تىڭعىلىقتى شارالار ارقىلى اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتىپ، ەڭبەكشىلدىكپەن جانە اقىل - پاراساتپەن اناعۇرلىم تاماشا تۇرمىس جاراتۋ كەرەك

6 - ايدىڭ 24 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاندۇڭ ولكەسىنىڭ دىجوۋ قالاسىندا قىزمەت تەكسەردى. سۋرەتتە: شي جينپيڭ ليڭچىڭ رايونى بيانلين قالاشىعى دۇڭيۇيجيا قىستاعىندا ەگىس اتىزدارىنا بارىپ استىق ەگەتىن ءىرى وتباسى مۇشەلەرىمەن، اۋىل شارۋاشىلىق ماشينيستەرىمەن، اۋىل شارۋاشىلىق تەحنيكتەرىمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

6 - ايدىڭ 24 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاندۇڭ ولكەسىنىڭ دىجوۋ قالاسىندا قىزمەت تەكسەردى. سۋرەتتە: شي جينپيڭ ليڭچىڭ رايونى بيانلين قالاشىعى شييۇيجيا قىستاعىندا قىستاق تۇرعىندارىمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

«حالىق گازەتى»، شاندۇڭ دىجوۋ، 6 - ايدىڭ 24 - كۇنى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 24 - كۇنى شاندۇڭ ولكەسىنىڭ دىجوۋ قالاسىندا قىزمەت تەكسەرگەندە بىلاي دەپ باسا دارىپتەدى: اۋىل شارۋاشىلىعىن، اۋىل - قىستاقتى وسىزامانداندىرۋ جۇڭگو ۇلگىسىندەگى وسىزامانداندىرۋدىڭ جالپى جاعدايى مەن ونىمدىلىگىنە سايادى، تىڭعىلىقتى شارالار ارقىلى ءتۇرلى قىزمەتتەردى ويداعىداي ىستەپ، اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن كۇش سالا جوعارىلاتىپ، استىق سياقتى ماڭىزدى اۋىل شارۋاشىلىق ونىمدەرىمەن ورنىقتى قامداۋعا كەپىلدىك ەتىپ، جەرگىلىكتى جاعدايعا قاراي قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتىپ، قالىڭ شارۋالار بۇقاراسىن قاجىرلى ەڭبەگى مەن اقىل - پاراساتى ارقىلى اناعۇرلىم تاماشا تۇرمىس جاراتۋعا جەتەكتەۋ كەرەك.

6 - ايدىڭ 24 - كۇنى شي جينپيڭ شاندۇڭ ولكەلىك پارتكومنىڭ شۋجيى لين ۋ مەن ولكە باستىعى جوۋ نايشياڭنىڭ سەرىك بولۋىندا دىجوۋ قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى.

ءدال جازعى تۇقىم سەبۋ مەزگىلى، اتىز باسى قاربالاستىققا تۇسكەن. 6 - ايدىڭ 24 - كۇنى تۇستەن بۇرىن شي جينپيڭ دىجوۋ قالاسى ليڭچىڭ رايونىنىڭ بيانلين قالاشىعى دۇڭيۇيجيا قىستاعىنا كەلىپ، جەرگىلىكتى ورىننىڭ ”جازعى ءۇش جۇمىس“ ءوندىرىس قىزمەتىنەن بەرگەن مالىمەتىن تىڭداپ، ءبيدايدى جيناۋ، جۇگەرى ەگۋ، اۋىل شارۋاشىلىق ماتەريالدارىمەن قامداۋ سياقتى جاعدايلاردى ۇعىستى. ول ەگىنجاي سۋارۋ توعانىنىڭ جانىنا كەلىپ، سۋ مەن تىڭايتقىش ءبىر تۇلعالاندىرىلعان قۇرىلعىلاردى كوردى، ىلە - شالا اتىزعا بارىپ، استىق ەگەتىن ءىرى وتباسى مۇشەلەرىمەن، اۋىل شارۋاشىلىق ماشينيستەرىمەن، اۋىل شارۋاشىلىق تەحنيكتەرىمەن ىقىلاسپەن اڭگىمەلەستى. بيىل ءبيدايدىڭ مۋ باسىندىق ءتۇسىمىنىڭ تاعى دا جوعارىلاعاندىعىن، جۇگەرى ەگۋدىڭ ەگىس ۋاقىتى قاتاڭ يگەرىلىپ، اياق الىسىنىڭ تەز بولعاندىعىن بىلگەندە، شي جينپيڭ قاباعات قۋاندى. ول بىلاي دەپ باسا دارىپتەدى: استىق سياقتى ماڭىزدى اۋىل شارۋاشىلىعى ونىمدەرىمەن ورنىقتى قامداۋعا كەپىلدىك ەتۋ − اۋىل شارۋاشىلىعى وندىرىسىندەگى ەڭ ماڭىزدى ءتۇيىن. استىق وندىرىسىنە قولداۋ كورسەتەتىن ءتۇرلى ساياساتتاردى تياناقتاندىرىپ، اۋىل شارۋاشىلىعى ماتەريالدارىمەن قامداۋعا كەپىلدىك ەتۋدى، باعانى ورنىقتىرۋدى ويداعىداي ىستەپ، وزىق قولدانىلمالى سورتتاردى، تەحنيكالاردى، جابدىقتاردى بەلسەنە جالپىلاستىرىپ، بىرلىك ءونىم مەن ونىمدىلىكتى ورنىقتى جوعارىلاتىپ، تۇتاس جىلدا استىقتان مول ءونىم الۋعا كۇش سالۋ كەرەك. اۋىل شارۋاشىلىعىنىڭ نەگىزدىك قۇرىلعىلارىن كەمەلدەندىرىپ، جوعارى ولشەمدى ەگىنجاي قۇرىلىسىنىڭ ساپاسىنا شىنايى كەپىلدىك ەتىپ، اۋىل شارۋاشىلىعىندا سۋ ۇنەمدەپ، ونىمدىلىكتى ارتتىرۋدى ىلگەرىلەتىپ، اۋا رايىنان الدىن الا مالىمەت بەرۋدى جانە اپاتتى باقىلاۋدى، ساقتاندىرۋدى كۇشەيتىپ، اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتۋ كەرەك.

