جۇڭحۋا ۇلتى ورتاق تۇلعا قۇرىلىسىن ىلگەرىلەتۋ ءۇشىن زاڭمەن جونگە سالۋ نەگىزىن بەكەمدەيىك (بەدەلدى جاريالاۋ)

«جۇڭحۋا حالىق رەسپۋبليكاسىنىڭ ۇلتتار ىنتىماعى، العاباسارلىعىن جەبەۋ زاڭى» بيىل 7 - ايدىڭ 1 - كۇنىنەن باستاپ اتقارىلادى. مەملەكەتتىك كەڭەستىڭ اقپارات كەڭسەسى 6 - ايدىڭ 24 - كۇنى اقپار جاريالاۋ ءماجىلىسىن اشىپ، ۇلتتار ىنتىماعى، العاباسارلىعىن جەبەۋ زاڭى مەن ەلىمىزدىڭ ۇلت قىزمەتىنە قاتىستى جاعدايلاردى تانىستىردى.

”ۇلتتار ىنتىماعى، العاباسارلىعىن جەبەۋ زاڭىندا باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى، اسىرەسە، جۇڭحۋا ۇلتى ورتاق تۇلعا تانىمىن بەرىك ورناتۋ سىندى كەلەلى ۇستانىم مەملەكەتتىڭ ەركىنە اينالىپ، پارتيا 18 - قۇرىلتايىنان بەرگى جۇڭحۋا ۇلتى ورتاق تۇلعا قۇرىلىسىن جانە ۇلتتار ىنتىماعى، العاباسارلىعى ىستەرىن ىلگەرىلەتۋ جاعىنداعى تابىستى تاجىريبەلەر زاڭدىق بەلگىلەمە دەڭگەيىنە كوتەرىلدى، جاڭا داۋىردەگى پارتيا مەن مەملەكەتتىڭ ۇلت قىزمەتى جونىندەگى ساياسي مايدانىن، ناقتى مىندەتىن جانە قۇلشىنۋ بەتالىسىن جاريالاپ جانە ايقىنداپ، پارتيانىڭ ۇلت قىزمەتىنە جاپپاي باسشىلىعىنا ءتۇزىم، زاڭ جاعىنان كەپىلدىك ەتىپ، ۇلتتاردىڭ ىنتىماقتاسا كۇرەس جۇرگىزۋىنىڭ ورتاق يدەيالىق - ساياسي نەگىزى مەن زاڭمەن جونگە سالۋ نەگىزىن ۇزدىكسىز بەكەمدەۋىمىز كەرەك“ دەدى ورتالىق كوميتەت بىرلىكساپ ءبولىمى باستىعىنىڭ ورىنباسارى، مەملەكەتتىك ۇلت ىستەرى كوميتەتىنىڭ مەڭگەرۋشىسى چىن رۇيفىڭ.

ۇلتتار ىنتىماعى، العاباسارلىعى ىستەرىنىڭ زاڭدىق جۇلگەسىن جۇيەلى ورناتتى

”ۇلتتار ىنتىماعى، العاباسارلىعىن جەبەۋ زاڭىن جاساۋ، شىعارۋ _ پارتيانىڭ بىرلىكساپ جانە ۇلت قىزمەتى تاريحىنداعى بەلەستىك مانگە يە ءىرى ءىس، جۇڭحۋا ۇلتى ورتاق تۇلعا تانىمىن بەرىك ورناتۋداعى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدەگى كەلەلى زاڭدىق شارا“ دەپ تانىستىردى چىن رۇيفىڭ.

”بۇل - 30 نەشە جىلدان بەرى ورتالىق كوميتەت ساياسي بيۋروسىنىڭ ءماجىلىسى اقىلداسقان تۇڭعىش زاڭ جوباسى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى زاڭ شىعارۋدى جوسپارعا الۋدىڭ، دايىنداۋدىڭ، قاراۋدىڭ تۇتاس بارىسىنا سىڭىرىلگەن“ دەدى مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى ۇلت كوميتەتىنىڭ مەڭگەرۋشى مۇشەسى بايىنچاۋلۋ.

