بيىل ەلىمىز بويىنشا حالىق  تۇرمىسىنا قولايلى اۋماقتان 10 مىڭنان استامى قۇرىلادى 

جۇمىسشىلار گازەتىنىڭ ءتىلشىسى شى لان - نا حابارلايدى. جۋىردا، ساۋدا مينيسترلىگىنىڭ كەڭسە مەڭگەرمەسى قالادا ”حالىق تۇرمىسىنا قولايلى 15 مينۋتتا جەتۋگە بولاتىن اۋماق“ قۇرىلىسىن ىلگەرىلەتۋگە اناعۇرلىم كۇش سالۋ قىزمەتى جونىندەگى ۇقتىرۋدى شىعارىپ، قاتىستى جوباداعى ورنالاستىرۋعا ساي، ساپاعا كەپىلدىك ەتۋ العى شارتىندا، بيىل ەلىمىز بويىنشا حالىق تۇرمىسىنا قولايلى اۋماقتان 10 مىڭ اۋماقتى قۇرىپ شىعۋ سىندى بەلگىلەنگەن نىسانانى ورىنداۋدى تالاپ ەتكەن.

ۇقتىرۋدا مىنالار تالاپ ەتىلگەن: قارتتارعا قىزمەت وتەيتىن ساۋدا كوشەسى، بالالارعا ارنالعان سايران باقشاسى قۇرىلىسىن بەلسەندى ىلگەرىلەتۋ كەرەك. ورتاسى كەمەلدەنگەن، قىزمەت وتەۋى ساپالى، تيجاراتى ارناعا تۇسكەن، بۇقارا ريزا بولاتىن قارتتارعا قىزمەت وتەيتىن ساۋدا كوشەلەرى مەن بالالارعا ارنالعان سايران باقشالارىنان ءبىر توبىن جەتىلدىرۋ كەرەك. الەۋمەتتىك اۋماقتاعى ساۋدا ورتالىعى، كوشە - رايوندارداعى قازىر بار ساۋدا نىساندارىن تەكسەرىپ انىقتاۋدى كۇشەيتىپ، الەۋمەتتىك اۋماقتاعى قارتتار سانى كوپ، ساۋدالىق نەگىزى جاقسى نىسانداردى الدىمەن تاڭداپ شىعىپ، اناعۇرلىم ساپالىلاندىرۋ، دەڭگەيىن جوعارىلاتۋ، ونىمدىلىگىن ارتتىرۋ ارقىلى تيپتىك ۇلگى قالىپتاستىرىپ، مەملەكەت بويىنشا ”قارتتار مەن بالالارعا“ قىزمەت وتەۋ ورتاسى قۇرىلىسىنا ۇلگى دايىنداۋ قاجەت.

سونىمەن بىرگە، تۇتىنۋدى جەبەۋ قيمىلدارىن يكەمدى ورىستەتۋ كەرەك. جەر - جەر حالىق تۇرمىسىنا قولايلى اۋماقتان پايدالانىپ باي مازمۇندى حالىققا ءتيىمدى وتىمدىلەندىرۋ قيمىلدارىن ورىستەتىپ، وتاندىق تاۋارلاردىڭ ىشىندەگى ”مودا بۇيىمداردى“، سىرتقى ساۋداداعى ساپالى بۇيىمداردى، جەرگىلىكتى ورىنداعى ساپالى بۇيىمداردى، حالىقارالىق ايگىلى ماركاداعى بۇيىمداردى الەۋمەتتىك اۋماققا جەتكىزىپ، زاڭعا، ەرەجەگە ساي كورمە رايونىن، كورمە سورەسىن ورنالاستىرىپ، الەۋمەتتىك اۋماقتاعى تۇتىنۋ ورتاسىن بايىتۋى كەرەك. وتباسىلىق ەلەكتر جابدىقتارىنىڭ كونەسىن جاڭاسىنا اۋىستىرۋعا، سيفرلى جانە زەردەلى ونىمدەردىڭ جاڭاسىن ساتىپ الۋعا قوسىمشا قاراجات بەرۋ ساياساتىنا قاتىناساتىن تۇلعالاردى الەۋمەتتىك اۋماقتا ۇگىت جاساۋ، وتىمدىلەندىرۋ قيمىلدارىن وتكىزۋگە شابىتتاندىرىپ، ءوندىرۋ، ساتۋ، تەكشەلىك قىزمەت وتەۋ، زات ساتقاننان كەيىنگى قىزمەت وتەۋ جانە قايتا وڭدەۋ باسقىشتارىنداعى كاسىپورىنداردىڭ الەۋمەتتىك اۋماقتا حالىققا قولايلى قىزمەت وتەۋ ءتۇيىنىن قۇرۋىنا جەتەكشىلىك ەتۋى كەرەك. اۆتوموبيل ءوندىرۋ، اينالىمعا سالۋ، قايتا وڭدەۋ جاقتارىنداعى كاسىپورىنداردى الەۋمەتتىك اۋماقتا اۆتوموبيلدىڭ كونەسىن جاڭاسىنا اۋىستىرۋ ساياساتىنا قاتىستى ۇگىت جۇرگىزۋگە، شارت - جاعدايى بار الەۋمەتتىك اۋماقتاردا اۆتوموبيل جارمەڭكەسىن ۇيىمداستىرۋ، سىناق رەتىندە اۆتوموبيل جۇرگىزۋگە شارت – جاعداي جاساۋ قاتارلى قيمىلداردى ورىستەتۋگە شابىتتاندىرۋى كەرەك كەرەك.

مۇنان سىرت، جەر - جەر ساياساتتى توعىستىرۋدى كۇشەيتىپ، وسىزامانعى ساۋدا اينالىمى جۇيەسىن تۇيىندە سىناق ەتۋ قاتارلىلارعا ارنالعان قازىنالىق قاراجاتتاردان پايدالانىپ، شارتقا ساي كەلەتىن الەۋمەتتىك اۋماقتاردا ساۋدا ورتالىعىن، كوكونىس بازارىن سالۋعا جانە وزگەرتىپ سالۋعا قولداۋ كورسەتۋى كەرەك. الەۋمەتتىك اۋماقتاعى ساۋدا نىساندارىنا قاتىستى بايلانىس جاساۋ، پىكىر اۋىستىرۋ تەكشەسىن قۇرىپ، تيجارات كاسىپورىندارى مەن ايگىلى ماركاعا يە كاسىپورىنداردى، قوعامدىق كاپيتالدى جانە فينانس قۇرىلىمدارىن قاتىناسۋعا باۋراپ، الەۋمەتتىك اۋماقتاعى ساۋدانىڭ ومىرشەڭدىك قۋاتىن تاسقىنداتۋى كەرەك.

كەلۋ قاينارى: حالىق تورابى