شۇعىل جاعدايلارعا توتەپ بەرۋدى باسقارۋ مينيسترلىگى سىچۋاندا گەولوگيالىق اپاتقا قاتىستى مەملەكەتتىك 4 – دارەجەلى شۇعىل جاعدايعا توتەپ بەرۋ شارالارىن اتقاردى

ورتالىق تەلەۆيزيا تورابىنىڭ حابارىنا قاراعاندا، اۋا رايى تاراۋلارىنىڭ بولجامىنا ساي، 7 – ايدىڭ 29 – كۇنىنەن 8 – ايدىڭ 1 – كۇنىنە دەيىن، سىچۋاننىڭ ورتا - شىعىسى مەن وڭتۇستىگىنىڭ ءىشىنارا ورىندارىندا قالىڭ جاڭبىر نەمەسە نوسەر جاۋادى، ءىشىنارا وڭىرلەردە قالىڭ نوسەر جاۋادى. جاراتىلىستىق بايلىق مينيسترلىگىمەن بىرگە كەڭەسۋ ارقىلى سىچۋاننىڭ ورتا - شىعىسىنداعى ءىشىنارا ورىندارىندا گەولوگيالىق اپات تۋىلۋ حاۋىپ – قاتەرى جوعارى دەگەن تۇجىرىم جاساعان. «مەملەكەتتىك تۇتقيىل تۋىلاتىن گەولوگيالىق اپاتقا قاتىستى شۇعىل جاعدايعا توتەپ بەرۋ جوباسىنا» جانە قاتىستى بەلگىلەمەلەرگە ساي، شۇعىل جاعدايلارعا توتەپ بەرۋدى باسقارۋ مينيسترلىگى 7 – ايدىڭ 29 – كۇنى سىچۋانعا باعىتتاپ گەولوگيالىق اپاتقا قاتىستى مەملەكەتتىك 4 – دارەجەلى شۇعىل جاعدايعا توتەپ بەرۋ شارالارىن اتقارعان.

شۇعىل جاعدايلارعا توتەپ بەرۋدى باسقارۋ مينيسترلىگى مىنانى تالاپ ەتتى: قاتىستى وڭىرلەر گەولوگيالىق اپاتتىڭ الدىن الۋ، توتەپ بەرۋ قىزمەتىن شىنايى ويداعىداي ىستەۋى، جەرگىلىكتى ورىنداردىڭ الدىن الۋ، توتەپ بەرۋ جاعىنداعى نەگىزگى تۇلعالىق جاۋاپكەرشىلىگىن ناقتىلاندىرۋى، تاراۋلار ارا سايكەسۋ، بىرگە ارەكەتتەنۋ قىزمەت مەحانيزمىن كۇشەيتۋى، جاڭبىردىڭ جاعدايىن، تاسقىننىڭ جاعدايىن جانە گەولوگيالىق اپاتتىڭ جاعدايىن، حاۋىپ – قاتەر جاعدايىن ءجىتى باقىلاۋى، كەڭەسۋ، تۇجىرىمداۋ جانە ساقتاندىرۋ، بىرلەسىپ شارا قولدانۋ قىزمەتىن كۇشەيتۋى، قۇتقارۋ كۇشتەرىن، زاتتاردى، قۇرال - جابدىقتاردى الدىن الا ورنالاستىرۋى، شارلاپ تەكسەرۋ، ءبىر – بىرلەپ تەكسەرۋ جانە باقىلاۋ – دابىل قاعۋ قىزمەتىن كۇشەيتۋى، اپاتقا ۇشىراعان جاعدايدا جوتكەۋ جانە حاۋىپتەن اراشالاۋ قىزمەتىن باتىل ورىستەتۋى، كوشىرۋگە تيىستىلەردىڭ بارلىعىن كوشىرۋگە، كوشىرۋگە تيىستىلەردى ەرتەرەك كوشىرۋگە كەپىلدىك ەتۋى، ءولىم – ءجىتىم مەن جارالانۋ جايىتتەرىنىڭ الدىن الۋعا بارىنشا قۇلشىنۋى قاجەت.

كەلۋ قاينارى: حالىق تورابى