اۋىلداستاردى باقىتتى تۇرمىسقا كەنەلتتى (اۋەلگى ماقساتتى، بورىشتى ەستە بەرىك ساقتاپ، گۇلدەنۋ ساپارىندا ەكپىندەي ىلگەرىلەيىك)

جازدا گۋاڭدۇڭنىڭ مەيجوۋ قالاسى ميشيان رايونى يانياڭ قالاشىعى نانفۋ تسيترۋس ەگۋ بازاسى جاسىل جەلەك جامىلىپ، بال شىرىندى تسيترۋستار اعاش باسىندا سامسىپ تۇر.

”قازىر جاس جەمىستىڭ پىسىپ كەلە جاتقان شەشۋشى مەزگىلى، باپتاۋدى تياناقتاندىرۋدىڭ ءوزى مول ونىمنەن دەرەك بەرەدى“ دەدى تسيترۋس ەگۋشى حۋاڭ حۇڭ كوڭىلدى بەينەدە. نانفۋ قىستاعى پارتيا باس ياچەيكاسىنىڭ شۋجيى حۋاڭ كايجى ونىڭ ءسوزىن جالعاپ: ”تسيترۋس جەمىسىنىڭ ارقاسىندا كىرىسىمىز ارتىپ، تۇرمىسىمىز باي - باياشاتتى بولۋدا“ دەدى.

2025 - جىلى 11 - ايدا باس شۋجي شي جينپيڭ گۋاڭدۇڭنىڭ مەيجوۋ قالاسىندا قىزمەت تەكسەردى. يە جيانيىڭ ەسكەرتكىش باقشاسىنا كەلگەندە، باس شۋجي بىلاي دەپ باسا دارىپتەدى: ”پارتيا تاريحى ۇگىت تاربيەسىمەن ۇشتاستىرىپ، اعا بۋىن پرولەتاريات توڭكەرىسشىلەرىنىڭ حيكاياسىن جاقسى بايانداپ، قالىڭ كادرلار مەن بۇقارانى، اسىرەسە، جاستار مەن ورەندەردى قىزىل گەندى جالعاستىرۋعا، قىزىل قان تامىردى جالعاستىرۋعا، پارتيانىڭ سوزىنە ماڭگى قۇلاق اسۋعا، پارتياعا ماڭگى ىلەسۋگە تاربيەلەۋ، جەتەكتەۋ كەرەك“. نانفۋ تسيترۋس ەگىمشىلىگى بازاسىنا بارعاندا، باس شۋجي بىلاي دەپ اتاپ كورسەتتى: ”اۋىل - قىستاقتىڭ ەرەكشە كاسىپ سالاسىن دامىتۋ − اۋىل - قىستاقتى جاپپاي گۇلدەندىرۋدى ىلگەرىلەتۋدىڭ نەگىزى، عىلىم - تەحنيكادان پايدالانۋدى كۇشەيتىپ، اۋىل شارۋاشىلىعى مەن مادەنيەت - ساياحاتتىڭ توعىسۋىن ىلگەرىلەتىپ، كاسىپ سالاسى تىزبەگىن ۇزدىكسىز ۇزارتىپ، قوسىمشا قۇندى ارتتىرۋ، ءتىپتى دە كوپ شارۋالار بۇقاراسىنىڭ كىرىسىن ارتتىرىپ، اۋقاتتانۋىنا جەتەكشىلىك ەتۋ كەرەك“.

باس شۋجيدىڭ تاپسىرماسىن ەستە بەرىك ساقتاعان مەيجوۋ تۇتاس ءوڭىر بويىنشا بۇرىنعى ورتالىق سوۆەت رايونىنىڭ قىزىل نەگىزىن تياناق ەتىپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، قىزىل بايلىقتى دامۋ بايلىعىنا اينالدىرىپ، جاسىل باسىمدىقتى حالىقتى اۋقاتتاندىرۋدىڭ ارتۋ مولشەرىنە اينالدىردى.

گۋاڭدۇڭ، فۋجيان، جياڭشي ولكەلەرى شەكارالاساتىن اۋماققا ورنالاسقان مەيجوۋدىڭ تاۋ - وزەندەرى توڭكەرىس ىزدەرىنە تولعان، بۇكىل قالاداعى 509 قىزىل توڭكەرىستىك كونە ورىن مەن ەسكە ءتۇسىرۋ قۇرىلعىلارىنا سۇيەنگەن مەيجوۋ 12 قىزىل مادەنيەت تانىسقىسىن كۇش سالا قالىپتاستىرىپ، 19 ”قىزىل +“ زەرتتەۋ - ۇيرەنۋ جولىن ىركەس - تىركەس العا قويىپ، اۋىل شارۋاشىلىعى، مادەنيەت، ساياحات ىستەرىن توعىسپالى دامىتىپ، حالىقتى اۋقاتتاندىرۋ كاسىپ سالاسىن گۇلدەندىردى.

