بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.08.04 16:00 كەلۋ قاينارى : حالىق تورابى
نيڭشيا حۇيزۋ اۆتونوميالى رايونى گۋيۋان قالاسى شانجيابۋداعى جانگو داۋىرىندەگى چين بەكتىگىنىڭ ادامدارى جەرلەنگەن قابىرلارعا جۇرگىزىلگەن ارحەولوگيالىق زەرتتەۋدە جۋىردا زور جەتىستىككە قول جەتكىزىلدى: عىلىمي زەرتتەۋ ۇجىمى كوپ ءپان ءتۇرى بويىنشا بىرلەسىپ تەكسەرۋ جۇرگىزۋ ارقىلى شامامەن 2300 جىل بولعان جانگو داۋىرىندەگى چين بەكتىگىنىڭ استىقتان جاسالعان اراعىنىڭ قالدىعىن ءساتتى انىقتاعان ءارى ونى اشىتۋعا پايدالانىلعان ناقتى شيكىزات پەن تەحنولوگيانى اشىپ كورسەتكەن. قاتىستى زەرتتەۋ ناتيجەلەرى «ارحەولوگيا عىلىمى جۋرنالى: بايانداما» اتتى جۋرنالدا جاريالانعان.
شانجيابۋ قابىرى گۋيۋان قالاسى يۋانجوۋ رايونىندا، جانگو داۋىرىندەگى چين بەكتىگىنىڭ ۇلى قورعانىمەن ىرگەلەس، بۇل ارادان جالپى جانگو داۋىرىندەگى 183 قابىر بايقالعان. ارحەولوگيالىق قىزمەتكەرلەر چين مادەنيەتىنىڭ بەلگىلەرىن بايقاۋعا بولاتىن مىستان جاسالعان ۋسارىمساق فورمالى قۇمىرادان 3740 ميلليليتر بايىرعى سۇيىقتىق قالدىعىن الىپ شىققان. اتالعان مىس قۇمىراعا ىشكى جاعىن توقىما بۇيىممەن استارلاپ، سىرتىنا ورگانيكالىق بالشىق جاعۋ سىندى قوس قاباتتى ساڭلاۋسىز بەكىتۋ تەحنولوگياسى قولدانىلىپ، سىرتقى ورتانىڭ لاستاۋىنان اۋاشالاندىرىلعان، بۇل 2000 نەشە جىلدىڭ الدىنداعى ەجەلگى اراقتىڭ نەگىزىنەن تولىق ساقتالۋىنا، از بۋلانۋىنا مۇمكىندىك جاساعان، بۇل قازىرگە دەيىن ەلىمىزدە جاريالانعان ەڭ تولىق ساقتالعان، ينفورماتسيا مولشەرى ەڭ مول جانگو داۋىرىندەگى چين بەكتىگى مەزگىلىندەگى اراقتىڭ قالدىعى سانالادى.
كەلۋ قاينارى: حالىق تورابى