وسىدان كەيىن شي جينپيڭ كورشىلەس ”مەملەكەتتىك وركەنيەتتى قىستاق“ شييۇيجيا قىستاعىنا كەلىپ قىزمەت تەكسەردى. ول قىستاقتىڭ پارتيا مۇشەلەرىنە، بۇقاراعا قىزمەت وتەۋ ورتالىعىنا بارىپ، قىستاق پارتيا ۇيىمىنىڭ قۇرىلىسى جانە حالىققا قولايلى قىزمەت وتەۋ سياقتى جاعدايلاردى تاپتەشتەي سۇراپ، جەرگىلىكتى ورىننىڭ اۋماقتاندىرىپ اۋىل - قىستاقتى گۇلدەندىرۋدى ىلگەرىلەتۋ ادىستەرىن قاراستىرۋ جاعدايىن ۇعىستى ءارى اۋىل شارۋاشىلىق قوسالقى ونىمدەرى كورمەسىن كوردى. شي جينپيڭ قىستاق پارتيا ۇيىمىنىڭ پارتيا قۇرىلىسىنىڭ جەتەكشىلىك رولىن ونان ارى ساۋلەلەندىرىپ، قىستاق تۇرعىندارىنىڭ بەلسەندىلىگىن تولىق جۇمىلدىرىپ، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتۋدە ۇزدىكسىز تىڭ تابىستارعا قول جەتكىزۋىن ءۇمىت ەتتى. ول نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، قىستاق كادرلارىنىڭ اناعۇرلىم كوپ ۋاقىتى مەن زەيىن - زەردەسىن بۇقاراعا قىزمەت وتەۋگە، دامۋدى ىلگەرىلەتۋگە جۇمساۋدى تالاپ ەتتى.

قىستاق تۇرعىنى يۇي شينحۇيدىڭ ۇيىندە شي جينپيڭ ءۇي جيھازدارىنىڭ ورنالاستىرىلۋىن كورىپ، ءبىر ءۇيلى جانمەن بىرگە وتىرىپ اڭگىمە دۇكەنىن قۇرىپ، جۇمىستانۋ، كىرىس، قارتتاردىڭ دەنساۋلىعى، بالالاردىڭ وقۋى سياقتى جاعدايلاردى ىقىلاسپەن سۇراستىرىپ، پارتيانىڭ اۋىل شارۋاشىلىعى، اۋىل - قىستاق، شارۋالار ساياساتىنىڭ تولىق تياناقتانعان - تياناقتانباعاندىعىن ەگجەي - تەگجەيلى ۇعىستى. ول بىلاي دەپ اتاپ كورسەتتى: دۇرىس ناتيجە كوزقاراسىن ورناتۋ جانە امالياتتا ايگىلەۋدى ەڭ سوڭىندا حالىقتى باقىتقا كەنەلتۋ جاعىنا تياناقتاندىرۋ كەرەك.

قالىڭ پارتيا مۇشەلەرى، كادرلار ۇكىمەت قىزمەتكەرى تانىمىن كۇشەيتىپ، حالىق ءۇشىن قىزمەت ىستەۋ سۇيىسپەنشىلىگىن نىعايتىپ، بۇقارا ءۇشىن كوبىرەك جاقسى ءىس ىستەپ، ناقتى ءىس ىستەپ، قيىن ىستەردى شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋى كەرەك.

قىستاقتان اتتاناردا قىستاق تۇرعىندارى باس شۋجيدى ىستىق ىقىلاسپەن اتتاندىرىپ سالدى. شي جينپيڭ كوپشىلىككە بىلاي دەدى: ”1 - شىلدە“ تاياپ قالدى، ءبىز پارتيانىڭ 105 جاسقا تولعان تۋعان كۇنىن قارسى الامىز. 105 جىلدان بەرى پارتيامىز بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، تاريح پەن حالىقتىڭ سىنىنان وتەتىن ۇلى جەتىستىكتەر جاراتتى. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ارشىندى قاداممەن العا باسۋدامىز، جاڭا ۇزاق جورىقتى ءبىر نيەتپەن سەلبەسىپ ويداعىداي باسىپ، ءتىپتى دە نۇرلى بولاشاق اشىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋىمىز كەرەك. ول اۋىلداستاردىڭ پارتيانىڭ باسشىلىعىندا مەكەندەرىن بارعان سايىن كورىكتەندىرىپ، تۇرمىستارىن بارعان سايىن جاقسارتۋىنا تىلەكتەستىك ءبىلدىردى.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.