يانياڭ قالاشىعى حۋشيڭ قىستاعىنداعى يە جيانيىڭ ەسكەرتكىش باقشاسى ايبىندى دا اسقاق ەڭسە كوتەرىپ تۇر. ەسكەرتكىش سارايىندا تولىق كەسكىندى پروەكتسيالىق قالپىنا كەلتىرىلگەن سوعىس مايدانى، جاساندى زەردەمەن قالپىنا كەلتىرىلگەن كەسكىندى كورمە ماتەريالدارى ساياحاتشىلاردى ەكسكۋرسيالاۋعا باۋراۋدا، بيىل 1 - ايدان 5 - ايعا دەيىن، رەت سانى بويىنشا 520 مىڭ ساياحاتشى قابىلداسا، جاستار مەن ورەندەردىڭ زەرتتەۋ - ۇيرەنۋ ۇيىرمەسى سايكەس مەزگىلدەگىدەن %50 كە جۋىق ارتتى.

ميشيان رايونى ميننان قالاشىعى شۇيمي قىستاعىنداعى دۇڭجياڭ جۇمىسشى - شارۋا قىزىل ارمياسى باس قولباسشىلىق شتابىنىڭ كونە جۇرتى، بۇل اراعا كوپتەگەن ساياحاتشى ەكسكۋرسيالاۋعا كەلەدى. قىستاق قىزىل اۋىل - قىستاق جالپىلىق قىزمەت وتەۋ سەرىكتەستىگىن قۇرىپ، ”جىلجىمالى يدەيا - ساياسي ساباعىن“ العا قويىپ، جەرگىلىكتى تاۋىق سياقتى ەرەكشە ونىمدەردى سايكەستىرىپ كورمەگە قويىپ ساتىپ، قىستاق تۇرعىندارىنىڭ كىرىستى ارتتىرۋىن جەبەدى. ”ۇيىمدە 4000 نەشە جەرگىلىكتى تاۋىق بار بولاتىن، قازىر ساتۋدان الاڭدامايتىن بولدىم“ دەدى باقتاشى چيۋ شۋەمەي.

كاسىپ سالاسىنىڭ كوركەيۋىندە عىلىم - تەحنيكا قوزعاۋشىلىق رول اتقاردى. ”بۇرىن تسيترۋستىڭ ءونىم مولشەرى تۇراقسىز، ساپاسى ناشار بولاتىن، قازىر عىلىم - تەحنيكا ارقىلى جەمىس - جيدەك ەگىپ، ’جاقسى تاۋ، جاقسى سۋ، جاقسى تسيترۋس‘ ماركاسىن تانىمال ەتتىك“. حۋاڭ حۇڭنىڭ تسيترۋس باقشاسىندا زات تاسۋدا رەليستى اۆتوكولىك، باسقارۋ، قورعاۋدا اقىلدىق سەزگى بار، ءونىم ساپاسى ورنىقتى جوعارىلادى، ”كىرىس كوزى بولىپ وتىرعان وسى جەمىس كاسىبىن اناعۇرلىم تىڭعىلىقتى، اناعۇرلىم باياندى ەتۋىمىز كەرەك!“ دەدى ول.

تسيترۋس − كەرەمەت جەمىس، ودان گليۋكوزيد، تسيترۋس ۇگىلمەسى سياقتىلاردى مانەرلەۋگە بولادى. قازىر ميجوۋدا تسيترۋس ەگىلگەن جەر كولەمى شامامەن 650 مىڭ مۋ بولىپ، جىلدىق ءونىم مولشەرى ءبىر ميلليون 200 مىڭ توننادان اسىپ، تۇتاس كاسىپ سالاسى تىزبەگىنىڭ ءونىم قۇنى 9 ميلليارد يۋانعا جەتىپ، 100 مىڭنان استام شارۋا وتباسىنىڭ كىرىسىن ارتتىردى. بايلىق قاينارىن تياناق ەتكەن ميجوۋ قالاسى ميجوۋ تسيترۋسى، كىدوۋمي، شيڭنيڭ كەپتەرى، كىجيا قۋىرماشتارى سياقتى كاسىپ سالاسى ماركالارىن ۇزدىكسىز جارقىراتىپ، جىلدىق جالپىلىق ءونىم قۇنىن 30 ميلليارد يۋاننان اسىردى.

بايىرعى رايوننىڭ اۋقاتتانۋ جولى بارعان سايىن كەڭەيدى. 2025 - جىلى ميجوۋدىڭ وڭىرلىك ءوندىرىس جالپى ءونىم قۇنى %5.8 ارتىپ، اۋىل - قىستاق تۇرعىندارىنىڭ جان باسىندىق كىرىسى 24 مىڭ 502 يۋان بولىپ، %5.9 ارتىپ، قالا - اۋىل تۇرعىندارىنىڭ كىرىس پارقى ونان ارى ازايدى.

كەلۋ قاينارى: حالىق تورابى