زاڭ شىعارۋدىڭ تۇتاس بارىسى، ءارقايسى بۋىندارى ءار جاقتىڭ پىكىرىن كەڭىنەن تىڭداپ، ىلگەرىندى - كەيىندى ەكى رەت زاڭ جوباسى جونىندە ورتالىقتاعى مەملەكەت ورگاندارىنان، ءارقايسى ولكە، اۆتونوميالى رايون، توتە قاراستى قالالارداعى 380 نەشە ورىننان پىكىر الىپ، مەملەكەتتىك حالىق قۇرىلتايى ۋاكىلدەرىنەن تالاي رەت پىكىر الدى. ەكى رەت قوعامنان، بۇقارادان الىنعان پىكىردى تولىق جاريالاپ، 50 مىڭعا جۋىق ادام - رەت پىكىر ايتتى.

”بۇل ادىستەر زاڭ شىعارۋ ورتاق تانىمىن ەڭ جوعارى شەكتە ۇيىستىرىپ، تابان تىرەپ تۇرۋدى، ىسكە اسىرۋدى شىن مانىندە جۇزەگە اسىردى، بۇل _ جالپى بارىستىق حالىق دەموكراتياسى كەلەلى ۇستانىمىن امالياتتا ايگىلەۋدىڭ جاندى امالياتى“ دەدى بايىنچاۋلۋ.

”ۇلتتار ىنتىماعى، العاباسارلىعىن جەبەۋ زاڭى − جاڭا داۋىردە نەگىزگى زاڭنىڭ قاتىستى بەلگىلەمەلەرىن اتقارۋداعى، ۇلت ىستەرىن ءبىر جاقتى ەتۋدەگى جانە ۇلت قىزمەتىن ورىستەتۋدەگى نەگىزدىك زاڭ. جازۋ فورماسى جاعىندا العى ءسوز ارنايى ورنالاستىرىلدى، بۇل - 30 نەشە جىلدان بەرى تۇڭعىش رەت العى ءسوز ورنالاستىرىلعان زاڭ“ دەپ تانىستىردى بايىنچاۋلۋ.

مازمۇنى جاعىندا، ۇلتتار ىنتىماعى، العاباسارلىعىن جەبەۋ زاڭىندا ۇلتتار ىنتىماعى، العاباسارلىعى ىستەرىنىڭ جالپى تۇلعالىق تالابى، ماڭىزدى پرينسيبى، سونداي - اق قاتىستى سۋبيەكتىلەردىڭ مىندەت - جاۋاپكەرشىلىگى تالابى ايقىندالىپ، ۇلت قىزمەتى سالاسىن جونگە سالۋعا شۇعىل قاجەتتى، ۇلتتار ىنتىماعى، العاباسارلىعىن جەبەۋگە قاجەتتى، ۇلت سالاسىنداعى حاۋىپ - قاتەرلەر مەن كومەسكى قاتەرلەردەن ءونىمدى ساقتانۋعا قاجەتتى ءتۇزىم مەحانيزمى اناعۇرلىم اقاۋسىزداندىرىلىپ جانە كەمەلدەندىرىلىپ، ايقىن، ورنىقتى ارەكەت ولشەمى مەن ۇزاق ۋاقىتتىق مەجە تۇراقتاندىرىلدى.

”ۇلتتار ىنتىماعى، العاباسارلىعىن جەبەۋ زاڭى _ جاڭا داۋىردەگى ۇلت سالاسىنداعى تۇڭعىش ارناۋلى زاڭ“. مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى مەڭگەرۋشىسىنىڭ ورىنباسارى لەي جيانبين بىلاي دەدى: ۇلتتار ىنتىماعى، العاباسارلىعىن جەبەۋ زاڭى ۇلتتار ىنتىماعى، العاباسارلىعى ىستەرىنىڭ زاڭدىق جۇلگەسىن جۇيەلى ورناتىپ، ۇلت ىستەرىن زاڭمەن جونگە سالۋ ارناسىندا ءبىر جاقتى ەتۋدى جانە ۇلت قىزمەتىن ورىستەتۋدى، ۇلتتار ىنتىماعى، العاباسارلىعى ىستەرىن جاپپاي ىلگەرىلەتۋدى جالپى جاعدايلىق، ۇزاق بولاشاقتىق نەگىزدىك كەپىلمەن قامدادى.

