جۇڭگو فۋتبول بىرلەستىگى وسەك – اياڭعا تويتارىس بەردى 

7 - ايدىڭ 22 – كۇنى، جۇڭگو فۋتبول بىرلەستىگىنىڭ ميكروبلوگى حابارلاندىرۋ شىعارىپ، ”ميليشيچ قىزمەتتەن بوسادى“ دەگەن حاباردىڭ مۇلدە جالعان ەكەندىگىن، ميليشيچدىڭ جوسپار بويىنشا ازيا سپورت جارىسىنا دايىندالۋدا ەكەندىگىن ءبىلدىردى.

حابارلاندىرۋدا مىنالار جازىلعان: جۇڭگو فۋتبول بىرلەستىگى جۋىردا جۇڭگو مەملەكەتتىك ايەلدەر فۋتبول كومانداسىنىڭ باس باپكەرى انتە ميليشيچ مىرزانىڭ قىزمەتتەن بوساۋ تۋرالى ەشقانداي جازباشا نەمەسە اۋىزشا ءوتىنىشىن تاپسىرىپ المادى، ميليشيچ جوسپار بويىنشا كوماندانى باستاپ، ايچي – ناگويا ازيا سپورت جارىسىنا دايىندالادى جانە قاتىناسادى.

ازيا سپورت جارىسىنا دايىندالۋ جانە جارىسقا قاتىناسۋ جوسپارىنا ساي، جۇڭگو مەملەكەتتىك ايەلدەر فۋتبول كومانداسى 8 – ايدىڭ 8 – كۇنىنەن 9 – ايدىڭ 10 – كۇنىنە دەيىن سۋجوۋدا شوعىرلى جاتتىعۋ وتكىزەدى، ءارى 9 – ايدىڭ 11 – كۇنى جاپونياعا ساپار شەگىپ، ازيا سپورت جارىسىنىڭ ايەلدەر فۋتبول جارىسىنا قاتىناسادى.

قازىر، كوماندا باس باپكەر انتە ميليشيچ بەلگىلەگەن شوعىرلى جاتتىعۋ جوسپارى بويىنشا ءتۇرلى دايىندىق قىزمەتتەرىن ىلگەرىلەتۋدە. شەتەلدىك باپكەرلەر گرۋپپاسى شوعىرلى جاتتىعۋ باستالۋدان بۇرىنعى ءبىر اپتا ىشىندە ەلگە ورالۋدى جانە ازيا سپورت جارىسىنا دايىندالۋدى جوسپارلاعان.

كەلۋ قاينارى: حالىق تورابى