2 ميلليارد 154 ميلليون يۋان قاراجات ءبولىندى! وسى وڭىرلەردىڭ اپاتتىڭ الدىن الۋ، اپات زاردابىن جەڭىلدەتۋ جانە اپاتتان قۇتقارۋ قىزمەتىنە قولداۋ كورسەتىلەدى 

قازىنا مينيسترلىگى اۋىل شارۋاشىلىعى جانە اۋىل – قىستاق مينيسترلىگىمەن، سۋ ىستەرى مينيسترلىگىمەن بىرگە اۋىل شارۋاشىلىعى سالاسىندا اپاتتىڭ الدىن الۋ، اپات زاردابىن جەڭىلدەتۋ جانە سۋ يگىلىگى سالاسىندا اپاتتان قۇتقارۋ قاراجاتىنان 2 ميلليارد 154 ميلليون يۋان قاراجات ءبولىپ، اۋىل شارۋاشىلىعى سالاسىندا اپاتتىڭ الدىن الۋ، اپات زاردابىن جەڭىلدەتۋ جانە سۋ يگىلىگى قۇرىلعىلارىنداعى تاسقىن بۇلدىرگەن جەرلەردى جوندەۋ قىزمەتىنە قولداۋ كورسەتتى

پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتى تياناقتاندىرۋ ءۇشىن، جۋىردا قازىنا مينيسترلىگى اۋىل شارۋاشىلىعى جانە اۋىل – قىستاق مينيسترلىگىمەن، سۋ يگىلىگى مينيسترلىگىمەن بىرگە اۋىل شارۋاشىلىعىندا اپاتتىڭ الدىن الۋ، اپاتتىڭ زاردابىن جەڭىلدەتۋ جانە سۋ يگىلىگى سالاسىندا اپاتتان قۇتقارۋ قاراجاتىنان 2 ميلليارد 154 ميلليون يۋان قاراجات بولگەن.

ءبىرىنشى، گۋاڭشي، حۋبەي، حۋنان، گۋاڭدۇڭ، چۇڭچيڭ، گۇيجوۋ قاتارلى 6 ولكەنىڭ (اۆتونوميالى رايون، توتە قاراستى قالا) سۋ يگىلىگى قۇرىلعىلارىنداعى تاسقىن بۇلدىرگەن جەرلەردى جوندەۋ قاتارلى تاسقىن، جەر سىلكىنىسى اپاتىنان كەيىنگى قۇتقارۋ جاعىنداعى قىزمەتتى ورىستەتۋىنە قولداۋ كورسەتىپ، سۋ يگىلىگى ينجەنەرياسىنىڭ حاۋىپسىز ىسكە قوسىلۋىنا كەپىلدىك ەتۋگە دەم بەرەدى.

ەكىنشى، لياۋنيڭ، جيلين، جىجياڭ، گۋاڭشي، حۋبەي قاتارلى 5 ولكەنىڭ (اۆتونوميالى رايون) ەگىستىكتەگى داقىلدارعا تىڭايتقىش بەرۋ، سۋارۋ، ءونىم الىنباعان جەرلەرگە قايتالاي ەگىن ەگۋ جانە تولىقتاپ ەگىن ەگۋ، مال شارۋاشىلىعى جانە بالىق شارۋاشىلىعى سالاسىندا قوراداعى مال سانىن تولىقتاۋ جانە مايسانى تولىقتاپ ءوسىرۋ، بۇلىنگەن قۇرىلعىلاردى جوندەۋ قاتارلى اپاتتان كەيىنگى ءوندىرىستى قالپىنا كەلتىرۋ جاعىنداعى قىزمەتتەردى ورىستەتۋىنە قولداۋ كورسەتەدى.

ءۇشىنشى، سانشي، شينجياڭ، گانسۋ قاتارلى 3 ولكەنىڭ (اۆتونوميالى رايون) اۋىل شارۋاشىلىعى داقىلدارىن قايتالاي ەگۋ جانە تولىقتاپ ەگۋ، مال شارۋاشىلىعى سالاسىندا قوراداعى مال سانىن تولىقتاۋ قاتارلى تاسقىن ءجۇرۋ، بۇرشاق جاۋۋ اپاتىنان كەيىنگى قۇتقارۋ جاعىنداعى قىزمەتتەردى دەر كەزىندە ويداعىداي ىستەۋىنە قولداۋ كورسەتىپ، اۋىل شارۋاشىلىعى ءوندىرىسىن جەدەل قالپىنا كەلتىرەدى.

ءتورتىنشى، اپاتتىڭ الدىن الۋ مەن قۇتقارۋدى ۇشتاستىرۋعا نازاردى شوعىرلاندىرىپ، حىبەي، ىشكى موڭعۇل، جيلين، حيلۇڭجياڭ، جياڭسۋ، انحۇي، جياڭشي، شاندۇڭ، حىنان، حۋبەي، حۋنان، شينجياڭ، سىچۋان قاتارلى 13 ولكەنىڭ (اۆتونوميالى رايون) جانە شينجياڭ ءوندىرىس – قۇرىلىس بيڭتۋانىنىڭ، بەيداحۋاڭ تىڭ يگەرۋ توبىنىڭ ءدارى بۇركۋ قاتارلى كۇزگى استىققا ساياتىن اپاتتان ساقتانۋ شارالارىن اتقارۋىنا قولداۋ كورسەتىپ، كۇزدىك استىقتان مول ءونىم الۋعا جانە جىل بويى استىقتان مول ءونىم الۋعا دەم بەرەدى.

كەلۋ قاينارى: حالىق تورابى