5 - ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن 24513 ماسەلە تەكسەرىلىپ ءبىرجاقتى ەتىلدى

حالىق گازەتىنىڭ ءتىلشىسى شي يچي 6 – ايدىڭ 24 – كۇنى بەيجيڭنەن حابارلايدى. ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ كوميتەتىنىڭ تورابى 6 – ايدىڭ 24 – كۇنى ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردى تەكسەرىپ ءبىرجاقتى ەتۋگە قاتىستى ايلىق ساندى مالىمەتتى جاريالادى. حابارلاندىرۋعا قاراعاندا، بيىل 5 – ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن جيىنى 24513 ماسەلە تەكسەرىلىپ ءبىرجاقتى ەتىلگەن، سىن ايتىلعان، تاربيە بەرىلگەن جانە ءبىرجاقتى ەتىلگەن ادام سانى 31184 ادام (ولكە – مينيسترلىك دارەجەلى ءبىر كادر، ايماق – مەڭگەرمە دارەجەلى 118 كادر قامتىلعان)، پارتيا ءتارتىبى جانە اكىمشىلىك ءتارتىپ بويىنشا جازالانعاندار سانى 20012 ادام.

حابارلاندىرۋعا نەگىزدەلگەندە، بيىل 5 – ايدا ەلىمىز بويىنشا فورماشىلدىققا، تورەشىلدىككە ساياتىن ماسەلەلەردەن جيىنى 12994 ماسەلە تەكسەرىلىپ ءبىرجاقتى ەتىلگەن، سىن ايتىلعان، تاربيە بەرىلگەن جانە ءبىرجاقتى ەتىلگەندەر سانى 16958 ادام بولعان. مۇندا ”مىندەتىن اتقارىپ، جاۋاپكەرشىلىگىن ادا ەتۋ، ەكونوميكا مەن قوعامنىڭ دامۋى جولىندا قىزمەت ەتۋ جانە ەكولوگيالىق ورتانى قورعاۋ جاقتارىندا جاۋاپكەرشىلىگىن ادا ەتپەي، مىندەتىن اتقارماي، مىندەتىن الباتى اتقارىپ، مىندەتىن جالعان اتقارىپ، جوعارى ساپالى دامۋعا اۋىر دارەجەدە ىقپال جاساۋ“ جاعىنداعى ماسەلەلەر ەڭ كوپ بولىپ، 10783 ماسەلە انىقتالىپ ءبىرجاقتى ەتىلگەن، سىن ايتىلعان، تاربيە بەرىلگەن جانە ءبىرجاقتى ەتىلگەندەر سانى 14141 ادام بولعان.

حابارلاندىرۋعا قاراعاندا، بيىل 5 – ايدا ەلىمىز بويىنشا راحاتقۇمارلىققا، ىسىراپشىلدىققا ساياتىن ماسەلەلەردەن جيىنى 11519 ماسەلە انىقتالىپ ءبىرجاقتى ەتىلگەن، سىن ايتىلعان، تاربيە بەرىلگەن جانە ءبىرجاقتى ەتىلگەندەر سانى 14226 ادام بولعان. مۇندا بەلگىلەمەگە قايشى تۇردە قىمبات باعالى جەرگىلىكتى ونىمدەردى جانە اقشالاي، زاتتاي تارتۋ – تارالعى ۇسىنۋ – قابىلداۋعا ساياتىن 6829 ماسەلە، بەلگىلەمەگە قايشى تۇردە قوسىمشا قاراجات نەمەسە يگىلىك بۇيىم تاراتۋعا ساياتىن 1360 ماسەلە، بەلگىلەمەگە قايشى تۇردە ءىشىپ – جەۋگە ساياتىن 2188 ماسەلە انىقتالىپ ءبىرجاقتى ەتىلگەن.

كەلۋ قاينارى: حالىق تورابى