حالىق ىستەرى مينيسترلىگى زاڭسىز قوعامدىق ۇيىمدارعا سوققى بەرۋ جانە جونگە سالۋ قىزمەتىن ىشكەرىلەي ىلگەرىلەتتى 

حالىق گازەتىنىڭ ءتىلشىسى رىن حۋان 7 – ايدىڭ 29 – كۇنى بەيجيڭنەن حابارلايدى. جۋىردا حالىق ىستەرى مينيسترلىگىنەن ۇعىسۋعا قاراعاندا، 2026 – جىلدىڭ العاشقى جارتىسىندا، بۇكىل ەلىمىزدەگى ءار دارەجەلى حالىق ىستەرى تاراۋلارى زاڭسىز قوعامدىق ۇيىمداردان 702 ۇيىمدى ءبىر جايلى ەتكەن، مۇنىڭ ىشىندە كۇماندى زاڭسىز قوعامدىق ۇيىم تىزىمدىگىنە ەنگىزىلگەنى نەمەسە سەلبەسىپ تەكسەرۋ ارقىلى حابارلاندىرۋ شىعارىلعانى 163 ۇيىم، زاڭ بويىنشا تيىم سالىنعانى 63 ۇيىم، تاراتىپ جىبەرۋ جونىندە بۇيرىق شىعارىلعانى 399 ۇيىم، 77 ۇيىمنىڭ تىركەلۋىنە جەتەكشىلىك ەتىلگەن، سوققى بەرۋ جانە جونگە سالۋ قىزمەتىندە تىڭ ناتيجەلەر قولعا كەلتىرىلگەن.

تانىستىرۋعا قاراعاندا، 2026 – جىلدىڭ العاشقى جارتىسىندا، حالىق ىستەرى مينيسترلىگى قازىرگى كەزدەگى زاڭسىز قوعامدىق ۇيىمداردىڭ قيمىل وتكىزۋ ەرەكشەلىگىنە ۇشتاستىرا وتىرىپ، رەسمي ورگانداردىڭ اتىن جامىلىپ، ”جۇڭگو“، ”جۇڭحۋا“، ”مەملەكەتتىك“ دەگەن سياقتى سوزدەردى قالاعانىنشا قولدانۋ ارقىلى جۇرتشىلىقتى الجاستىرىپ، بەلگىلەمەگە قايشى تۇردە قيمىل ۇيىمداستىرعان زاڭسىز قوعامدىق ۇيىمداردى سوققى بەرۋ، جونگە سالۋدىڭ باستى ءتۇيىنى ەتكەن، جەر – جەردەگىلەردىڭ ”جۇڭگو وقۋ – اعارتۋدى زەرتتەۋ قوعامى“، ”مەملەكەتتىك ءوندىرىس پەن وقىتۋدى توعىستىرۋ قىزمەتىنە جەتەكشىلىك ەتۋ كوميتەتى“، ”جۇڭگو جاڭا ءداۋىر مادەنيەت ستراتەگياسىن زەرتتەۋ مەكەمەسى“، ”جۇڭگو مادەنيەت وقۋ – اعارتۋىن زەرتتەۋ ورتالىعى“ قاتارلى ءبىر توپ زاڭسىز قوعامدىق ۇيىمداردىڭ جۇمىسىن زاڭ بويىنشا توقتاتۋى جونىندە ورنالاستىرۋ جاساپ، قوعامدىق ۇيىمداردى تىركەۋ - باسقارۋ ءتارتىبىن كۇش سالا قورعاعان.

كەلۋ قاينارى: حالىق تورابى