇتاستىرىپ، 2025 - جىلى بۇكىل قالانىڭ سەيىل - سەرۋەن اۋىل شارۋاشىلىق ساياحات كىرىسىن 3 ميلليارد 232 ميلليون يۋانعا جەتكىزدى.

”لۇڭيان سىندى وسى قىزىل قۇتتى مەكەن اۋىل - قىستاقتى جاپپاي گۇلدەندىرۋدى ۇزدىكسىز ىلگەرىلەتىپ، تۇنىق سۋ، جاسىل تاۋدىڭ نەگىزىن ويداعىداي ساقتاپ، حالىقتى اۋقاتتاندىرىپ، قىستاقتى گۇلدەندىرۋ كاسىپ سالاسىن ناقتىلاندىرىپ، حالىق بۇقاراسىنىڭ كۇن سايىن جاقسارعان تاماشا تۇرمىس كەشىرۋىنە مۇمكىندىك جاسايدى“ دەدى لۇڭيان قالالىق پارتكومنىڭ شۋجيى حۋ شىڭ.

كەلۋ قاينارى: حالىق تورابى