ەلىمىز 7 - ايدىڭ 1 - كۇنىنەن باستاپ جالپى بەتتىك نەگىزگى تاسقىن مەزگىلىنە ءوتتى 

ورتالىق تەلەۆيزيا تورابىنىڭ حابارى: ”جۇڭگو سۋ يگىلىگى“ ۋيشين تەكشەسىنىڭ حابارلاۋىنشا، 7 – ايدىڭ 1 – كۇنىنەن باستاپ، ەلىمىزدە نەگىزگى تاسقىن مەزگىلى جالپى بەتتىك باستالدى. مەجەلەۋ جانە جان – جاقتى ساراپتاۋعا نەگىزدەلگەندە، نەگىزگى تاسقىن مەزگىلىندە (7 — 8 – ايلاردا) ەلىمىزدىڭ وڭتۇستىگى مەن سولتۇستىگىندەگى وڭىرلەردە تۇگەلدەي جاڭبىر كوپ جاۋاتىن بولادى، سولتۇستىكتە تاسقىن اپاتى ءبىرشاما اۋىر بولادى، ءىشىنارا وڭىرلەردە قالىڭ جاڭبىر جانە تاسقىن كوپ تۋىلادى، ءبىرشاما كۇشتى تايفىڭ داۋىلى سولتۇستىككە قاراي ويىسىپ ىشكى قۇرلىققا ىقپال جاساۋى مۇمكىن، باتىس وڭتۇستىك، باتىس سولتۇستىك قاتارلى جەرلەردىڭ ءىشىنارا وڭىرلەرىندە تەمپەراتۋرانىڭ جوعارى بولۋى، جاڭبىردىڭ از بولۋى سەبەبىنەن كەزەڭدىك قۋاڭشىلىق تۋىلۋى مۇمكىن، تاسقىننان ساقتانۋ، قۋاڭشىلىقپەن كۇرەسۋ جاعدايى اۋىر ءارى كۇردەلى.

سۋ يگىلىگى مينيسترلىگى نەگىزگى تاسقىن مەزگىلىندەگى تاسقىن اپاتى مەن قۋاڭشىلىق اپاتىنان ساقتانۋ قىزمەتىنە ايرىقشا ءمان بەرۋدە، مەملەكەتتىك تاسقىننان ساقتانىپ، قۋاڭشىلىقپەن كۇرەسۋ باس قولباسشىلىق شتابىنىڭ ورىنباسار باس قولباسشىسى مەن سۋ يگىلىگى مينيسترلىگى بەينە كەسكىن ارقىلى سۋ يگىلىگى مينيسترلىگىنىڭ چاڭجياڭ، حۋاڭحى، حۋايحى، حايحى، جۋجياڭ، سۇڭلياۋ سۋ يگىلىگى كوميتەتتەرى جانە تايحۋ الابىن باسقارۋ مەكەمەسىمەن بايلانىس جاساپ، نەگىزگى تاسقىن مەزگىلىندەگى تاسقىن اپاتى مەن قۋاڭشىلىق اپاتىنان ساقتانۋ قىزمەتى جونىندە قايتالاي اتتانىسقا كەلتىرىپ، قايتالاي ورنالاستىرۋ جاسادى.

7 - ايدىڭ 1 – كۇنى تۇستەن بۇرىن، سۋ يگىلىگى مينيسترلىگى كەزەكتى كەڭەسىن وتكىزىپ، قازىرگى جانە جۋىرداعى جاۋىن - شاشىن جاعدايى، سۋ جاعدايى، تاسقىن جاعدايى، قۋاڭشىلىق جاعدايىنىڭ مولايۋ اۋقىمىنا تالداۋ جۇرگىزىپ، تۇجىرىم جاساپ، ءتۇيىندى ساقتانۋ شارالارىن تياناقتاندىرۋ جونىندە نىسانالى ورنالاستىرۋ جاسادى. جاۋىن - شاشىن جاعدايىنان 24 ساعاتتىق بولجام جاساۋعا نەگىزدەلە وتىرىپ، لياۋنيڭ، شاڭحاي، جىجياڭ، انحۇي، جياڭشي، حۋبەي، حۋنان، گۋاڭشي، سىچۋان، گۇيجوۋ، يۇننان، گانسۋ، چيڭحاي، شينجياڭ قاتارلى 14 ولكەگە (اۆتونوميالى رايون، توتە قاراستى قالا) ”ءبىر ولكەگە بىردەن“ نىسانالى دابىل قاعىپ، نوسەردىڭ قامتيتىن اۋماعىنداعى اۋدان (قالا، رايون) تىزىمدىگى، سۋ قويماسى تىزىمدىگى، تاسقىن اپاتىنىڭ حاۋىپ – قاتەرى بار رايوندار مەن تۇيىندەر جونىندە حابارلاندىرۋ جولداپ، سۋ قويماسىنىڭ تاسقىن مەزگىلىندەگى حاۋىپسىزدىگىنە كەپىلدىك ەتۋ، ورتاشا، شاعىن وزەندەردەگى تاسقىن اپاتىنان ساقتانۋ قاتارلى قىزمەتتەردى ويداعىداي ىستەۋدى ەسكەرتتى.

كەلۋ قاينارى: حالىق تورابى