باستان - اياق حالىقپەن تىنىستاس، تاعدىرلاس، جۇرەكتەس بولايىق (باس شۋجيدىڭ حالىقشىلدىق سۇيىسپەنشىلىگى)

”حالىققا تەرەڭ تامىر تارتىپ، باستان - اياق بەرىك نەگىزگە يە بولدىق“، جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ جۇڭگو كوممۋنيستىك پارتياسىنىڭ 6 ۇلكەن تاڭداۋلى ەرەكشەلىگىن ەگجەي - تەگجەيلى جيناقتادى، مىنە، بۇل − سولاردىڭ ءبىرى.

حالىق ءۇشىن ومىرگە كەلدى، حالىق ءۇشىن گۇلدەندى.

7 - ايدىڭ 15 - كۇنى باس شۋجي شي جينپيڭ شاڭحايدا قىزمەت تەكسەرگەندە بىلاي دەپ باسا دارىپتەدى: ”كوممۋنيستىك پارتيا بۇقارا ءۇشىن قىزمەت ىستەيدى، تەك حالىق بۇقاراسى تىنىش ءومىر، شات - شادىمان تىرشىلىك كەشكەندە عانا، پارتيا مەن ۇكىمەت الاڭسىز بولادى“.

شىكۋمىننان تيان - انمىن الاڭىنا دەيىن، كاسىپتى گۇلدەندىرۋ جولىنان قايتا گۇلدەنۋ جولىنا دەيىن، پارتيامىز بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىن سانالى تۇردە امالياتتا ايگىلەپ، ”باستان - اياق حالىقپەن تىنىستاس، تاعدىرلاس، جۇرەكتەس بولدى“.

پارتيانىڭ نەگىزى حالىقتا، قان تامىرى حالىقتا، كۇش - قۋاتى حالىقتا. شي جينپيڭ پارتيا قۇرىلىسى يدەياسىندا حالىققا دەگەن تەرەڭ سۇيىسپەنشىلىك قامتىلىپ، جاڭا داۋىردەگى كوممۋنيستەردىڭ باستان - اياق ”ەمتيحانعا قاتىناسۋ“ سەرگەكتىگى مەن تاباندىلىعىن ساقتاۋىنا جەتەكشىلىك ەتىپ، ءداۋىر مەن حالىققا لايىق تىڭ ناتيجەلەر ۇزدىكسىز جارىققا شىقتى.

”مەن كىممىن، كىم ءۇشىن ىستەيمىن، كىمگە سۇيەنەمىن“، ۇنەمى ۇعىنۋ، ۇنەمى جاڭارۋ بارىسىندا اۋەلگى ماقساتتى ۇمىتپادى.

پارتيانىڭ 18 - قۇرىلتايىنان كەيىن باس شۋجي شي جينپيڭ جاڭا داۋىردەگى پارتيا ىشىندەگى شوعىرلى تاربيەنىڭ ”ءبىرىنشى ساباعى“ − پارتيانىڭ بۇقارالىق لۋشيان تاربيەسىن امالياتتا ايگىلەۋ قيمىلىن ءوزى جوبالاپ، ورنالاستىردى.

ادام ماسەلەسى نە ءۇشىن ءبىر ساياسي پارتيانىڭ، ءبىر اكىمياتتىڭ سيپاتىن سىنايتىن سىنتاس بولىپ تابىلادى.

تايحاڭشان تاۋىنىڭ قويناۋىندا سۇپىدا مالداس قۇرىپ وتىرىپ، ”قىستان وتەتىن ماقتا كورپە بار ما، جوق پا“، ”جىلىناتىن كومىر جەتكىلىكتى مە، جوق پا“ دەپ سۇرادى؛ بەيجيڭ حۋتۇڭىندا تۇرعىندارمەن بىرگە حۋتۇڭداعى اۋلانىڭ جاڭالانۋىن اقىلداسىپ، ”جولىققان باستى قيىنشىلىقتاردىڭ نە ەكەندىگىنە“ كوڭىل ءبولدى... باس شۋجي حالىق اراسىنا ىشكەرىلەي ارالاسىپ، بۇقارانىڭ مۇڭ - مۇقتاجىن سەزىنىپ، كوممۋنيستەردىڭ اۋەلگى ماقساتى مەن بورىشىن امالياتتا ايگىلەدى.

