بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.07.30 15:59 كەلۋ قاينارى : حالىق تورابى
جەرگىلىكتى ۋاقىت بويىنشا 7 – ايدىڭ 29 – كۇنى، حالىقارالىق فۋتبول بىرلەستىگى ارگەنتينا فۋتبول بىرلەستىگىنە قاتىستى كوپ ءتۇرلى تارتىپتىك تەكسەرۋدى باستاعاندىعىن جاريالادى، سونىمەن بىرگە ا ق ش – كانادا – مەكسيكا الەم چەمپيوناتىنىڭ شەشۋشى جارىسىندا تۋىلعان قاقتىعىس جايىتىنە بايلانىستى، ارگەنتينا فۋتبولشىلارى پارەدەس، مولينا جانە كومەكشى جاتتىقتىرۋشى ايالا جونىندە تارتىپتىك تەكسەرۋ باستادى. وسى ءۇش ادام ”شابۋىلداۋ“ ارەكەتىن قولدانعاندىقتان، جارىسقا قاتىناسۋىنا ۇزاق مەرزىمدىك تيىم سالۋ سىندى جازاعا ۇشىراۋى مۇمكىن.
ارگەنتينا فۋتبول بىرلەستىگى جونىندەگى كوپ ءتۇرلى تەكسەرۋ جارىس كەزىندەگى ايعاي – شۋ مەن ”ءجونسىز ۇران“ سەكىلدى ىستەرگە قاتىستى، مۇنىڭ ىشىندە وسى رەتكى الەم چەمپيوناتىنىڭ جارتىلاي شەشۋشى جارىسىندا انگليا كومانداسىن جەڭگەننەن كەيىن، ارگەنتينا كومانداسىنىڭ فۋتبولشىلارى ”مالۆيناس ارالى ارگەنتيناعا ءتان“ دەپ جازىلعان كەرمە تۋدى كورسەتكەن ءارى بۇل كەرمە تۋدى الاڭعا تاستاپ كەتكەن. سونىمەن بىرگە، ارگەنتينا فۋتبول بىرلەستىگى الالاۋعا جانە ناسىلدىك كەمسىتۋگە قاتىستى ايىپتاۋلار بويىنشا تەكسەرۋگە ۇشىرادى.
حالىقارالىق فۋتبول بىرلەستىگىنىڭ مالىمدەمەسىندە: ”«حالىقارالىق فۋتبول بىرلەستىگىنىڭ ءتارتىپ ەرەجەسىنە» ساي، قازىر ىسكە قاتىستى جاقتارعا ءوز پىكىرىن بايانداۋ ورايى بەرىلدى، وسىدان سوڭ حالىقارالىق فۋتبول بىرلەستىگىنىڭ ءتارتىپ كوميتەتى ۇيلەسىمدى ۋاقىتتا ۇكىم شىعارادى“، - دەگەن.
سونىمەن بىرگە، ارگەنتينا فۋتبولشىسى المادا مەن يسپانيانىڭ ورتا شەبىندەگى گاۆي دە ”سپورتقا جات ارەكەت“ جاساعاندىقتان، ولارعا قاتىستى تەكسەرۋ باستالدى.
كەلۋ قاينارى: حالىق تورابى