ۇلت سالاسىنداعى قاتىستى زاڭ شىعارۋ قىزمەتىندە ۇزدىكسىز تىڭ دامۋ مەن تىڭ تابىستارعا قول جەتتى

پارتيانىڭ 18 - قۇرىلتايىنان بەرى ەلىمىزدىڭ ۇلتتار ىنتىماعى، العاباسارلىعى ىستەرىندە تىڭ تاريحي تابىستارعا قول جەتتى. 2012 - جىلدان 2025 - جىلعا دەيىن، 5 اۆتونوميالى رايوننىڭ وڭىرلىك ءوندىرىس جالپى ءونىم قۇنى 3 تريلليون 250 ميلليارد يۋاننان 8 تريلليون 660 ميلليارد يۋانعا جەتتى. ۇلتتاردىڭ ارالاسۋ، ىشتەسۋ، توعىسۋ دارەجەسى بۇرىن بولىپ كورىلمەگەن دارەجەدە بولىپ، ەلىمىزدەگى از ۇلتتاردىڭ جىلجىمالى حالىق سانى 33 ميلليوننان اسىپ، از ۇلتتاردىڭ ۇشتەن بىرىنەن استامى قالا مەن بىتىراندى قونىستانعان رايوندارعا قونىستاندى، ۇلتتاردىڭ كەڭ كولەمدە بىتىراندى قونىستانۋ، شاعىن كولەمدە شوعىرلى قونىستانۋ، ارالاس قونىستانۋ جاعدايى ۇزدىكسىز تەرەڭدەدى.

”جۇڭحۋا ۇلتى ورتاق تۇلعا ۇستانىمى جۇرت جۇرەگىنە تەرەڭ ۇيالاپ، جۇڭحۋا ۇلتى ءبىر ءۇيلى جانداي ەتەنە بولىپ، جۇڭگو ارمانىن ءبىر نيەت، ءبىر تىلەكپەن بىرگە سومداۋ اۋقىمى كۇشەيدى“. ورتالىق كوميتەت بىرلىكساپ ءبولىمى باستىعىنىڭ ورىنباسارى دۋان ي - جۇن بىلاي دەدى: جۇڭحۋا ۇلتى ورتاق تۇلعا تانىمىن بەرىك ورناتۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى زاڭ شىعارۋ ماقساتى ەتىپ، جاڭا داۋىردەگى ۇلت قىزمەتىندەگى كەلەلى رەفورما جەتىستىكتەرىن، باعالى تاجىريبەلەردى جانە تۇزىمدىك شارالاردى مەملەكەتتىڭ زاڭدىق بەلگىلەمەلەرىنە اينالدىرىپ، جان - جاقتى، كوپ ساتىلى ءتۇزىم مەحانيزمىن بىرتىندەپ ورناتۋىمىز كەرەك.

جاڭا داۋىردەن بەرى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، مەملەكەتتىك حالىق قۇرىلتايى مەن ونىڭ تۇراقتى كوميتەتى ۇلت سالاسىنا قاتىستى زاڭ شىعارۋ قىزمەتىن بەلسەندى، ورنىقتى ورىستەتىپ، تىڭ دامۋ مەن تىڭ تابىستارعا ۇزدىكسىز قول جەتكىزدى.

”قۇرلىقتاعى مەملەكەت شەكاراسى زاڭى، جەرگىلىكتى ۇيىمدىق زاڭ، ۋاكىلدەر زاڭى، زاڭ شىعارۋ زاڭى سياقتى 10 نەشە زاڭدا جۇڭحۋا ۇلتى ورتاق تۇلعا تانىمىن بەرىك ورناتۋ جونىندە ايقىن بەلگىلەمە جاسالىپ، ۇلت قىزمەتى جاعىنداعى مازمۇندار ۇزدىكسىز تولىقتاندى جانە كەمەلدەندى“ دەپ تانىستىردى لي جيانبين.

ءتۇرلى زاڭدىق بەلگىلەمەلەر ناقتى تياناقتاندىرىلدى

ۇلتتار ىنتىماعى العاباسارلىعىن جەبەۋ زاڭىندا ”ورتاق رۋحاني مەكەن قۇرۋ“، ”ارالاسۋدى، ىشتەسۋدى، توعىسۋدى جەبەۋ“، ”بىرگە گۇلدەنۋدى، دامۋدى ىلگەرىلەتۋ“ سياقتى جاقتارداعى مازمۇندار ارناۋلى بەلگىلەندى. چىن رۇيفىڭ بىلاي دەدى: مەملەكەتتىك ۇلت ىستەرى كوميتەتى قاتىستى تاراۋلارمەن بىرگە ۇلتتار ىنتىماعى، العاباسارلىعىن جەبەۋدىڭ ”15 - بەسجىلدىق“ جوباسىن زەرتتەپ جاساپ، ءتۇرلى زاڭدىق بەلگىلەمەلەردى ناقتى تياناقتاندىرادى.

