جۇڭگو اۋرۋدى تىزگىندەۋ ورتالىعى: جۋىردا ەلىمىزدە مۇرىن ۆيرۋسىن تەكسەرۋ ناتيجەسىنىڭ بولىمدىلىق مولشەرى جوعارىلادى، سولتۇستىكتەگى ولكەلەردە جوعارىلاۋى اناعۇرلىم تەز بولدى 

جۇڭگو اۋرۋدى تىزگىندەۋ ورتالىعى جۋىردا تىنىس جولى شۇعىل جۇقپالى اۋرۋلارىن باقىلاۋ تۇيىندەرى باقىلاعان جاڭا جاعدايلاردى جاريالادى. جۋىردا ەلىمىزدە تىنىس جولى جۇقپالى اۋرۋلارىنىڭ جاعدايىندا ءىشىنارا وزگەرىس بولعان، مۇرىن ۆيرۋسىنىڭ امبۋلاتوريا مەن شۇعىل ەمدەۋ بولىمىندەگى جۇقپالى تۇماۋ تەكتەس ناۋقاستار مەن بالنيتساعا جاتقان اۋىر ناۋقاستاردان انىقتالۋ مولشەرى تۇگەلدەي ءبىرىنشى ورىندا بولعان، ونىڭ ۇستىنە، تەكسەرۋ ناتيجەسىنىڭ بولىمدىلىق مولشەرىندە جوعارىلاۋ اۋقىمى بايقالعان، سولتۇستىكتەگى ولكەلەردە جوعارىلاۋى اناعۇرلىم تەز بولعان.

تەكسەرۋ ناتيجەسىنە قاراعاندا، ەلىمىزدە جۇقپالى تۇماۋدىڭ تارالۋ دەڭگەيى جالپى جاقتان تومەن. سولتۇستىكتەگى ولكەلەردە جۇقپالى تۇماۋ ۆيرۋسىن تەكسەرۋ ناتيجەسىنىڭ بولىمدىلىق مولشەرى ۇزدىكسىز تومەندەدى، وڭتۇستىكتەگى ولكەلەردە ورتاشا دەڭگەي توڭىرەگىندە تولقۋدا، B تيپتى جۇقپالى تۇماۋدىڭ ۆيرۋس تۇبىرشىگى تۇگەلدەي نەگىزگى تارالعان تۇبىرشىكتەر سانالادى. قوسالقى جۇقپالى تۇماۋ ۆيرۋسىن تەكسەرۋ ناتيجەسىنىڭ بولىمدىلىق مولشەرى ورتاشا دەڭگەي توڭىرەگىندە تولقۋدا، ادامعا بەيىم وكپە ۆيرۋسىن تەكسەرۋ ناتيجەسىنىڭ بولىمدىلىق مولشەرى تولقۋلى كۇيدە جوعارىلاعان. جاڭا تيپتى ايدارشا ۆيرۋستى تەكسەرۋ ناتيجەسىنىڭ بولىمدىلىق مولشەرى جۋىرداعى 3 اپتا بويى جوعارىلاۋ بەتالىسىن بايقاتقان، الايدا، كەزەكتە جالپى جاقتان ايتقاندا تارالۋ دەڭگەيى ءالى دە تومەن. ىشەك جولى ۆيرۋسىن تەكسەرۋ ناتيجەسىنىڭ بولىمدىلىق مولشەرى جوعارىلاۋ بەتالىسىن بايقاتقان، وڭتۇستىكتەگى ولكەلەردە سولتۇستىكتەگى ولكەلەرگە قاراعاندا كورنەكتى جوعارى بولعان. باقىلانعان باسقا اۋرۋ قوزدىرعىشتاردىڭ بولىمدىلىق مولشەرى جالپى جاقتان تومەن دەڭگەيدە بولعان.

جۇڭگو اۋرۋدى تىزگىندەۋ ورتالىعى مىنانى ەسكەرتتى: جۇرتشىلىق ەمدەلۋ بارىسىندا باستان – اياق ماسكى تاققانى ءجون. ادام شوعىرلانعان ورىندارعا بارعاندا نەمەسە الەۋمەتتىك قاتىناس قۇرالدارىنا وتىرعاندا ماسكى تاققان ءجون. وتە – موتە، قارتتار مەن سوزىلمالى نەگىزدىك اۋرۋى بار ناۋقاستار ساقتانۋعا كوڭىل ءبولۋى كەرەك. قىزۋى ورلەۋ، جوتەلۋ سياقتى اۋرۋ بەلگىلەرى بايقالعان كەزدە، باسقالارمەن ارالاسقاندا ماسكى تاعۋ ءارى بولمەنىڭ اۋاسىن ويداعىداي الماستىرۋ، قاجەتكە قاراي دەر كەزىندە ەمدەلۋ كەرەك. جۇكتى ايەلدەر، سابيلەر، قارتتار جانە سوزىلمالى اۋرۋلار بار ناۋقاستار قاتارلى يممۋنيتەتى ءبىرشاما ءالسىز ادامدار ۆاكسينا ەگۋ باعدارلاماسىنا ساي تىنىس جولى جۇقپالى اۋرۋلارىنان ساقتانۋ ۆاكسيناسىن دەر كەزىندە ەكتىرۋى قاجەت.

كەلۋ قاينارى: حالىق تورابى