”بيلىك − حالىق، حالىق − بيلىك“، باس شۋجي شي جينپيڭ بىلاي دەپ باسا دارىپتەدى: حالىقتىق تۇرعى − جۇڭگو كوممۋنيستىك پارتياسىنىڭ ءتۇبىرلى ساياسي تۇرعىسى، ماركسيزمدىك ساياسي پارتيانىڭ باسقا ساياسي پارتيالاردان پارىقتالاتىن بەلگىسى.

جۇڭگو ۇلگىسىندەگى وسىزامانداندىرۋ دامۋ حالىق ءۇشىن بولۋدا، دامۋدا حالىققا سۇيەنۋگە، دامۋ جەتىستىكتەرىنەن حالىق ورتاق يگىلىكتەنۋگە باستان - اياق تاباندى بولدى. ”حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز“ دەگەن ايبىندى ۋادەدە، ”مەن وزىممەن ساناسپاي حالىقتىڭ ءۇمىتىن اقتايمىن“ دەگەن تەرەڭ سۇيىسپەنشىلىكتە كوسەم حالىقپەن تىلەكتەس بولىپ، پارتيا مەن حالىق تىلەگى ۇندەستىك تاپتى.

”بۇقارانى جاقسى تۇرمىسقا كەنەلتۋگە“ دەگەن تەرەڭ ساعىنىش، تەرەڭ ءۇمىت، بۇقارانىڭ ىسىندە ”قاي - قاشان دا قام جەپ تۇرۋ“ سىندى جاۋاپكەرشىلىك سەزىم ءجۇز ميلليونداعان حالىقتىڭ سەنىمى مەن قولداۋىنا ۇزدىكسىز اينالدى.

”بۇقارادان الىپ، بۇقاراعا قايتاردى“، حالىقتى ۇستاز تۇتىپ، حالىقتان ۇيرەندى.

”مەن كەدەيلەردى دالمە - ءدال سۇيەمەلدەۋ ستراتەگياسىن العا قويدىم، بۇل ىشكەرىلەي تەكسەرۋ - زەرتتەۋ نەگىزىندە العا قويىلعان“. پارتيا 18 - قۇرىلتايىنان بەرى باس شۋجي شي جينپيڭ ورتالىقتىڭ كەدەيلەردى سۇيەمەلدەۋ قىزمەتى جونىندەگى اڭگىمە ءماجىلىسىن 7 رەت باسقارىپ اشىپ، 50 نەشە رەت نەگىزگى ساتىعا ىشكەرىلەي بارىپ، كەدەيلەردى سۇيەمەلدەۋ قىزمەتىنە تەكسەرۋ - زەرتتەۋ جۇرگىزىپ، شوعىرلى، تۇتاسقان 14 ەرەكشە كەدەي ءوڭىردى ارالاپ، كەدەي بۇقارامەن بەتپە - بەت اڭگىمەلەسىپ، ەگجەي - تەگجەيلى ەسەپ جاساپ، بۇكىل پارتيادا جاندى ”تەكسەرۋ - زەرتتەۋ ساباعىن“ ءوتتى.

”حالىق − تاريحتى جاراتۋشى، ناعىز قاھارمان“. باس شۋجي شي جينپيڭ بىلاي دەپ باسا دارىپتەدى: ”حالىقتىڭ جاسامپازدىق رۋحىنا قۇرمەت ەتىپ، حالىق بۇقاراسىنىڭ بالا شاكىرتى بولۋعا پەيىل بولۋ كەرەك“.

جاڭا داۋىردەگى”فىڭچياۋ تاجىريبەسىنە“ ويداعىداي تاباندى بولۋدى، ونى ويداعىداي دامىتۋدى باس شۋجي ەسىنەن شىعارمادى: ”حالىق بۇقاراسىنا تىعىز سۇيەنىپ، ماسەلەنى نەگىزگى ساتىدا شەشۋ، وركەن كۇيىندە شەشۋ كەرەك“ دەپ وتىردى.

جالپى بارىستىق حالىق دەموكراتياسىن دامىتىپ، توراپتاعى بۇقارالىق لۋشيانمەن ويداعىداي ءجۇرۋ كەرەك. پارتيانىڭ 20 - قۇرىلتايىنا قاتىستى قىزمەتتەر جونىندە توراپتان پىكىر الۋ قيمىلىن ورىستەتىپ، پارتيا تاريحىندا پارتيانىڭ مەملەكەتتىك قۇرىلتايىنا قاتىستى قىزمەتتەردە تۇڭعىش رەت بۇكىل پارتيادان، بۇكىل قوعامنان اشىق پىكىر الدى.