مادەنيەت مۇراتتاستىعىن كۇشەيتىپ، ۇلتتاردىڭ ورتاق رۋحاني مەكەنى قۇرىلادى. مەملەكەتتىك ۇلت ىستەرى كوميتەتى سوتسياليستىك وزەكتى قۇن كوزقاراسىن جەتەكشى ەتۋگە تاباندى بولىپ، وتانشىلدىق، كوللەكتيۆشىلدىك، سوتسياليستىك تاربيەنى ۇزدىكسىز تەرەڭدەتىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا جەتەكتەيدى.

ۇلتتاردىڭ ارالاسۋى، ىشتەسۋى، توعىسۋى جەبەلىپ، ۇلتتاردىڭ اناردىڭ دانىندەي تىعىز ۇيىسۋى جەبەلەدى. مەملەكەتتىك ۇلت ىستەرى كوميتەتى جاڭا داۋىردەگى ۇلتتار ىنتىماعى العاباسارلىعىنداعى وزات ورىنداردى قۇرۋدى تەرەڭدەتىپ، مادەنيەت پەن ساياحاتتى توعىستىرۋدى كۇشەيتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءوزارا كىرىككەن الەۋمەتتىك اۋماق ورتاسى قۇرىلىسىن تىڭعىلىقتى ىلگەرىلەتىپ، ۇلتتىق وڭىرلەردەگى ”جاڭا قالا تۇرعىندارىنا“ قۋات ۇستەۋ ارەكەتىن ىشكەرىلەي ورىستەتەدى.

ءار ۇلت حالقىنىڭ تاماشا تۇرمىسقا دەگەن تالپىنىسى ۇزدىكسىز جۇزەگە اسىرىلادى. مەملەكەتتىك ۇلت ىستەرى كوميتەتى ۇلتتاردىڭ بىرگە اۋقاتتانۋىن جۇزەگە اسىرۋدى كوزدە ۇستاپ، پارىقتى وڭىرلىك قولداۋ ساياساتىن كەمەلدەندىرىپ، جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ ارەكەتىن تەرەڭدەتىپ، ەرەكشە باسىمدىققا يە كاسىپتەر مەن ”شاعىن دا كوركەم“ حالىق تۇرمىسى نىساندارىن كۇش سالا دامىتادى.

”5 جىل ۇزدىكسىز قۇلشىنۋ ارقىلى، ءبىز «جۇڭحۋا ۇلتىنىڭ ارالاسۋ، ىشتەسۋ، توعىسۋ تاريحىن» قۇراستىرىپ بولدىق، تاياۋدا باسپادان شىعىپ تاراتىلادى“ دەدى چىن رۇيفىڭ تانىستىرىپ، بۇل كىتاپ جيىنى 11 توم، 4 ميلليون 200 مىڭ ارىپتەن اسادى، جۇڭحۋا ۇلتى ورتاق تۇلعاسىنىڭ تاريحي ماتەريال جۇيەسىن، ءسوز جۇيەسىن، نازاريالىق جۇيەسىن قۇرۋدى ىلگەرىلەتۋگە ماڭىزدى نەگىز قالايدى.

”ۇلتتار ىنتىماعى العاباسارلىعىن جەبەۋ زاڭىن ۇيرەنۋدى، ۇگىتتەۋدى ويداعىداي ىستەۋ _ جالپى حالىققا زاڭ جالپىلاستىرۋدىڭ ماڭىزدى مىندەتى“. ءادىليا مينيسترىنىڭ ورىنباسارى حۋ ۋەيليە تانىستىرىپ بىلاي دەدى: ۇلتتار ىنتىماعى العاباسارلىعىن جەبەۋ زاڭىن ۇيرەنۋدى، ۇگىتتەۋدى ۇلت قىزمەتىنە قاتىستى زاڭ شىعارۋ، زاڭ اتقارۋ، ءادىليانىڭ تۇتاس بارىسىنا ءسىڭىرىپ، نەگىزگى زاڭ ۇگىت اپتالىعى، ۇلتتار ىنتىماعى العاباسارلىعى ۇگىت اپتالىعى، جالپى حالىقتىق مەملەكەت حاۋىپسىزدىگى تاربيەسى كۇنى سياقتى قيمىلدارمەن ۇشتاستىرىپ، الەۋمەتتىك اۋماق، اۋىل - قىستاق، مەكتەپ، قوعامدىق ۇيىمدار سياقتىلارعا ىشكەرىلەي ارالاسىپ، پارتيانىڭ ۇلت ساياساتى مەن قاتىستى زاڭ - ەرەجەلەردى كۇش سالا ۇگىتتەۋ كەرەك.