وزگەرىس ەنگىزىلگەننەن كەيىنگى «ينتەگرالدى تىزبەك سحەماسىن جوبالاۋ، قورعاۋ ەرەجەسىن» جاريالادى

شينحۋا اگەنتتىگى، 8 - ايدىڭ 3 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، وزگەرىس ەنگىزىلگەننەن كەيىنگى «ينتەگرالدى تىزبەك سحەماسىن جوبالاۋ، قورعاۋ ەرەجەسىن» (تومەندە قىسقاشا «ەرەجە» دەلىنەدى) جاريالادى، ەرەجە 2026 - جىلى 10 - ايدىڭ 15 - كۇنىنەن باستاپ اتقارىلادى.

«ەرەجەدەگى» ماقسات ينتەگرالدى تىزبەك سحەماسىن جوبالاۋ ارناۋلى ۇقىعىن قورعاپ، ينتەگرالدى تىزبەك تەحنيكاسىندا جاڭالىق جاراتۋعا دەم بەرىپ، عىلىم - تەحنيكانىڭ دامۋىن جەبەۋ.

«ەرەجە» جالپى 6 تاراۋ، 54 تارماقتان تۇرادى، وزگەرىس ەنگىزىلگەن باستى مازمۇندارى مىناداي:

ءبىرىنشى، جالپى تۇلعالىق تالاپ ايقىندالدى. ينتەگرالدى تىزبەك سحەماسىن جوبالاۋ، قورعاۋ قىزمەتىندە پارتيا مەن مەملەكەتتىڭ ءبىلىم مەنشىك ۇقىعى جونىندەگى ستراتەگيالىق ورنالاستىرۋىن دايەكتىلەندىرىپ، قورعاۋ كولەمىن كەڭەيتىپ، ادالدىقتى، سەنىمدىلىكتى دارىپتەۋ كەرەك دەپ بەلگىلەندى.

ەكىنشى، ءوتىنىش بەرۋ، تەكسەرۋ ءتارتىبى كەمەلدەندىرىلدى. جالعان وتىنىشكە بايلانىستى، ماتەريال تالابى اشالانىپ، تويتارۋ، كۇشىنەن قالدىرۋ ءتارتىبى كەمەلدەندىرىلىپ، ۇقىقتى قالپىنا كەلتىرۋ ءتارتىبى قوسىلدى.

ءۇشىنشى، ارناۋلى ۇقىقتى قورعاۋ كۇشەيتىلدى. ۇقىق كولەمىن بەلگىلەۋ ولشەمى ايقىندالىپ، ۇقىققا قول سۇعۋعا تولەم بەرۋ تەبىنى ارتتىرىلدى.

ءتورتىنشى، سحەمانى جوبالاپ قولدانۋ جەبەلدى. الەۋمەتتىك قىزمەت وتەۋ كۇشەيتىلىپ، سيلاۋ شارالارى ايقىندالىپ، وتكەرمەلەۋ، رۇقسات ەتۋ، كىرەۋگە قويۋ تالاپتارى كەمەلدەندىرىلىپ، ورتاق يەگەرلەردىڭ ۇقىعىن جۇرگىزۋى ارناعا تۇسىرىلەتىن بولدى.

كەلۋ قاينارى: حالىق تورابى