باس شۋجي شي جينپيڭ بىلاي دەپ اتاپ كورسەتتى: ”پارتيانىڭ ەڭ ءىرى ساياسي ابزالدىعى − بۇقارامەن تىعىز بايلانىس جاساۋ، پارتيا بيلىك جۇرگىزگەننەن كەيىنگى ەڭ ءىرى حاۋىپ − بۇقارادان قول ءۇزۋ“.

حالىق بۇقاراسىمەن ەتەنە بايلانىستى باستان - اياق ساقتاپ، حالىقپەن تاباندىلىقپەن بىرگە تۇرىپ، بىرگە ويلاپ، بىرگە ىستەپ، ءجۇز ميلليونداعان حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قوزعاساق، پارتيا سارقىلماس كۇش قاينارىنا يە بولادى.

”ەسكەرتكىشتى حالىق بۇقاراسىنىڭ جۇرەگىنە ۇيالاتىپ“، حالىقتى باقىتقا كەنەلتۋ − ەڭ ءىرى ناتيجە.

سول جىلى فۋجياننىڭ دۇڭشان اۋدانىندا گۋ ۋىنچاڭ كادرلار مەن بۇقارانى باستاپ يەن ارالدى جاسىل القاپقا اينالدىردى، بۇقارا مەرەكە - مەيرامدا كۇنى بۇگىنگە دەيىن ”الدىمەن تاساتتىق بەرسە، ونان سوڭ اتا - باباسىنا تابىنادى“. وسى اۋداندىق پارتكوم شۋجيىنىڭ جاقسى ونەگەسى باس شۋجيگە: ”كادرلاردىڭ قىزمەت ناتيجەسىنىڭ جاقسى - جاماندىعىن ولشەيتىن شەشۋشى ءتۇيىن بۇقارانىڭ جاقسى - جامان دەگەنىنە قاراۋ كەرەك“ دەپ قايتا - قايتا ەسكەرتىپ وتىردى.

حالىقتىڭ ويلاعانىن ويلاپ، حالىقتىڭ تاپسىرماسىن ورىنداۋ كەرەك. ءىس ىستەپ، ناتيجە جاراتۋداعى ماقسات − حالىقتى باقىتقا كەنەلتۋ. كىشىسى جالعىز تۇراتىن قارتتاردىڭ ءبىر ۋاق ىستىق تاماق ماسەلەسىن شەشۋگە دەيىن، ۇلكەنى دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ - دەنساۋلىق ساقتاۋ جۇيەسىن قۇرۋعا دەيىن، ”حالىقتىڭ اناعۇرلىم جاقسى تۇرمىس كەشىرۋ جاڭا تىلەگى الدىندا، تيتتەي دە توقمەيىلسۋىمىزگە جانە بويكۇيەزدىككە سالىنۋىمىزعا بولمايدى“.

حالىق بۇقاراسى نەگە قارسى تۇرسا، نەگە كەكتەنسە، ءبىز ودان باتىل ساقتانۋىمىز جانە ونى تۇزەتۋىمىز كەرەك. ورتالىقتىڭ ”سەگىز ءتۇرلى بەلگىلەمەسىن“ بەلگىلەۋ، اتقارۋ قىزمەتىن قاجىماي - تالماي يگەرىپ، ۇزاق ۋاقىت ەڭبەك ەتىپ، ”پارتيانىڭ جاڭا داۋىردەگى قونىس جوتكەۋ ارقىلى سەنىم ورناتۋ شاراسىنا“ اينالدىرۋىمىز كەرەك؛ بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن باتىل جونگە سالىپ، ”پارتيانى جاپپاي قاتاڭ جونگە سالۋ ماڭگى جالعاستىرۋىمىز كەرەك“ ... پارتيا ستيلى دەگەنىمىز − پارتيانىڭ وبرازى.

ءداۋىر − ەمتيحان الۋشى، ءبىز − ەمتيحان بەرۋشىمىز، حالىق − باعا قويۋشى.

جول بويى ءبىز حالىققا تىعىز سۇيەنىپ، تاريحقا جازىلعان جاۋاپ قايتاردىق.

ۋاقىت كۇتىپ تۇرمايدى! تاريح ادامدى كۇتىپ تۇرمايدى! العا باسۋ جولىندا جاڭا تاريحي ۇلى ىستەردى ۇزدىكسىز جاراتۋدا حالىق − ماڭگى ءبىزدىڭ ەڭ بەرىك سۇيەنىشىمىز، ەڭ قۇدىرەتتى جىگەرىمىز.

كەلۋ قاينارى: حالىق تورابى